mánadagur 22. mai 2017síða 4

Mánadagur 22. mai 2017 · Nr. 59 4 Sosialurin Hugskot og viðmerkingar – send sms til 225000 UNDIR FÝRA EYGUM Hvat gert tú, tá ið tú slappar av? – Eg havi fleiri ítrív. Eg havi spælt í Klaksvíkar Hornorkestri síðani 1986. Eg havi hjálpt KÍ-kvinnunum við tí umsitingarliga og verið ferða­leiðari hjá teimum síðani 2000. Eg havi røkt ymsar uppgávur fyri Summar Festi­valin, millum annað havt Robin Gibb og Cliff Richard á vitjan. Eg havi verið nevndar­limur í Norðoya listafelag í mong ár, og tað er gevandi og læruríkt. Mær dámar eisini væl at fáast við fjall og seyð, og so er tað gott at sleppa á onkra ferð av og á. Hvat land kundi tú hugsað tær at vitja? – Eg havi ferðast víða í heiminum og vitjað nógv lond, men eg kundi hugsað mær at vitja Galapagosoyggjarnar, sum eru nakað heilt serligt við náttúru og djóralívi. Eyðun Klakstein Tá ið Heri Ellingsgaard í 1984 varð settur sum um­sjónar­ maður á Klaksvíkar Sjúkra­ húsi, var tað lívsstarvið, hann fekk. Tí nú 33 ár seinni hevur hann sama starvið, og stór­trívist í tí. – Tað var eitt sindur til­ vildarligt, at eg søkti starvið. Sum barn droymdi eg ikki um, at eg skuldi verða sjúkra­ hússtjóri, men tá ið starvið var lýst leyst, fekk eg áhuga fyri tí og søkti tað. Tá hevði eg gingið á skúla og starvast í Danmark, men tað var ong­ an­tíð ivi um, at eg skuldi heim­aftur at búgva og virka, sigur Heri Ellingsgaard. Tá í tíðini var ein felags sjúkra­hússtjóri fyri tey trý sjúkra­húsini, sum síð­ani høvdu politisk vald stýri, ið høvdu stóra ávirk­an á sjúkra­húsunum. Í prak­sis hevði sjúkra­hús­stjór­in ein avmarkaðan leik­lut, var skrivari hjá stýr­un­um og av­greiddi mál fyri lands­ stýris­mannin. Leiðararnir á sjúkra­hús­un­um – sum tá kall­að­ust um­sjónarmenn – høvdu dagligu leiðsluna. – Serliga á teimum smærru sjúkrahúsunum stýrdu stýr­ini rætti­liga nógv á sjúkra­húsunum, og vóru onk­ur mál av týdningi, tók nevndin avgerðirnar, og so skuldi umsjónarmaðurin út­ føra tær. Onkun­tíð kundi eg kenna meg sum lús mil­l­um tvær negl, tí eg skuldi stund­ um ganga ímill­um politiska stýrið og sjúkra­hús­s­tjóran, sum var ovasti umsitingar­ ligi leiðarin í heilsu­verk­inum, greiðir Heri Ellings­gaard frá. – Eg havi røkt starvið so leingi, tí tað hevur verið sera spennandi og avbjóðandi, og so haldi eg eisini, at tað hevur gingið væl, hóast vit hesi árini hava verið ígjøgnum stórar búskaparkreppur, og tá hevur verið trupult at fáa raksturin at hanga saman, sigur Heri Ellingsgaard. Avbjóðingar Klaksvíkar Sjúkrahús var bygt í 1898, eftir at Norð­ oyggjar síðani 1871 høvdu havt læknahús í granna­lag­ num, har sjúkrahúsið nú er. Eystari partur av Eystur­ oynni var saman við norðoy­ ing­um í arbeiðnum at fáa sjúkrahús í Klaksvík. Síðani 1898 eru ymiskar útbyggingar og nýbyggingar gjørdar á Klaksvíkar Sjúkrahúsi, sum síðani fyrst í 1980’unum hev­ur verið samanbygt við Norð­oya Røktarheimi. Heri Ellingsgaard er stjóri fyri Klaksvíkar Sjúkrahús og hevur umsitingarligu ábyrgdina av sjúkrahúsinum. – Eg skal syrgja fyri, at vit halda okkara játtan, at játt­anin verður brúkt so væl sum gjørligt, og at vit fáa hjálpt so nógvum fólk so væl sum gjørligt. Um vit høvdu óavmarkaða pen­ inga­upp­hædd at brúka, var ikki neyð­ugt við einum stjóra. Av­bjóðingin er at fáa raksturin at bera til og at rað­festa innan­hýsis, har tað eisini kunnu