mánadagur 29. mai 2017síða 15

15 Mánadagur 6. januar 2014 · Nr. 2 Sosialurin Mánadagur 29. mai 2017 · Nr. 62 Hugskot og viðmerkingar – send sms til 225000 FIMLEIKUR BESTAR Í KONGARÍKINUM Tróndur Arge Tað hevur verið eitt drúgt og tungt tak fyri estetiskan fimleik í Føroyum, at vinna seg fram í al­ tjóða fimleiki. Nú fáa føroysk lið javn­an millum 14 og 16 stig fyri sínar fram­førslur. Tá hava føroysk lið ein møgu­leika at koma í finaluna. Hesa ferð var tað Team Eina hjá Havnar Fimleikafelag, sum megn­ aði at gera bragdið og vinna seg í HM finaluna saman við 11 øðrum lið­num. Hetta er aðru ferð, at eitt kvinnu­unglingalið úr Føroyu er kom­ið í HM finaluna. Fyrsta liðið at klára tað var Alda hjá Havnar Fim­leikafelag, tá HM í estetiskum fimleiki var í Føroyum í 2015. Hesa ferð bleiv Team Eina bleiv nummar níggju við 15 stigum í finalu­ni. Tað verður mett sum eitt megn­ar úrslit og ein staðfesting av fram­gongdini hjá estetiskum fim­ leiki í Føroyum. Avrikið var eisini betri enn nak­ að, sum tað danska liðið kláraði. Tí best í kongaríkinum. Tað sama kann sigast um kvinnuliðið hjá Ljósi­num, Hydra. Tær endaðu eisini frammanfyri donsku liðini og harvið best í kongaríkinum. Tær fingu 15.3 stig í undankappingini, men tað rakk ikki til pláss í finlauni hjá kvinnum. Heimagjørd seria Tað er vanligt í estetiskum fimleiki at lið keypa sær seriur frá serkønum fólki, sum tey gera. Sermerkt við seriuni hjá Team Eina er, at tað eru venjar­arnir, Jónvá Ellingsgaard og Ingibjørg M. Arnadóttir, sum sjálv­ ar hava gjørt seriuna. Slíkt er høgt í metum í umhvørvinum hjá estet­ iskum fimleiki. - Tað var eitt heilt fantastiskt upp­livilsi at síggja genturnar fram­ føra seriuna, sum vit hava gjørt, fram­manfyri 7000 áskoðarum, sigur Ingibjørg M. Arnadóttir. Tað hevur staðið nógv á venjarun­um seinastu tíðina, men í gjár eftir finaluna var lagið gott. -Tað er ein avbjóðing at gera seriu til unglingar. Tað krevur nógv meira, enn tað ger, tá tú ger seri­ur til yngri lið, tí serian skal flóta væl og samstundis innihalda øll krøvini. Hesa avbjóðingina vil­ du vit alíkavæl taka av, tí vit ken­ na genturnar so væl, og føldu at vit kundu gera eina seriu, sum hósk­aði væl til tær. Evnið í seriuni er inspirerað av kvænum um Ólav Riddara­rós, greiðir Ingibjørg M. Arna­dóttir frá úr Finnlandi. Hertil kann nevnast, at tað er ikki sum við øðrum liðítrótti, har tú bara kanst skifta ein íðkara út við ein annan. Ein seria krevur ótrúliga hart arbeiði og harða venjing, har allir lutir skulu spæla væl saman, fyri at fáa eitt gott úrslit. Eitt gott kappingarár fyri Hydra Kvinnuliðið Hydra hevur luttikið í øllum kappingum her heima, um­ framt at tær vóru í Italia fyrst í apríl, í Danmark til Easter Cup á pásk­um og nú til HM í Finnlandi. Til Easter Cup á páskum, megnaðu tær at blíva bestar í kvunnubólkinum í danska kongaríkinum. Tá