mánadagur 19. juni 2017síða 18

Mánadagur 19. juni 2017 · Nr. 70 18 Sosialurin Hugskot og viðmerkingar – send sms til 225000 Tróndur Arge / Símun Christian Olsen Sandoyggin hevur seinastu 30 árini verið fyri eini ógvusligari fólka­ fráflyting. Í 1985 búðu 1682 fólk í oynni, men nú, bert 32 ár seinni, er fólkatalið minkað niður í 1274. Hetta hevur sjálvandi avleiðingar fyri alskyns virksemi á oynni, og fót­bóltsfelagið B71 hevur eisini merkt sviðan av hesum. Meðan stór­feløgini stríðast við at fáa venj­ingartíðir og vallarpláss til øll liðini, er støðan øðrvísi hjá sand­oyingum, har tað mangan er trupult at manna liðini, serliga tey eldru ungdómsliðini. – Tú kanst siga, at tey síðstu árini hev­ ur minkandi fólkatalið skapt nak­ rar avbjóðingar, tí tá spælarar koma í aldurin, sum liggur beint undir vaksnamannaaldur, er ikki nóg mikið av fólki til liðini, sig­ ur Eli Hentze, sum er ein av fýra fótbóltsmennarum, ið Fót­bólts­ sambandið setti í starv við árs­ byrjan. Hendan dagin hevur hann verið uppi í Hoyvík hjá Giza Hoyvík í arbeiðsørindum, og nú situr hann í gamla FSF-húsinum og greiðir frá, meðan hann bítur av eini tvíflís. Eli Hentze er uppvaksin í eyðkendu gulu og bláu klæðunum hjá B71, og síðan hann gavst sum spælari, hevur hann verið bæði høvuðs- og ungdómsvenjari í felagnum. Tað er ikki óvanligt í smærru fót­ bóltsfeløgunum kring landið, at venjarar verða noyddir at brúka yngri spælarar fyri at fáa mannað liðini, ikki minst, tá liðini skulu spæla 11 móti 11 á heilum vølli. Eli Hentze greiðir frá, at ungdómslið hjá B71 okkurt av undanfarnu árunum hevur fingið loyvi at spælt við ‘ov gomlum’ spælarum fyri at fáa mannað liðið. Fleksibilitetur er lyklaorðið Í fyrsta parti av greinarøðini um spæl­aramenning í føroyskum ung­dómsfótbólti, sigur Thomas Thinggaard, sum eisini er í starvi sum fótbóltsmennari hjá FSF, at tørvur er á at hugsa øðrvísi um ár­ gangirnar, sum í løtuni eru býttir upp í U12, U14, U16 og U18. – Tey feløgini, sum hava tor­ført at manna lið, skulu kunna brúka onkrar eldri spælarar. Tað hevði eisini gjørt, at onkur av teim­um betru liðunum fingu meiri mót­ støðu, sigur danin. Hann tekur U16 árgangin sum dømi. – U16 spælarar fáa einki burtur úr at vinna 10-0 … tí kundi ein góð mótvekt verið, at lítla liðið hevur loyvi at brúka tríggjar U18 spælarar. So fáa bæði stóra liðið og lítla liðið eina eyka motivatión at spæla, segði Thomas Thinggaard. Eli Hentze tekur undir við danska starvsfelaga sínum, og lyklaorðið er fleksibilitetur. – Úti á bygd eru árgangirnir nokk­so svingandi, so tað er tor­ført at gera eina skipan, sum er æviga galdandi. Tí er tað øgiliga týdn­ ingarmikið, at vit eru fleksi­bul í skipanini av barna- og ungdóms­ fót­bólti, sigur Eli Hentze og heldur fram: – At vit fyrst og fremst leggja okkum eftir, at øll, sum vilja spæla fótbólt, sleppa tað, og øll pláss í landinum, í tann mun, tað ber til, hava lið, soleiðis at ungdómurin kann spæla. Um tað merkir, at undantaksloyvi viðvíkjandi aldri er neyðugt, haldi eg, at mann kann brúka tað. Eisini tað at blanda gentur og dreingir, sigur Eli Hentze. Fótbóltsmennarin heldur eisini, at tað ikki neyðturrviliga er best fyri eina unga gentu ella ein ungan drong at spæla í sínum egna aldursbólki. Í U14 aldursbólkinum kann tað til