mánadagur 22. mai 2017síða 23

23 Mánadagur 6. januar 2014 · Nr. 2 Sosialurin Mánadagur 22. mai 2017 · Nr. 59 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Tað var sera áhugavert at hava Sonna L. Petersen, fyrrverandi formann í NSÍ, sum gest í Sportboxini á Rás2 farna fríggjadag. Síðani hann legði frá sær sum formaður hevur hann skrivað eitt sindur um sínar meinginar á einum bloggi, sum hevur sett gongd á áhugavert kjak. Millum annað um útjavning av Evropa- pengum, og um hvussu fótbóltskjakið til stóru fundirnar hjá Fótbóltssambandinum mangan er á ov lágum stigi. Tað hendir ov oftani, at fólk enda í nevndum og nærmast blíva frontfigurar fyri síni feløg, uttan at hava gjørt sær stórvegis tankar um havt tey hava bjóðað seg fram til. Tá so eitt stórt mál kemur fyri – serliga tey uttan ávaring og fyrireiking – so er torført at fáa eitt skilagott kjak um evnið. Eisini vísti Sonni L. Petersen á hvussu hart og uppslítandi nevndararbeiði er í feløgunum. Fyri tey fremstu er tað eitt nú dystirnir í Evropa, sum krevja nógva fyrireiking. So nógv, at hann sum formaður í NSÍ næstan ikki ynksti at koma víðari, tí tað fylgir so nógv arbeiði við. Í øðrum feløgunum er tað fíggjarligi parturin, meðan uppaftur onnur eru so smá, at hendurnar eru ikki nógvar, tá stórar papírsuppgávur skulu latast inn – eitt nú luttøkuloyvi. Landsliðsfótbólturin hevur flutt seg ótrúliga langt og feløgini eru nógv meiri tilvitaði um, hvat eitt besta lið skal hava, fyri at klára seg. Fleiri feløg eru eisini væl skipaði, men tað er av stórum týdningi, at vit lurta, tá tey sum arbeiða ókeypis byrja at siga frá. Sonni L. Petersen heldur fyri, at eitt nú formansposturin skal lønast, tí tað liggur so nógv arbeiði í at verða formaður í einum fótbóltsfelagi. Herfrá skal ikki sigast um júst hetta er eitt gott hugskot, men verður kravt meiri av feløgunum, so mugu vit eisini innsíggja, at tey allar helst koma at krevja meiri hinvegin. At sita í nevd í einum ítrottarfelagi skal kunnast gerast av áhuga og við gleði – annars er tað eitt arbeiði. trondur@sosialurin.fo Uppslítandi nevndararbeiði KLUMMAN Tróndur Arge sigur sína hugsan... Tróndur Arge Aftur í ár hevur Ítr­ótt­ar­ Sosi­al­urin sett eitt ársins lið fyri fyrsta triðingin av lands­kapp­ingini. Tað hevur ikki ver­ið lætt og tað er ikki inn­an­hýsis semja, tí tað eru fleiri boð um fleiri av pláss­ un­um. Á hesum liðnum verð­ur ikki hugsað so nógv spæl­ar­ar­nir í veruleikanum høvdu kunnað spælt saman, men meiri um teirra avrik fyri síni lið. Tað er næstan einki pláss, har tað ikki finst minst eitt gott alternativ á liðnum hesa­ferð. Avrikini hava verið rími­liga javnt góð hjá fleiri spæl­ar­um. Hetta er okkara boð upp á ársins lið higartil. Ársins lið higartil: Uppstilling: 4-4-2 Málmaður: Símun Rógvi Hansen (NSÍ) Hevur verið sannførandi í sín­um avikum og tykist væl fyri. NSÍ hevur ikki bestu verj­una í landinum, men við sandoyinginum á liðnu hev­ ur tað hjálpt væl í ár. Onnur boð: Kristian Joensen (KÍ) Høgri Bakk: Gert Hansen (Víkingur) Royndi bakkurin hevur veruliga funnið seg til rættis í Víkingi, eftir at hann bleiv fluttur á høgra bakkin. Hevur verið javnt góður í ár. Hevur eisini hjálpt til við trimum málum. Onnur boð: Tobias W. Olesen (NSÍ), Sørmundur Kalsø (KÍ) Miðverji: Hørður Askham (KÍ) Hevur fingið eina góða byrjan upp á tíðina sum KÍ spælari. Passar væl til stílin og tykist passa væl til spælskipanina við trimum í miðverjuni. Onnur boð: Jonas F. Rasmussen (KÍ), Jóhan T. Davidsen (HB) Miðverji: Atli Gregersen (Víkingur) Landsliðsmiðverjin er betri fyri enn hann hevur verið í langa tíð. Hansara evir at stýra og leiða eru ein undirmettur partur av spælinum. Hevur eisini spælt allar 810 minuttirnar higartil. Onnur boð: Odmar Færø (B36), Per Langgaard (NSÍ) Vinstri bakk: Hanus Jacobsen (Víkingur) Hevur í fleiri ár verið ein fastur partur av verjuni hjá Víkingi. Í ár hava avrikini eisini verið góð og Víkingur fær góða nyttu burturúr Hanusi í bæði álopsstøðu og verjustøðu. Onnur boð: Einar Trónda­ gjógv (NSÍ) og Ári Mohr Jónsson (HB) Høgri miðvøllur: Árni Frederiksberg (NSÍ) Er undangongumaðurin á NSÍ liðnum. Leggur upp og skjýtur mál. Tykist væl fyri og er málrættaður í sínum spæli. Ein tann mest spennandi spælarin í føroysku kappingini. Miðvallari: Róaldur Jakobsen (B36) Tann føroyski Andrea Pirlo. Er í einum flokki fyri seg, tá hann er í góða lagnum. Ein spælari, sum er verdur allar pengarnar, bæði fyri áskoðaran og fyri B36. Miðvallari: Semir Hadzebulic (KÍ) Prógvaði í fjør, at hann er ein av stinnastu spælarunum í landinum. Í ár hevur hann avrikað frá byrjan og er ein lyklaspælari í FM stríðnum hjá KÍ. Vinstri miðvøllur: Jóannes Bjartalíð (KÍ) Hevur skotið trý mál higartil og eigur sín lut í, at KÍ er oddalið í Effo- deildini higartil. Er ikki altíð so sjónligur í spælinum, men skarpur, tá hann fær møguleikan. Onnur boð: Benjamin Heinesen (B36) Áleypari: Klæmint A. Olsen (NSÍ) Tað er næstan ikki neyðugt at seta orð á hví. Hann er ein arbeiðshestur, sum er garantur fyri mál. NSÍ hevur skotið flest mál saman við B36, og tað er ikki so løgið við Klæminti A. Olsen í álopinum. Onnur boð: Páll A. Klettskarð (KÍ) Áleypari: Patrik Johannesen (B36) Meðan B36 hevur fingið eina misjavna byrjan, so hevur Patrik Johannesen ikki spurt eftir. Hann koyrir bara á og er toppskjútti saman við Klæminti A. Olsen. Hevur eisini vunnið liðnum brotsspørk og verið við í fleiri álopum. Onnur boð: Ken Fagerberg (07 Vestur), Jón Krosslá Poulsen (TB/FSC/Royn) Venjari: Maurice Ross (TB/ FC Suðuroy/Royn) Skotin hevur verið maðurin aftanfyri góðu gongdina hjá nýggja felagsliðnum. Hann hevur havt styttst tíð at fyrireika sítt lið, og torførastu umstøðurnar, tí fleiri spælarar venja í Havn. Alíkavæl hevur hann megnað at fingið heili 12 stig burturúr fyrsta triðinginum. Venjari hjá ársins liðið higartil. ÁRSINS LIÐ – HIGARTIL