týsdagur 23. mai 2017síða 40

24. MAI 2017 8 Raksturin av blaðnum gekk mangan so sum so. Men teir stríddust og fingu tað at bera til. Tríggjar ferðir átti blaðið sína egnu prentsmiðju, og tvær máttu teir niðurleggja prentvirksemið. Men blaðið kom regluliga út øll árini. Eirikur Lindenskov, ábyrgdarblaðstjóri á Sosialinum kagar í søgu blaðsins EIRIKUR LINDENSKOV Í níti ár er Sosialurin komin á gøtuna – uttan slit, og nú á níti ára degnum eru tað vorðið til umleið 11.000 ymsar útgávur. Fyrstu árini kom blaðið eina ferð um vikuna. Sum oftast fýra síður, onkuntíð tó bert tvær síður, og onkrar aðrar tíðir vóru síðurnar átta í tali. Við tíðini vaks blaðið, í sektiárunum bleiv tað til tvær útgávur um vikuna, og í 1982 bleiv tað til tríggjar ferðir. Í 1990 til fimm ferðir, og aftur í 2010 vórðu útgávurnar minkaðar niður í tríggjar um vikuna. Styttingin bleiv navnið Tað var tann nýstovnaði arbeiðara­flokk­ urin í Føroyum, Føroya Javnaðarflokkur, sum stovnaði Sosialin í 1927. Tá æt blaðið »Føroya Social-Demokrat«. Heitið varð kent úr Danmark, har arbeiðararøslan hevði fleiri bløð, sum bóru heitið »Social- Demokraten« – ofta í talu stytt til »Socialen«. Fyrstu 18 árini hevði blaðið danskt ávirkaða heitið, »Føroya Socialdemokrat«, við c og við ongari –ur-ending. Men 7. apríl í 1945 verður navnið »føroyskað« til »Føroya Sosial-Demokratur«. Manna millum varð blaðið bara kallað »Sosialurin«, og tí valdu tey 2. apríl í 1955 at broyta navnið tilsvarandi, og síðani hevur blaðið alment itið »Sosialurin«. Hvør flokkur hevði sítt blað Tá blaðið flutti í nýggju blaðhúsini á Argjum í 1982 varð roynt at gera blaðið meira til eitt tíðindablað heldur enn eitt politiskt blað. Tá fekk navnið forskoytið »Tíðindablaðið Sosialurin«. Men í oktober í 2000 varð farið aftur til gamla navnið »Sosialurin«. Talið á bløðum í Føroyum fylgdi talin­um av politiskum flokkum. Áðrenn Javnaðar­ flokkurin varð stovnaður vóru bara tveir flokkar á tingi, Sambandsflokkurin og Sjálvstýrisflokkurin. Teir høvdu hvør sítt blað, Dimmalætting og Tingakross, sum virkaðu sum teirra málgøgn. Tey, ið stovnaðu Javnaðarflokkin ætlaðu sær so avgjørt at vinna sær nóg mikið av atkvøðum á valinum í 1928 soleiðis, at flokkurin kundi koma á ting. Tí var tað eitt krav, at flokkurin hevði Fólksins boðberi í níti ár Sosialurin húsaðist á Heygsbreyt frá 1954 til 1974 Sosialurin flutti í Vágsbotn 15. apríl í 2005 – í Miðlahúsið í Vágsboti