tær komu heim aftur úr Dan­mark, fóru tær beint at venja til FM. Tær vóru nummar eitt til innleiðandi við 15,97 stigum, og til finaluna fingu tær 16,19 stig, sum er tað besta tær hava fingið til heimligu kappingarnar. Hetta tryggj­aði kvinnuliðnum Hydra eisini FM heitið í estetiskum fim­ leiki í 2017. Í oktobur í fjør fingu íðkararnir á kvinnuliðnum Hydra boð um, at Antton Laine fór at koma til Føroyar og gera íðkanina til teirra. Úr Ljósinum verður sagt, at hann hevur gjørt teimum eina ómetaliga góða íðkan, ið hóskar sera væl til tær. Við Eyð Strøm á odda, hava hesar ungu kvinnur ment seg sera nógv í gjøgnum veturin og standa nú sum FM vinnarar og sum besta kvinnulið í estetiskum fimleiki í danska kongaríkinum. Fyri framførsluna til HM fingu tær 15,30 stig, og er hetta besta føroyska úrslitið í nýggjari tíð. Bæði íðkararnir og venjarin, Eyð Strøm, eru ótrúðliga glaðar fyri úrslitið. Frá kappingini í Italia, tá fingu tær 13,9 stig, er hetta ein stór framgongd. Leggjast kann afturat, at Eyð Strøm hevur játtað at vera venjari hjá kvinnuliðnum Hydra hjá Ljósi­ num komandi fimleikaár. Fýra føroysk lið við Í estetiskum fimleiki er tað so, at FM vinnarin sleppur við til HM kapp­ingina, sum “landsliðið”. Í hes­um førinum vóru tað Vípan hjá Støkk, sum er FM vinnari hjá kvinnu­unglingum, og Hydra hjá Ljósi­num hjá kvinnum. Team Eina og Svalan hjá kvinnu­ nu í Støkk meldaðu sjálvar til í sam­starv við Fimleikasambandið. Í heims høpi eru Russland og Finn­ land frammaliga í estetiskum fim­ leiki. Estetiskur fimleikur í Før­oy­ um hevur nú flutt seg á eitt hægri stig. Tað prógva úrslitini til HM kappingina í Finnlandi. trondur@sosialurin.fo HM í estetiskum fimleiki: Bæði Team Eina hjá Havnar Fimleikafelag og Hydra hjá Ljósinum fingu so góð úrslit til HM kappingina í estetiskum fimleiki í Finnlandi um vikuskiftið, at tær eru bestar í sínum flokki í kongaríkinum Her eru úrslitin hjá føroysku liðunum í innleiðandi kappingini: Kvinnulandsliðið: 15,30 stig Kvinnuunglingalandsliðið: 13,45 stig Kvinnuunglingar Eina: 14,70 stig Kvinnur Svalan: 14,00 stig HM finalu úrslit kvinnuunglingar: 1 Minetit úr Finnlandi 38,10 stig 2 Ovo junior team úr Finnlandi 37,45 stig 3 Victoria úr Russlandi 37,10 stig 4 Victoria Strela úr Russlandi 36,05 stig 5 Rytmika Perfetto junior úr Estlandi 34,40 stig 6 Janika Rosett úr Estlandi 33,35 stig 7 Etar elit úr Bulgari 32,20 stig 8 Ritmica cartagena úr Spania 30,35 stig 9 Team HF Eina úr Havnar Fimleikafelag 29,70 stig 10 Team Elina úr Danmark 29,65 stig 11 Delica junior úr Ukraine 29,10 stig 12 Gimnastica sant cugat úr Spania 28,10 Íðkarar ovast: Fía Haldursdóttir Smith Mittasta rekkjan: Victoria Martha Hansen, Maria av Fløtum Mittún, Birita Mohr Balle, Ró Reginsdóttir á Lofti, Anna Elmarsdóttir Ósá. Niðasta rekkja: Lea Arnfríð Jacobsen, Barba á Brúnni, Barba á Brúnni