vera ymiskar hugs­anir um raðfestingar, sigur Heri Ellingsgaard. Í altjóða samanhangi eru sjúkrahúsini í Føroyum sera smá, og í føroyskum sam­anhangi er Klaksvíkar Sjúkra­hús annað av smáu sjúkrahúsunum. Nógva­ staðni er avbjóðingin at fáa lækn­ar og onnur út­búgv­ in heilsu­starvsfólk til smá sjúkra­hús, sum liggja í útjað­ ara, men hesin trupulleikin er ikki stórur á Klaksvíkar Sjúkrahúsi. – Vit hava so fáar læknar, og tí skulu vit heldur ikki finna so nógvar læknar, og tað hevur víst seg, at tað ber til hjá okkum at fáa læknar at arbeiða á sjúkrahúsinum. Høvdu vit skulað funnið eitt størri tal av læknum, hevði tað verið ein trupulleiki at funnið teir. – Fleiri og fleiri føroyingar hava útbúgvið seg innan heilsu­økið, og tað hevur eis­ ini hjálpt munandi um hjá okkum at finna røttu fólk­ ini til tey ymsu størvini. Vit hava verið heppin við okkara starvsfólkum, tí tey eru dugnalig og leggja sera nógva orku í sítt starv. Heri Ellingsgaard heldur, at støðan, sum Klaksvíkar Sjúkrahús hevur í kjakinum um føroyska heilsuverkið, hevur verið viðvirkandi til, at starvsfólkahópurin hevur verið motiveraður og íðin í arbeiðnum. – Vit eru lítlibeiggin, og vit eru stundum undir trýsti. Tað verður tosað um at niður­leggja sjúkrahúsið, og fólk stúra fyri sínum starvi. Hetta er nakað, sum skapar samanhald og ídni, og fólkini vilja vísa, at tey duga. Tað er gott at vera stjóri á einum slíkum arbeiðsplássi, sigur Heri Ellingsgaard. Í februar mánaði vóru fólk frá danska stovninum IKAS og kannaðu, um før­ oyska sjúkrahúsverkið lýkur dygdarkrøvini, sum Den Danske Kvalitetsmodel setir. Klaksvíkar Sjúkrahús fekk sum tað einasta góðkenning uttan viðmerkingar. – Akkrediteringin var ein staðfesting av, at Klaksvíkar Sjúkrahús er í toppformi, og vit eru sera errin av hesari góð­kenning, sigur Heri Ell­ ings­gaard. Broytingar Stjórin á Klaksvíkar Sjúkra­ húsi roknar við, at virksemið hjá heilsuverkinum fer at broytast í framtíðini. – Fólk eru meira til­vit­ að um at fyribyrgja væl­ ferðar­sjúkur, og tey hava størri vitan um heilsu og hugsa meira um kost og rørslu og annað. Í grundini kann sigast, at fólk geva sær sjálvum fyribyrgjandi viðgerð, og tað sæst eisini aftur í, at talið á fólki, sum eru innløgd við álvarsomum sjúkum, minkar. Vit liva betri, og vit liva longri. – Viðgerðirnar, sum sjúkra­húsini veita, blíva fleiri og betri, og alt meira verður gjørt ambu­lant ella við stutt­ari innlegging. Eg síggi fyri mær, at sjúkrahúsini í fram­tíðini í størri mun fara at hava ein fyribyrgjandi og ráðgevandi leiklut. Sjúkra­ húsini fara sjálvandi at – Tað er ov tilvildarliga ásett, hvørji serøki eru á føroysku sjúkrahúsunum, og hvørjar viðgerðir eru hvar. Hetta er bara við til at gera kjakið óneyðuga fløkt, sigur Heri Ellingsgaard, stjóri á Klaksvíkar Sjúkrahúsi. Hann heldur, at neyðugt er við nógv greiðari áseting av virkisøkjunum í sjúkrahúsverkinum og betri samstarvi millum sjúkrahúsini KJAKIÐ UM SJÚKRA­HÚSINI ER ÓNEYÐUGA FLØKT UM HERA ELLINGSGAARD Heri Ellingsgaard er klaksvíkingur og hevur síðani 1984 verið stjóri á Klaksvíkar Sjúkrahúsi. Hann hevur útbúgving av handilsskúla niðri. Umframt at hava leitt Klaksvíkar Sjúkrahús í 33 ár, hevur hann eisini verið virkin tónleikari – til dømis eitt skifti í rockbólkinum Straight Ahead og í eini 30 ár í Klaksvíkar Hornorkestri, har hann eisini hevur verið formaður.