mánadagur 19. juni 2017síða 19

19 Mánadagur 6. januar 2014 · Nr. 2 Sosialurin Mánadagur 19. juni 2017 · Nr. 70 Hugskot og viðmerkingar – send sms til 225000 MENNING Eli Hentze 47 ára gamli Eli Hentze er í stóran mun ímyndin av B71, og hevur brúkt meginpartin av sínum fótbóltslívi í felagnum á Sandoynni. Hann spældi yvir 400 dystir í gulum og bláum árini frá 1986 til 2010, og síðani hevur hann verið bæði spælandi venjari og venjari hjá felagnum í øllum hugsandi deildum. Hann tók A-venjaraprógv í 1999 og hevur eisini arbeitt nógv sum venjari hjá Fótbóltssambandinum. Millum annað hevur hann undirvíst á venjaraútbúgvingini hjá FSF síðan 1999 og verið venjari á leikaramenningini hjá FSF árini 2009-14. Í løtuni er hann fótbóltsmennari og venjari hjá U21 landsliðnum. Eli Hentze er í parlagi og hevur trý børn. Yrkisleið sum venjari: 1994: Spælandi venjari hjá Kaldbaks Bóltfelag 1997: Spælandi venjari hjá B71 2007: Spælandi venjari hjá B71 2008: Venjari hjá B71 2002-16: U15 landsliðsvenjari/hjálparvenjari 2009-11: U19 landsliðsvenjari/hjálparvenjari 2015- : U21 landsliðsvenjari/hjálparvenjari Eli heldur eisini: Um ræðandi peninganýtsluna í mun til spælaraframleiðslu – Lat okkum siga, at um hvørt felag í effodeildini brúkar tvær milliónir um árið - helst er tað meir - verða millum 200 og 250 milliónir brúktar tilsamans upp á eitt tíggjuáraskeið. Nú hava vit gamaní flutt nakrar spælarar út í síðstuni, sum eru blivnir yrkisspælarar, men tá vit brúka so nógvan pening, kann spurnartekin setast við, hví vit ikki hava fingið enn fleiri spælarar av landinum at spæla. Eg sigi ikki, at tað er endamálið í sjálvum sær, men tá mann hugsar um upphæddina, er hon ræðandi í mun til tað, sum vit hava framleitt. Um fysisku umstøðurnar í B71 – Við undantakið av, at vøllurin liggur eitt sindur langt frá bygdum øki, eru umstøðurnar framúr góðar til at íðka ítrótt. Vøllurin er frálíkur, og ein sera væl egnað høll er komin afturat. So fasilitetirnir eru framúr góðir. Tíverri hava mynduleikarnir og B71 onkursvegna ikki tosað nøktandi saman um brúk av høllini, tí hon skuldi verið gagnnýtt í nógv størri mun av ítróttinum. Um sosiala týdningin hjá B71 í Sandoynni – Tað hevur verið nátúrligt at koma við ungdóminum til fótbóltsvenjing í B71. Áðrenn høllin kom, var fótbólturin at kalla tað einasta ítróttartilboðið. Síðan er vetrarítrótturin komin afturat. Men ítróttarfelagsskapurin hevur og kemur at hava ótrúliga stóran sosialan týdning fyri sandoyingar. Um at vera eitt ‘fóðurfelag’ – Mann má viðurkenna, at soleiðis er tað fyribils. Tað verður helst torført at fáa fólk at ganga við til, at mann arbeiðir í einum felagi, sum bara skal avlevera til onnur, serliga tí afturberingin er so lítil og stendur ikki mát við arbeiðið, sum verður lagt í. Men tað liggur eisini eitt virði í at taka lut á henda hátt, og B71 hevði lið í steypafinalunum í fjør, og hevur eitt gentulið við manning frá B71 og AB við í ár. Um ‘parallelu tilveruna’ – Sandoyggin og B71 hava ongan kjans at kappast við kappast við krónum og oyrum, tí tað er at kalla einki vinnulív á oynni, og sostatt eingin sponsorpeningur. Tí hevur tú ikki ein livandi kjans at løna fólki í eins stóran mun, sum onnur føroysk feløg kunna. Hetta ger, at B71 livir eina aðra tilveru. – B71 hevur raðfest ungdóms­ fót­bóltin øgiliga høgt í langa tíð. Felagið hevur havt løntar høvuðs­ ungdómsvenjarar í nógv ár, og tað hevur