mánadagur 12. juni 2017síða 33

VIKA 24 • 12. JUNI 2017 9 ÓKEYPIS LÝSINGARBLAÐ Vilmund Jacobsen T að er Hósvík, sum eigur Sundalagsstevnu í ár, og seinastu tíðina hava hósvíkingar spent seg út fyri at gera bygdina og stevnu­økið til reiðar til tiltakið. Skáin fyri stevnuna byrjar longu hósdagin 15. juni, og seinastu tiltøkini í skránni verða sunnu­ dagin 18. juni. Hóskvøldið klokkan 18 verður kioskin í bygdar­húsinum opin, og tá verðs eisini lið­kapp­ ingar og annað á vøllinum fyri bygdafólkið í Hós­vík. Hósvíkar Róðrarfelag fer at hava hitapottar standandi við róðrarneystið, og hóskvøldið klokkan 20 verður høvi at fara í pottin, sam­ stundis sum róðrarneystið bjóðar skiftirúm, brúsu og wc. Grillhugni fríggjakvøldið Fríggjadagin 16. juni byrjar skráin fyri Sunda­ lagsstevnu klokkan 16, tá høvi verður at royna sonevndar boing-bóltar á vøllinum, og henda dagin verður høvi at fara í hitapottarnar frá klokkan 17. Millum klokkan 18 og 20 verður grillhugni við róðrarneystið, har pylsur, skúmfidusar og annað verður selt. Sundalagsstevna verður sett við róð­rar­ neystið fríggja­kvøldið klokkan 19, og tað verð­ur Pól Niklái, býráðslimur í Sunda kommunu, sum Hós­vík er partur av, ið fer at seta stevnuna. Beint eftir setanina verður felagssangur við róðrarneystið, og her verður tað Janus Trúgva­ son, sum fer at skipa fyri. Á skránni fríggjakvøldið verður eisini barna­ diskotek fyri næmingum úr 1.-7. flokki. Dansurin verður í bygdahúsinum, og í samband við titakið koyrir bussleiðin hjá Sunda kommunu. Kioskin í bygdahúsinum verður eisini opin fríggjakvøldið frá klokkan 20-22.30. FM-kappróður leygardagin Leygardagin klokkan 13 verða ymisk tiltøk á skránni, sum ikki eru á skránni teir báðar fyrru dagarnar á Sundalagsstevnu. Umframt boing-bóltar á vøllinum, verður kaffisøla í hølunum hjá RenoVent, og kaffisøla verður eisini í húsunum hjá Hósvíkar Bátafelag. Andlitsmáling verður á kappróðrarøkinum, og her verður eisini fiskibrunnur, pylsuvognur og Myndaboks. Barnaróðurin byrjar leygardagin klokkan 13.30, og klokkan 14 lata hoppiborgir á kapp­ róðrarøkinum upp. Klokkan 15 byrjar FM-róðurin, sum er tað størsta einstaka tiltakið á allari stevnuni. Klokkan 19 verður útimøti við Ólavi Jacosen á torginum niðan fyri bygdahúsið, og klokkan 19 fer Matsmiðjan hjá Ruben Busk, kokki, at borðreiða við góðari steik, eplum, grønmeti og soppasós í bygdahúsinum. Tá verður eisini høvi at keypa sær heimabakaða sjokulátukøku við sólberjakremi og kaffi. Klokkan 20.30 leygarkvøldið fara Bára Silvansdóttir og Holgar Jacobsen at syngja nøkur løg í bygdahúsinum, og hálvan tíma seinni byrjar eisini pubquiz við Simonu Midjord. Leygarkvøldið á midnátt verður góður dansur við Company, sum eru sundalagsmenn, ið spæla og syngja. Í samband við dansin koyrir bussur av Eiði klokkan 23 og steðgar við Magn við Streymin – og við bussskýlini í Streymnesi og Hvalvík. Bussur koyrir eisini av økinum við kirkjuna í Kolla­firði á midnátt. Tá kvøldið í Hósvík er liðugt, koyrir bussur aftur til Eiðis og Kollafjarðar. Frásøgn um kirkjuna Sunnumorgunin klokkan 9 verður morgun­ svimjing við Kitty Trúgvadóttir, og tá verða eisini pottarnir við róðrarneystið heitir. Klokkan 11 verður gudstænasta í Hósvíkar kirkju við Bergtórur Bjarkhamar, og klokkan 12- 13 verður frásøgn um Hósvíkar kirkju í kirkjuni. Seinnapartin sunnudagin verður eisini sunnu­ dagsskúli í Hósvík. Av øðrum tiltøkum, sum halda fram seinna­ partin sunnudagin, er, at hitapottarnir verða heitir, kioskin í bygdahúsinum verður opin, tivoli verður við bygdahúsið – og høvi verður at royna boing-bóltar á vøllinum. Nógv verður á skránni á Sundalagsstevnu í Hósvík Í døgunum 15.-18. juni verður Sundalagsstevna í Hósvík, og fríggjakvøldið 16. juni klokkan 19 verður stevnan sett av Pól Nikláa, býráðslimi í Sunda kommunu Sunnudagin verður gudstænasta í Hósvíkar kirkju, og beint eftir gudstænastuna verður frásøgn um kirkjuna, sum nú stendur liðugt útbygd Mynd: Vilmund Jacobsen Bjóðað verður nú til Sundalagsstevnu í Hósvík, har høvuðstiltakið er kappróðurin leygardagin, 17. juni Mynd: Vilmund Jacobsen TEMA SUNDALAGS­ STEVNAN