hósdagur 18. mai 2017síða 7

FRÍGGJADAGUR 19. MAI 2017 SOSIALURIN 58 7 men fyrstu árini livdi eg av inn­ tøku, sum eg fekk í Føroyum sum myndamaður. Eg var ofta í Føroyum og tók myndir til brúð­ leyp, kókibøkur og fyritøkur. Tað tók fleiri ár áðrenn ferð veruliga kom á, sigur hann. Hóast Benjamin hevur lis­ið fotojournalistikk, so held­ur hann sjálvur, at hann er uttan­fyri­ standandi í ameri­konskum foto­ journalist­iskum høpi, tí hann ikki altíð heldur seg til sermerkta ameri­ kanska fotojournalistiska stílin. – Tað er ein ávísur háttur at taka myndir á. Endamálið er at knýta saman lesarar og søguna, og tað hendir, tá ein er visuelt tilvitaður um litir, ljós, samskifti og annað, greiðir hann frá. – Í miðlunum verður, umframt skrivaða tekstin, eitt visuelt mál nýtt. Tað er ein sermerktur máti at taka myndir av týðandi persónum og mátin broytist, tá talan er um persónar, sum ikki eru av so stórum týdningi. Í mínum arbeiði flyti eg meg út um hasi visuellu tungumálini, sigur hann. Tað sum Benjamini dámar best í arbeiði sínum, er at varpa ljós á støður í heiminum, sum mangla uppmerksemi. Nýggjasta avrikið saman við filmsframleiðara ger júst tað, við at siga søgurnar hjá iranskum flóttafólki í Nebraska. -ISIS hevur framt hópmorð av Yazidi fólkinum í Irak. Í hesi myndafrásøgnini hava vit sameint myndir av flóttafólki við sms boð, sum tey hava fingið frá familju síni í Irak, tá hópmorðini vórðu framd. Vit ynsku at varpa ljós á eitt evni, sum fólk eru troytt av at hoyra um, og gera tað áhugavert fyri fjøldina, sigur hann um eina av nýggjastu verkætlanum sínum. Tekur vanliga ikki politiskar myndir Benjamin Rasmussen er vorðið eitt kendari navn, eftir at hann tók myndirnar av amerikanska for­setanum Donald Trump, til forsíðuna av Time Magazine, tá blaðfólk frá Time vóru til eksklusiva vitjan í Hvítu Húsunum og fingu samrøðu við forsetan. Hann hevur havt samband við blaðfólk frá Time í nøkur ár og eisini arbeitt fyri blaðið sum fríyrkismyndafólk fyrr. Tá hann fekk tilboðið um at gera hesa myndarøðina av heimsins mátt­ miklasta manni, ivaðist hann í, um hann skuldi átaka sær uppgávuna. – Tað er ikki altíð gagnligt at gera politiska umrøðu, og tí ivaðist eg. Tá forseta valið var, gjørdi eg bert eina politiska uppgávu av somu orsøk. Politikkur fær alt ov nógv uppmerksemi, og er í grundini eitt stórt sirkus, sigur hann. – Eg segði tó ja, tí eg haldi, at hend­an uppgávan er eitt íkast til samtíðarsøguna, og tí er tað áhuga­ vert, leggur hann afturat. Brotnar avtalur Á Time Magazine vildu tey miða ímóti, at fáa serliga góða atgongd til forsetan. Hendan samrøðan, sum skuldi bera forsíðuna, vistu tey fór at vera týðandi, og tí ynskti redaktørurin, at myndamaðurin var ein, sum ikki vanliga arbeiðir við politikki. Í fyrstu atløgu var uppgávan eitt portrett av for­set­ anum, men treytirnar sum toymið fekk broyttust fleiri ferðir. – Eg fleyg til Washington DC og bíðaði at fáa endalig boð í tríggjar dagar. Síðani fingu vit boð um, at avtalan varð flutt til komandi vikuna. Eg fleyg so heim, og kom aftur til Washington DC vikuna eftir, men eg visti onki endaligt, fyrr enn fáir tímar áðrenn vit sluppu inn, sigur hann. – Samskiftið millum starvsfólki um atgongd til forsetan er út av lagi vánaligt í Hvítu Húsunum. Tey klandrast og vildu ikki tað sama. Vit fingu endiliga atgongd, tí eitt av samskiftisfólkunum pressaði uppá, men ráðgevarar forsetans vistu ikki, at vit komu. Eisini var alt sera hemmiligt, tí um nakar frætti um hetta, so kundu vit jú missa atgongdina. Tað var sera løgið, sigur hann um upplivingina. Trump gav sær góðar stundir Benjamin og toymið frá Time Magazine høvdu ætlanir um, at tey undir døgverðanum, sum skuldi vera fyri miðlafólki, skuldu royna at yvirtala forsetan og fólk hansara um at sleppa til privata tilhald forsetans á aðru hæddini av Hvítu Húsunum, greiðir Benjamin Rasmussen frá. – Tá vit koma í skrivstovuna, the Oval Office, tendrar Trump stóra sjónvarpið, og vísur toyminum hoyringar frá senatinum. Hann greiðir frá og ger viðmerkingar til tað, sum hann sær í eini 15 til 20 minuttir. Vanliga hava myndafólk bert tveir minuttir til myndatøku og blaðfólk ein hálvan tíma til samrøðu, tá vitjað verður í Hvítu Húsunum á hendan hátt. At hann brúkti 20 minuttir uppá at vísa okkum okkurt í sjónvarpinum var absurd, sigur Benjamin Rasmussen bilsin. Trump broytir hugsan Síðani fer toymið úr skrivstovu forsetans og til døgverðan, men á veg til døgverðan broytir Trump hugsan, og velur at vísa gestunum runt í Hvítu Húsunum. – Myndafólk verða ongantíð loyvd in í privata partin av Hvítu Húsunum, fyrr enn tey fýra árini Samskiftið millum starvsfólkið um atgongd til forsetan er út av lagi vánaligt í Hvítu Húsunum. Tey klandrast og vildu ikki tað sama. Vit fingu endiliga atgongd, tí eitt av sam­skiftis­fólkunum pressaði uppá, men ráðgevarar forsetans vistu ikki, at vit komu. Eisini var alt sera hemmiligt, tí um nakar frætti um hetta, so kundu vit jú missa atgongdina. Tað var sera løgið« ➥ Benjamin Rasmussen er í Føroyum í tvær vikur, og tekur myndir fyri føroyska fyritøku Myndamaðurin Benjamin Rasmussen til arbeiðis