havt við sær, at hesir, saman við øðrum dugnaligum venjarum, hava havt nógva og góða venjing í eitt drúgt áramál, greiðir Eli Hentze frá og lýsir hetta við einum dømi: – Tá eg var venjari í 2008, stóð valið ímillum at fáa ein miðverja til fyrsta liðið, sum tá spældi í bestu deildini, ella at seta ein løntan høvuðsungdómsvenjara í starv, og felagið raðfesti venjaran. Fyrsta liðið flutti niður, men onkur av teim­um spælarunum, ið fingu gagn av góðari og støðugari venjing, eru at síggja í rættuliga stórum saman­hangi í dag, so tað vóru væl givnir pengar tá, eins og tað er nú, sigur Eli Hentze. Í ár er Bakary Bojang, sum spældi við B71 í 2011 og 2012, settur í fulltíðarstarv sum høvuðsungdómsvenjari í felagnum. Spurdur um at nágreina júst hvussu gongdin í felagnum er, tá ein evnaríkur unglingi verður mentur til ein góðan vaksnamannaspælara, heldur Eli Hentze, at B71 ikki er so ólíkt øðrum føroyskum feløgum. – Tað er ikki bara bara at fáa venj­arar, ið skulu venja fleiri ferðir um vikuna fyri einki, men B71 hevur megnað at skipað venjing bæði summar- og vetrarhálvárið. Men tað nyttar einki, bara at venja eina hundarúgvu. Tað er rættuliga avgerandi, at venjingin er góð. Venjarin skal kenna fótbólt, og sjálv­andi eisini vita nakað um menn­iskju, greiðir hann frá. Sleppa tíðliga framat Tá fólkagrundarlagið er lítið, er kappingin um pláss á besta liðnum í felagnum sjálvsagt ikki líka stór sum í HB og øðrum stórum før­oysk­ um feløgum. Hetta ger, at spæl­arar fáa kjansin tíðliga, og at tolið við teimum ungu er lutfalsliga stórt. – Tú sleppur framat, og tú sleppur at gera mistak eftir mistak, sum tú lærir av og gerst dugnaligari av. Tú fært longri snór, enn tú hevur í einum felagið, ið ‘skal vinna’, og har tað eru nógvir um boðið, greiðir Eli Hentze frá – Í einum umhvørvi, har tú ikki hevur eitt lið, sum bert er mannað við sterkum spælarum, framleiðir mann kanska fleiri leiðaratýpur og spælarar, sum taka ábyrgd, tí hesir mugu berjast fyri hinar, sigur fótbóltsmennarin, men leggur aftur­ at, at hetta er eitt tvíeggjað svørð. – Vandi kann vera fyri, at um ein ungur spælari sleppur framat tíðliga, og vit føra hann fram sum tað besta í heiminum – tað hava vit lyndi til at gera – kann hann missa viljan at arbeiða fyri sakini. Vegurin er langur, og mann skal stríðast fyri tí, sigur Eli Hentze, sum viðgongur, at tað er ein avbjóðing fyri B71, at besta mansliðið í løtuni ikki spælir hægri enn í 2. deild. – Tað er heilt klárt ein trupulleiki fyri ein felagsskap sum B71, um teir ungu spælararnir ikki hava fyrimyndir í felagnum at síggja upp til, tá teir vaksa til, at teir ikki hava tað at stremba eftir, endar Eli Hentze, áðrenn hann fer í bilin og setir kósina móti Gomlurætt. Í B71 er tað ivaleyst av plássi á vøllinum til einhvønn, ið ynskir at spæla fótbólt, men við aktu­ella fólkagrundarlagnum er av­bjóð­ ingin heldur at manna øll plássini á liðnum. sosialurin@sosialurin.fo Glosur: Relativur fótbóltsaldur: Eitt hugtak, sum verður brúkt í samband við, at spælarar búnast ymiskt. Tveir spælarar kunnu verða javngamlir, men kropsliga eru teir á hvør sínum búningarstigi. Fótbóltsmennari: Fótbóltssambandið setti við ársbyrjan fýra fótbóltsmennarar í starv. Teir hava til uppgávu at vegleiða feløgini, koma við ítróttarligum uppskotum og annars varða av føroyskum fótbólti. Teir fýra eru Jógvan Martin Olsen, Eli Hentze, Øssur Hansen og Thomas Thinggaard.