mánadagur 12. juni 2017síða 18

Mánadagur 12. JUNI 2017 · Nr. 67 18 Sosialurin Hugskot og viðmerkingar – send sms til 225000 Thomas Thinggaard: Hugsið um tann einstaka spælaran MENNING Thomas Thinggaard Fótbóltsmennari hjá Fótbóltssambandinum frá januar 2017 Hevur A og B licens frá ávíkavist 2016 og 2011 Venjari hjá feløgum: 2008: Gug Boldklub 2008-11: Frederiksberg Boldklub (ungdómsvenjari) 2012: Vanløse (ungdómsvenjari) 2012-16: HIK (ungdóms- og vaksnamannavenjari) Venjari hjá landsliðum: 2017: Landsliðsvenjari hjá føroyska U16/U17 liðnum við dreingjum Næsta stig fyri landsliðið – mugu verða betri á bóltinum Um Føroyar skal taka næsta stig­ið, so eru føroysku spæl­ararnir ikki nóg góðir á bóltinum undir trýsti. Av­lever­ingar, vendingar, fyrsta nerting og mótið til at tora at halda upp á bóltin eru ikki góð nokk. Vit skulu fyrst og fremst tryggja, at spælararnir frá heilt ungum árum fáa vant tað grundleggjandi í fótbólti. Teir mugu duga at gera tingini tekniskt rætt, fyri seinni kunna gera tað und­ir trýsti. Vit koma langt upp á stríðs­ andan og samanhald. Tað er fantastiskt, og vit skulu ikki gloyma at viður­kenna tað. Tað er ikki givið, at um tú sendur eitt lið á vøllin í Danmark, so stríð­ast teir líka nógv sum eitt før­oyskt landslið. Nú skulu vit bara umseta tað til gott spæl eisini. * Thomas Thinggaard vísir her á sjónbandabrot frá U16 kappingini fyrr í ár, har føroyska liðið sparkar bóltin vekk, hóast tað er gott pláss, tí vit eru stressaðir. Síðani vísir hann á triðja dystin í kappingini, ið er móti einum sterkum Luksemborg, men at liðið nú spælir bóltin runt. Tað er vegurin fram. Ljós á tann einkulta spælaran Fleiri spælarar blíva nærmast misnýttir, tí teir skulu spæla so nógvar dystir. Nøkur lið hava nokk av spælarum, men gera tað fyri at vinna, heldur enn at menna spælarar. Fyri at blíva betri, má ein spælari venja. Hin parturin er, at tað eru smærri feløg, har tað er neyðugt at somu spælarar spæla allatíð. Tað er skynsamt, at eitt felag hyggur at einstaka spælaranum, og spyr hvar hann mennist best. Ikki hvar hann kann vinna teim­um komandi ungdómsdyst. Eisini skulu venjarar tora at flyta spælarar runt á vøllinum, um tað gevur meining í mun til menningina av spælarunum. Sjálvt um tað gongur útyvir úr­ slitið av dystinum. Spyr hvussu hesin blívur ein A-lands­liðsspælari í framtíðini. Tað merkir ikki, at úrslitið í kom­andi dysti ikki er týdn­ingar­ mikið, men at tað ikki er tað týdn­ ingarmesta. Fólk skilja tað soleiðis, at tað ikki er týdningar­mikið at vinna. Soleiðis skal tað ikki skiljast, men heldur at tú hevur menn­ingina hja spælaranum fremst í huga. Tað er eisini ein máti at vinna uppá – í longdini. Í Danmark gekk eg undir at vera ov verjukendur og bara spæla fyri at vinna. Her siga tey, at eg eri ov framrættaður og slett ikki spæli fyri at vinna. **Hann visir á ein spælara í Danmark, sum hann áhaldandi brúkti á miðjuni, sjálvt um bæði hann og spælarin vóru greiðir yvir, at hann bleiv miðverji sum vaksin. Orsøkin var, at hann á miðjuni fekk fleiri ágóðar í longdini Fjølbroyttar árgangir Tað er saknur í eitt sindur fjøl­broyttari hugsan um ár­gang­irnar. At tey feløgini, sum hava torført við at manna lið, skulu kunna brúka onkrar eldri spælarar. Tað hevði eisini gjørt, at onkur av teimum betru lið­unum fingu meiri mótstøðu. Bestu spælararnir í ár­gang­inum fáa ikki nóg góða mót­støðu í fleiri dystum. Tað ger, at menningin ikki er nóg góð. U16 spælarar fáa einki burturúr at vinna 10-0. Teir fáa einki burturúr at vinna við at spæla 80 prosent av tí, teir kunnu. Tá kundi ein góð mótvekt verið, at lítla liðið hevur loyvi at brúka tríggjar U18 spælarar. So fáa bæði stóra liðið og lítla liðið eina eyka motivatión at spæla. Tað er ein trupulleiki í eitt nú U16 árganginum, at tað eru ov fáir dystir, sum eru kappingarførir. Eitt argu­ment er, at teir spæl­ararnir, sum ikki menna seg skjótt, hava góðar treytir, tí vit eru so fá, men eg hugsi meiri um teir, sum eru best – at vit ikki fáa meiri burturúr teimum. FSF skal átaka sær ein størri leiklut Soleiðis sum sambandið er mill­um feløgini og FSF, og treytirnar, sum feløgini hava, so kundi ein loysn verið, at Fót­bóltssambandið átekur sær ein størri leiklut. Ein møguleiki er eitt nú økis-úrvalsvenjingar, har landsliðsvenjararnir venja bestu spælararnar eina ferð um vikuna úti í økjunum. Hetta gevur teimum bestu spælararum ein betri møguliga at venja saman við hinum og fáa góða mót­støðu. Feløgini kunnu ikki gera hetta sjálvi, so tá má FSF traðka til. Tróndur Arge/Símun Christian Olsen Tað sigur fótbóltsmennararin og U17 landsliðsvenjarin, Thomas Thing­gaard. Hann hevur arbeitt í før­oysk­um fótbólti í eitt hálvt ár, og heldur at vit gera nógv rætt, men at vit kunnu blíva nógv betri. Hann heldur, at tað er týdningarmikið at hugsa um einstaka spælaran. Somuleiðis heldur hann, at tað er týdningarmikið, at gera góðu venj­ ararnar betri. Hann tók um ársskiftið við sum ein av fýra fótbóltsmennarunum. Hann gongur undir at verða gløgg­ ur eygleiðari, sum ikki altíð ger so nógv burturúr sær sjálvum, tá hann er til staðar. Hann hevur longu verið avstað við U16 landsliðnum fyrr í ár. Ein kapping, sum hevur givið manninum nakað at hugsa um. Gerið góðu venj­ ararnar betri Góðu venjararnir hava uppiborið rós, men vandin er, at teir fara úr umhvørvinum. Orsøkin er, at teir eru foreldravenjarar. Tað er einki fíggjarligt, sum heldur teimum til. Bert børnini. Her er ein møguleiki, at brúka fleiri pengar at halda upp á venjararnar, har sum teir eru. Mín áskoðan er, at vit skulu gera teir góðu venjararnar betri, heldur enn at hava nógvar venj­arar, sum ikki mennast ella taka seg fram. Tað ræður um at finna venj­arar við ambitiónum, sum vilja sleppa á venjaraskeið og blíva betri. Eg møti ov nógvum, sum eru venjarar, men ikki hava tikið venjaraprógv, tí tað er ikki tíð til tað. Tað skal vera ein motivatión til góðu venjararnar, men tað skal eisini verða ein motivatión til teir, sum leggjast afturat at blíva betri. Tað finnast kanska aðrar loysn­ir, men í løtuni er tað fíggj­ar­liga størsta eggjanin. Tað er ikki neyðugt, at lønin er her og nú, men at ein venjari sær, at tað eru fulltíðarstørv ella venjarastøv, har tú hevur ráð til at taka tær tað tíð, tað tekur at verða ein venjari við ambi­tiónum.