dømis koma fyri, at ein spælari, ið enn ikki er komin í kynsbúningaraldur, spælir móti einum, sum longu er komin ígjøg­ num ta menningina. Tað kann vera stórur munur á relativa fót­ bólts­aldrinum, og tískil kann tað vera skilagott, at mørkini mill­um aldursbólkarnar ikki eru knív­ skorin, men at mann hyggur at tørv­inum hjá feløgunum og ein­ staka spælaranum, heldur Eli Hentze. – Eg hevði ynskt, at mann var eitt sindur smidligari á hasum økinum, og at mann sá eitt sindur millum fingrarnar við júst hasum, heldur hann fyri. B71 hevur raðfest ungdómsfótbóltin Hóast B71 telist millum smæstu fót­bóltsfeløgini í landinum, eru fleiri spælarar komnir undan síðstu nógvu árini. Brandur Hendriks­son Olsen, sum fór til Keypmanna­havnar og FCK sum bert 15 ára gamal, og hevur verið millum berandi kreftirnar á ‘nýggja landsliðnum’ hjá Lars Olsen síðstu árini, er upplagda dømið, men hann er ikki hin einasti. Millum aðrar, ið hava fingið sín fótbóltsuppvøkstur á Sandoynni, kunnu nevnast Símun Rógvi Hansen (NSÍ), Dan í Soylu (EB/Streymur), Magnus H. Olsen (NSÍ), Mikkjal Hentze (AB), Aron Clementsen (HB) og Kári Nielsen og Gudmund Nielsen, ið ikki longur spæla á hægsta stigi, men sum á hvør sín hátt hava verið við til at mynda føroyskan fótbólt. Felags fyri fleiri av hesum spælarunum er, at teir eru góðir við bóltinum, og sterkir á fótbóltstekniska økin­um. Hendan lutfalsliga stóra spælara­ framleiðslan kemur ikki av tilvild, heldur Eli Hentze. MENNING Fakta um B71: Høvuðsungdómsvenjari: Bakary Bojang Limir (merkir í hesum førum íðkandi spælarar): 140 Lið: 12 (U14 og U17 við gentum er samstarv við AB) Venjarar: Átta fastir venjarar umframt hjálparfólk OV FÁIR SPÆLARAR AT MANNA LIÐINI Spælaramenning í B71: Thomas Thinggaard (Sosialurin 12.06.17) Fótbóltsmennarin sigur, at vit skulu vera smidligari, tá vit býta spælarar upp í árgangir. Tildømis skulu smærru feløgini sleppa at brúka ‘ov gamlar’ spælarar fyri at manna liðini, og betra um kappingina. Vit skulu venja meir undir trýsti, so at spælararnir gerast betri við bóltinum. Eisini skulu feløgini seta einstaka spælaran í miðdepilin og tryggja sær, at ungir spælarar ikki verða niðurpíndir av ov stórari dystarbyrðu. Harumframt skulu feløgini betra um góðu venjararnir, og FSF skal átaka sær ein størri leiklut í spælaramenningini. Anders Gerber (Sosialurin 12.06.17) Venjarin hjá NSÍ heldur, at Føroyar og Fótbóltssambandið skulu tora at hugsa í elitufótbólti og skipa ein fótbóltsskúla, har 20 teir bestu spælararnir í hvørjum árgangi venja saman um morgunin. Hetta fyri at fáa fleiri venjarar á høgum stigi til teir bestu. Hann leggur dent á, at føroyski fótbóltsspælarin venur bara helmingin av tí, sum ein danskur ungdómsspælari ger. Hartil er venjingin á alt ov lágum stigi. Hann saknar eisini eitt menningarumhvørvi, har nógv størri ljós verður varpað á einstaka fótbóltsspælaran. Størsti trupulleikin hjá B71 seinastu nógvu árini hevur verið fráflytingin, men hóast fólkatalið í Sandoynni er minkað við einum fjórðingi síðan 1985, hevur lítla felagið megnað at ment fleiri spælarar, sum onnur feløg – bæði føroysk og útlendsk – hava fingið og fáa ágóðan av. B71 hevur raðfest ungdómin, sigur Eli Hentze, fótbóltsmennari hjá FSF, sum hevur verið venjari í felagnum í fleiri umførum