mánadagur 29. mai 2017síða 16

Mánadagur 29. mai 2017 · Nr. 62 16 Sosialurin Hugskot og viðmerkingar – send sms til 225000 KAPPRÓÐUR Jóannes Hansen Starturin í 2017 kapp­róðrar­ ári­num var kanóngóður. Veðr­ið spældi við, vertirnir vóru fyri­reikaðir, sum tað søm­ir seg, Róðrarsambandið hevði syrgt fyri sínum, og mann­ingarnar vóru betri at fáast við í sambandi við start­in og sjálvan róðurin, enn tær plaga at vera í fyrsta FM kappróðrinum. Stórskíggi var á vestara havnar­lagnum, har tað bar til hjá áskoðarunum at fylgja við, og harvið var kapp­róð­ urin meiri vinaligur yvirfyri áskoðarunum, enn hann higar­til hevur verið. Tað eru tríggjar vikur til næsta róðurin, sum verður á sundalagsstevnu leygar­ dagin 17. juni. Hjá onkrum mann­ingum bar tað ikki til at vera so ofta í bátinum undan norðoyastevnu. Tí ber tað væl til at ímynda sær, at møguleiki er fyri, at okkurt fer at síggja øðrvísi út í næstu kappingini, enn tað gjørdi leygardagin. Heimasigrarnir Tá ið 10-mannaførini fóru um málið, dundi fýrverkið yvir vánni og millum Kjølin, Klak­kin, Halgafelli og Háfjall. Tað var stórur fagnaður mill­ um róðraráhugaðu klaks­vík­ ingarnar, og tað var ikki so undarligt. Klaksvíkingur vann í sann­førandi stíli við blað­ ungari manning, sum ongan­ tíð áður hevur kappast í FM kapping í 10-mannafarinum, og dreingirnir á Fípuni Føgru staðfestu við trivaligum sigri, at tað verður sett við í Klaks­ víkar Róðrarfelag. Úrslitini hjá vertunum vóru søgulig á tann hátt, at hetta var fyrstu ferð yvirhøvur, síðani tað i 1973 varð farið undir FM kappróður í tí líki, sum tað fram­vegis verður kappast, at bæði 5-mannafarið við dreingjum og 10-mannafarið hjá Klaksvíkar Róðrarfelag vunnu á norðoyastevnu. Tað hevur verið langt mill­um sigrarnar á norðoya­ stev­nu hjá klaks­vík­ingum. Tíggju­man­na­farið vann í 1970 og so ikki aftur fyrr enn í 2011 og 2012. Hóast Klaksvíkingur vann FM í 2006 og aftur í 2009, so eydnaðist tað ikki at vinna á norðoyastevnu. Tað var tætt við, og tí var vón­brotið stórt. Soleiðis var tað eisini í 2015, tá ið Drekin Reyði lá á Klaksvíkingi. Síðani túsund ára skiftið hava dreingirnir umborð á Fípuni Føgru vunnið á norðoyastevnu í 2002, 2014 og aftur í fjør. Fyri trim­ um árum síðani vóru tað teir, sum nú manna tíggju­ manna­farið, ið sótu umborð á Fípuni. Nú vunnu teir í tíggjumannafarinum. Sam­ an við teimum sótu tveir, sum í fjør vunnu FM við dreingjabátinum. Harvið tykist føðiketan at vera tryggj­að í kappróðrinum í Klaksvík. Sannførandi sigrar Felags fyri avrikini og sigrar­ nar hjá Fípuni Føgru við dreingjum og Klaksvíkingi var, at talan var um sann­ førandi avrik og sigrar. Í innleiðandi riðlinum róðu dreingirnir taktiskt. Fimm teir bestu í riðlunum báð­um kvalifiseraðu seg í finalu­róðurin. Har var eingin ivi. Fípan Fagra fleyg avstað, og hon var alla tíðina undan hin­um bátunum. Sílið og Junk­arin kappaðust um næst­fremsta plássið, og Sílið vann ta kappingina. Undan norðoyastevnu var spenn­ingurin, hvussu nýggja manningin á Klaksvíkingi fór at takla avbjóðingina, sum eitt nú var, at fýra av teim­ um, sum áður hava róð við Klaksvíkingi, nú eru um­borð á Orminum Langa. Klaksvíkingur sprakk av­ stað. Tað var