mánadagur 12. juni 2017síða 16

Mánadagur 12. JUNI 2017 · Nr. 67 16 Sosialurin Hugskot og viðmerkingar – send sms til 225000 TVEY MÁL Á 500 MILLIÓNIR KRÓNUR Málskjúttar hjá Sveis vóru Granit Xhaka úr Arsenal og Xherdan Shaqiri úr Stoke City. Teir eru keyptir fyri næstan 500 milliónir krónur til samans. Arsenal keypti Granit Xhaka fyri einar 300 til 350 milliónir krónur frá Borussia Mönchengladbach, meðan Stoke keypti Xherdan Shaqiri frá Inter Milan fyri væl yvir 100 milliónir krónur Føroyska A-landsliðið bleiv spælt av vøllinum á Tórsvølli, tá Sveis vann 2-0 í HM undankappingardystinum. Lars Olsen royndi seg við taktiskari snildu, men tað nyttaði lítið í góðveðrinum. Føroyska landsliðið er ikki tað sama uttan Jóan Símun Edmundsson TRÓNDUR ARGE Tað eru tvey føroysk lands­ lið. Eitt við Jóan Símun Edmundsson, og eitt uttan Jóan Símun Edmundsson. Tað er ein av niðurstøðunum, eftir at Sveis fríggjakvøldið vann 2-0 á Føroyum. Føroyska spældi við tveimum áleyparum í eini vón um at hótta, men tað var bara í løtum, at vit kláraðu tað. Restina av tíðini prógvaði Sveis hví teir eru í topp-10 á heimsstyrkilistanum. Teir reyðu og hvítu í miðevropa spældu bóltin væl runt, og tað sjáldsamt at teir gjørdu nakrar feilir. Fyrsta korterið hóttu okkara, men í ein samfullan tíma hevði Sveis fult tamarhald á dystinum. Seinastu løtuna settu teir ferðina niður, og føroyska liðið fekk luft aftur. Áleyparaprátið Undan dystinum bleiv nógv tosað um, at Lars Olsen fór at spæla við tveimum áleyparum. Tað er heldur óvanligt fyri eitt føroyskt landslið, men ætlanin var at hótta meiri í álopsstøðu, men helst hevði Lars Olsen eisini sæð onkra snildu í verjustøðu, tí Finnur Justinus­sen og Klæmint A. Olsen endaði við at renna nógv í verjustøðu. Tað eru ymiskar mein­ ingar um taktiska tiltakið hjá landsliðsvenjaranum. Onk­ur heldur fyri, at triði mað­urin á miðjuni hevði steðga fyrra málinum, tí tá tapa miðvallararnir sínar tvídsytir. Onnur halda at tað er líka mikið, tí Sveis hevði komið í hasar støðurnar alíka­væl. Í álopsstøðu er niður­ støðan, at vit koma ikki til skot úr vandamiklu støðunum. Gilli Rólantsson var tvær ferðir í skotstøðu, men valdi at spæla víðari. Vit hava nú bara skorað í einum av teimum fimm dystunum higartil. Tóku ikki av møguleikanum Tað er eftirhondini ein aftur­ vendandi, at okkara koma í góðar støður, men ikki taka av. Hesa ferð vóru tað serliga innkøstini, sum ikki blivu umsett. Hóast bóltin kom innfyri og onkuntíð bleiv fyrsti bólturin vunnin, men tað blívur ikki umsett til royndir á mál. Somuleiðis komu vit til nøkur innlegg og Gilli Rólantsson kom skotstøður, men tølini siga, at vit hava ikki eitt skot á mál úr vanda­ miklari støðu. Hetta er við at blíva ein trupulleiki á landsliðnum, tí vit koma ov sjáldan í góðu støðurnar. Tað er ikki bara áleyparnir, men eisini tá vit hava deyðbóltar. Útskiftingar gjørdu mun Lars Olsen brúkti allar tríggjar útskiftingarnar. Inn komu René Shaki Joensen, Karl Løkin og Odmar Færø. Teir gjørdu mun, tí serliga René Shaki Joensen setti lív í álopsspælið, men tað skal sigast til verju fyri teir, sum blivu útskiftir, at Sveis tóktist slappa meiri av tá. – Vit høvdu úr­slitið og tað var týdningarmikið, at koma frá dystinum uttan skaðar, sigur Valon Berhami, sveisiskur landsliðsspælari. Lars Olsen helt eisini fyri eftir dystin, at kanska skuldi René Shaki Joensen havt byrjað inni, men vísti á at hann spælarin ikki er í besta dystarformi í løtuni. Skansin vísti vegin Ein ótrúliga stórur partur av upplivingini til landsdyst á Tórsvølli, er fjepparafelagið Skansin. Tað er ótrúliga stuttligt at síggja hvussu nógv lív fjepparafelagið kann seta í ein landsdyst. Fleiri av løgunum eru fangandi og geva nógv til samlaðu myndina. Hesa ferð var einki unda­ntak. Skansin er okkara 12. maður. Spældu ikki upp til okkara besta Fyrsta fortreyt fyri, at eitt føroyskt landslið kann vinna ein dyst er, at okkara spæla upp til okkara besta. Tað gjørdu vit ikki heitl hesuferð. Serliga á bóltinum vóru okkara minni neyvir enn vanligt. Av spældu ikki bóltin í støðum, har vit vanliga tora at spæla heldur torføru avleveringina. Tað gjørdi eisini, at vit ikki komu úr egnari hálvu í ein samfullan tíma. Tá vit so fóru at gýppa í púra vandaleysum støðum var øllum greitt, at hetta varð ikki okkara dagur. Skulu vit vinna á Andorra og Lettlandi á heimavølli, so skulu vit tora at spæla fótbólt. Tað krevur eisini røttu týpurnar á vøllinum. Taptu fyri einum betri liði Niðurstøðan hjá øllum spælarunum eftir dystin var, at Sveis hevur eitt ótrúliga sterkt lið. Liðskiparin, Atli Gregersen, fór so langt sum at siga, at hetta er eitt tað besta liðið hann nakrantíð hevur spælt ímóti. Møguleikin var lítil undan dystinum, men vit komu ongntíð so langt sum at søkja lítla møguleikan. trondur@sosialurin.fo SPÆLDIR AV TÓRSVØLLI Fótbóltur Dysturin hesa vikuna... Føroyar – Sveis: