mánadagur 22. mai 2017síða 32

VIKA 21 • 22. MAI 2017 8 RÓÐRARBLAÐIÐ Tað hevur verið langt millum formansskiftini í Róðr­arsambandi Føroya. Fyri einum stórum ári síðani avloysti Tóki Hartman Niclasen Jan Her­ man Hansen, sum hevði verið formaður í tíggju ár. Longu seint síðsta summar var tað greitt, at nýggjur formaður skuldi veljast, tí tað lá ikki fyri hjá nýggja formanninum at halda fram. Kallað varð inn ti eykaaðalfund, og einasta upp­skotið til nýggjan formann var Annika V. Dals­garð, sum setti seg við stýrisvølin í RSF í sept­emb­er í fjør. Hon er fyrsti kvinnuligi for­mað­ ur­in í Róðr­arsambandinum. Annika var nývald í nevndina á aðalfundinum fyri einum stórum ári síðani. – Tá ið nevndin skipaði seg, varð eg vald at vera næstformaður, og tá ið tað fýra mánaðar seinni varð neyðugt at velja nýggjan formann, lá tað í kortunum, at eg skuldi taka við, sigur Annika V. Dalsgarð. Kappróður, prát um róðrar og bátar og at venja og luttaka í kappróðri hevur altíð verið part­ur av lívinum hjá nýggja formanninum í Róðr­ ar­sam­bandinum. – Tað liggur til familjuna, og tað verður arvað frá einum ættarliði og til tað næsta. Maðurin hev­ur róð nógv við Argjabátinum, og nú er tað dótt­urin, sum luttekur í barnaróðrinum, har hon í fjør og aftur í ár er við til at manna 5-mannafarið Ingi­bjørg. Pápi mín róði í Havnar Róðrarfelag. Eg eri uppvaksin í Vestmanna. Vit eru seks systkin, og fimm róðu kapp. Eg var frá 1989 og í fýra ár við Havfrúnni og Fortunu, so var tað í Havnar Róðr­ar­felag, og eftir steðg í nøkur ár, mannaðu vit í 2012 Gongurólv í masterkappingini, greiðir Annika V. Dalsgarð frá. H­vussu leingi nýggi kvinnuligi formaðurin fer at halda um stýrisvølin í Róðrarsambandinum fer tíðin av vísa. Burtursæð frá undanfarna for­mann­ in­um, sum av arbeiðsávum kendi seg noyddan at leggja frá sær bara nakrar mánaðir eftir, at hann hevði tikið við, hava undanfarnu formenninir sitið leingi. Jan Herman Hansen var formaður í tíggju ár, og undan honum var Hannis Joensen formaður í fleiri enn tíggju ár. Ásetingarnar siga, at nevndin í RSF er ein seks­manna nevnd. Tað hevur gingið eitt sindur strilt­ið at manna nevndina. Nevndarval varð tikið av skránni á aðalfundinum í mars, tí tað vóru eingi upp­skot til nevndarlimir. Trettanda mai var eykaaðalfundur. Ein­asta mál á dags­skránni var nevndarval. Tá eydnaðist tað at velja tveir nýggjar nevndarlimir soleiðis, at tey eru fimm, sum manna nevndina: Annika V. Dalsgarð er fvormaður, Hallgrím Hansen er næstformaður, Kar­lot Hergeirsson er kappingarleiðari og nývaldir nevnd­arlimir eru Marin Sigvardsen Bláberg og Hjalm­ar Ingebrigtsen. Kappróðurin er í blóðinum Annika V. Dalsgarð er fyrsta kvinnan við stýrisvølin í Róðrarsambandinum Karlot Hergeirsson Fyrsti kvinnuligi for­mað­ur­ in í Róðr­arsambandinum. Annika V. Dalsgarð