skjótt, at hann vann eina hálva bátslongd, og síðani økti hann stútt og støðugt. Tá ið teir fóru um málið, var fjarstøðan aftur til næstu bátarnar meiri enn ein bátslongd. Ormurin Langi var í kapping um Drekan Reyða um næstfremsta pláss­ið. Drek­in Reyði hevur nýggja mann­ing, og henda mann­ ingin royndist væl. Tað var sera tætt í kappingina um næst­fremsta plássið, og ta kapp­ingina vann Drekin Reyði. Havnarbáturin endaði aftastur – eina bátslongd aftan­fyri Ormin Langa. Høvuðsstaðurin tók sín part Seinnu árini hevur tað verið longri millum sigrarnar hjá Havnar Róðrarfelag, enn tað plagdi at vera. Luttøkan í hesum kapp­ ing­ar­árinum boðar frá, at tað er nógv lív í sigurs­ vanda felagnum, og á norð­ oyastevnu sást, at mann­ing­ ar­nar ikki bara ætla sær at luttaka, men at fleiri teirra eru so væl fyri, at tær kapp­ ast um gullið. Nýggja 5-mannafarið hjá Havnar Róðrarfelag eitur Ingi­bjørg. Hesin báturin vann barnaróðurin hjá bæði gentum og dreingjum, og bæði Sílið og Drekin vóru væl við. Í fjør var Erla Kongsdóttir úr Fuglafirði einaráðandi í kappingini millum 5-manna­ før við kvinnum. Leygar­ dagin var starturin hjá teim­um úr Fuglafirði einki serl­igur. Tær stríddu seg fram at kappast um næst­ fremsta plássið, men ta kapp­ingina taptu tær ímóti Dreka­num. Eingin skalaði Jallin. Nýggja manningin á 5-manna­farinum hjá Róðrar­ felag­num Knørri var sera sann­førandi. Blái bát­urin varð fremstur allan teinin, og á málinum var fjarstøðan aftur til Drekan tvær báts­ longdir. Millum 8-mannaførini var so tætt, at tað er lagt upp til spennandi kapping. Argja­ báturin hevur vunnið nógv. Í fjør var hann ikki millum teir bestu, men nú er hann aftur, har hann plagdi at vera. Størsta kappingin var við Tofta Regin úr Vági. Firvaldur og Rádni Í kappingini millum 6-man­ na­før við kvinnum og 5-man­ na­før við gentum gekk tað so­leiðis leygardagin, sum tað gjørdi í øllum róðrunum í fjør. Firvaldur av Tvøroyri vann allar róðrarnar í fjør, og Fir­valdur vann leygardagin. Tað var ein bátslongd aftur til Drekan. Rádni úr Fuglafirði vann allar róðrarnar í fjør, og Rádni vann leygardagin. Sigurin var tepur, tí Sølmundur vísti seg at vera sera treiskur av­ bjóðari. Onkra løtu vaks munurin til tað mesta av einari bátslongd, men tá ið bátar­nir fóru um málið, var munurin minni enn ein hálv bátslongd. Firvaldur heldur fram FM vinnarin í fjør legði seg við sigri á norðoyastevnu í odd­in í FM kappingini Tað tykist framvegis at vera soleiðis, sum tað var í fjør. Tá var Firvaldur av Tvør­oyri føroyameistari í kapp­ingini millum gentur í 5-mannaførum. Í dag var fyrsti róðurin í ár á norðoyastevnu, har lík­ ind­ini at rógva kapp eru heilt góð. Firvaldur fleyg avstað, og so var einki at rafla um. Tvøra­gentur vóru fremstar allan teinin, og á málinum vóru tær meiri enn eina báts­ longd undan teimum næstu. Kappingin um næst­ frems­ta plássið var sera tøtt. Fleiri vóru um boðið. So við og við legði Drekin hjá Havn­ ar Róðrarfelag hinar bátar­ nar aftur um seg. KLAKSVÍKINGUR OG FÍPAN FAGRA VUNNU SØGULIGAR SIGRAR Fyri fyrstu ferð nakrantíð vunnu bæði 10-mannafarið og dreingirnir í heimasjógvi á norðoyastevnu, har høvuðsstaðurin streyk avstað við fýra sigrum