týsdagur 30. mai 2017síða 21

21 Mikudagur 31. mai 2017 · Nr. 63 Sosialurin AKRANESGØTA BJÓÐAR SEG FRAM - Handlar og fyritøkur í Akranesgøtu fara fríggjakvøldið at hava opið hús frá klokkan 17 til 19, og í gøtuni verður felags undirhald og ókeypis smakkiroyndir av ymiskum slag, sigur Eyðun Hansen, stjóri í Blika Vilmund Jacobsen Akranesgøta í Havnardali bjóðar seg eisini fram, nú stóra tiltakið – Ment­an­ar­náttin – verður í Tórshavnar komm­unu fríggjakvøldið, 2. juni. Á skránni í gøtuni í tím­un­um millum klokkan 17 og 19 verða ymisk spennandi til­tøk, tónleikur og ymiskar smakki­royndir. Eyðun Hansen, stjóri í Blika í Akranesgøtu 9, sum er ein av fyriskiparunum, sigur, at tá Mentanarnáttin var í fjør, skipaði Føroya Bjór fyri til­taki, sum eydnaðist stak væl. – Nú Mentanarnátt verð­ur aftur, hava vit í gøtuni tos­að saman og hava skipað so fyri, at handlar og fyritøkur fara at hava “opið hús” í tím­un­um millum klokkan 17 og 19. Hann heldur, at ein steðg­ ur í Akranesgøtu verður er eitt útmerkað høvi hjá fólki, sum annars ætla sær á Ment­an­ar­nátt heimi í býnum seinni um kvøldið. Handlar og fyritøkur, sum verða við í tiltakinum í Akra­nesgøtu, eru Blika, Før­oya Bjór, Landshandilin, Kjøt­búðin, DPR Snikkaravirki, Wenzel og Gasssølan. Opið hús Eyðun Hansen vísir á, at um­ framt at felagstiltøk við eitt nú tónleikaundirhaldi verða í gøtuni, fara fyritøkurnar eis­ini hvør í sínum lagi at hava smakkiroyndir og ym­iskt annað at bjóða fólki, sum koma á gátt. Hann væntar, at nógv fólk fara at leita sær út í Akra­nes­gøtu fríggjakvøldið mill­um klokkan 17 og 19, og vegna handlar og fyritøkur í gøt­uni letur Eyðun Hansen heilsa, at øll eru hjartaliga væl­komin. Grill og Húsasuppa Eyðun Hansen sigur, at Blika fær vitjan av nýggja og flytbara køkinum hjá Magna Garða­líð á Húsum, og her fer frá­líki kokkurin at bjóða Húsa­suppu. – Magni Garðalíð fer eisini at grilla, og bæði av suppuni og grillini verða ókeypis smakki­royndir til vitjandi, legg­ur hann aftrat. Fleiri handlar og fyritøkur í Akranesgøtu bjóða seg fram, nú Mentanarnátt verður fríggjakvøldið