týsdagur 23. mai 2017síða 53

24. MAI 2017 21 húsinum, har starvsfólkini eru í gongd allan dagin gni til myrkurs livandi og dagførdi tíðindamiðil í landinum – og sum eisini hevur fingið lesaratøl, sum bert Portalurin áður plagdi at hava. Tað er trupult at gera neyvar samanberingar millum føroysku netmiðlarnar, tí miðlarnir brúka ymiskar skipanir at máta lesaratølini, og tað er trupult at fáa einsrættað hesar mátingar og gera samanberingar. Í øllum førum kann sigast um in.fo, at øll føroyska tjóðin lesur in.fo. Livandi og krevjandi Sosialurin er nú partur av virkseminum í Miðlahúsinum, sum eisini umfatar in.fo, Rás2 og sjálvt Miðlahúsið, ið javnan hýsir tiltøkum. Sosialurin hevur framvegis stóran týdning fyri Miðlahúsið og hevur ein týðandi leiklut í føroyska samfelagnum. Men saman við blaðnum skal eisini tann kviki internetmiðlum rekast og fóðrast frá morgni til myrkurs. Vanliga verða hvønn dag yvir yvir fimmti – onkuntíð væl meira – greinar lagdar á in.fo, sum er opin og ókeypis miðil hjá øllum at brúka. Royndirnar hava gjørt, at tað nú er alt meira natúrligt hjá blaðfólki og blaðleiðslu at samantvinna skriving til blaðið og internetið, at velja ymiskar søgur og vinklar til teir ymisku miðlarnar, og at skriva teir á tann hátt, sum miðilin og greinin leggja upp til. Afturat hesum er eisini Rás2, sum Miðlahúsið letur tíðindi til og hevur tætt samstarv við um ítrótt. Hetta sæst eisini aftur á in.fo, har bandaðar samrøður frá sendingum hjá Rás2 kunnu hoyrast. Tann livandi og ídna blaðredaktiónin í Miðlahúsinum, sum eisini hevur fólk úti um landið knýtt at sær, er í gongd frá morgunstundini til midnáttarleitið. Samstundis røkja dugnalig fólk á hinum deildunum í húsinum aðrar uppgávur, sum fáa virksemið at bera til. Dagurin byrjar við redaktiónsfundi, har status verður gjørt, og ætlanir verða lagdar fyri dagin. Umrøtt verður, hvørji evni eru frammi, og hvat skal fáast fram, og fólk fara síðani í gongd við ymiskar uppgávur til ymisku miðlarnar. Um kvøldarnar og um vikuskiftini er vakt á in.fo, so at miðilin allatíðina er dagførdur við tí nýggjasta. Nýggju tíðirnar hava við sær, at traditionella evstamarkið bert er knýtt at blaðframleiðsluni, meðan talgiltu miðlarnir skulu røkjast allan dagin 365 dagar um árið. Terji Nielsen er nýggjur sølu- og marknaðarleiðari í Miðlahúsinum Miðlahúsið liggur á framúr góðari adressu í Vágsbotni Heidi Gásadal arbeiðir á grafisku deild Ann Christiansen og Jóhanna Vang starvast á skrivstovuni og hava gjørt tað í drúgt áramál Tróndur Arge, ítróttarredaktørur, og Vilmund Jacobsen, blaðmaður á redaktiónsfundi