hósdagur 14. oktober 2004síða 6

10 Nr. 196 - 14. oktober 2004 Nr. 196 - 14. oktober 2004 11 Tað er ikki meira enn ein vika síðan, at vit á hes- um teigi gjørdu vart við, at eitt hittt mest mar- kanta vallyftið var goymt og gloymt. Vit hugsaðu um lyfti javnaðarfloksins um ókeypis mjólk og heilsugóðan skúlamat. Men vit gjørdu landsstýr- inum órætt, tí nú frættist, at ein fólkaheilsuætlan nú er veg. Sambært hesi ætlan, ið fevnir um skeiðið 2005-2015, skulu øll føroysk skúlabørn fáa ókeypis mjólk og frukt í skúlanum longu frá 1. januar 2005. Peningur er settur av á fíggjar- lógini til skipanina. Hetta eru sera góð tíðindi og vit skylda landsstýrismanninum í almanna- og heilsumálum eina umbering, tí vit hava gjørt honum og landsstýrinum órætt. Sum kunnugt hava fleiri skúlar longu eina mjólk- arskipan, sum foreldrini sjálvi gjalda. Lands- stýrismaðurin í heilsumálum, Hans Pauli Strøm, metir tó skipanina hava so stóran týdning, at hon nú skal gerast ókeypis á øllum skúlum í Føroyum - samstundis sum hon eisini skal umfata eitt frukt- ískoyti. Ókeypis mjólkar- og fruktskipanin er liður í nýggju fólkaheilsuætlanini, sum má sigast at raðfesta børnini høgt. Í løtuni situr nevniliga eisini ein arbeiðsbólkur og orðar lesiætlanina til nýggju lærugreinina Heilsukunnleiki, sum ætl- andi skal byrja í fólkaskúlanum komandi skúlaár. Sum kunnugt varð í valstríðinum lovað ein sunn heitt máltíð hvønn skúladag til øll børn í fólka- skúlanum. Ein ókeypis mjóka- og fruktskipan er sjálvsagt ikkki tað sama sum ein heitur og heulsugóður døgurði, men hetta er ein sera góð byrjan. Hetta so mikið meira um, at føroysk børn jú eta ov lítið av frúkt. So her mugu vit taka hattin av fyri landsstýrismanninum, samstundis sum vit vóna, at tað eydnast honum at koma ígjøgnum við hesum frálíka uppskoti. Fólkaheilsuætlanin leggur eisini upp til at endur- skoða og dagføra matvørulógina. Hans Pauli Strøm ásannar, at verandi matvørulóg als ikki virkar eftir ætlan, tí hon setur alt ov fá og óneyv krøv til upplýsingar um tær ymsu matvørurnar. Tað er einki at ivast í, at tørvur er á at fáa mat- vørulógina endurskoðaða. Brúkaraverjan í Før- oyum er so sum so. Tí er eitt hvørt stig, sum hevur til endamáls at verja brúkaran, kærkomið. Hetta er alt samalt ein sera góð byrjan og nú verður spennandi at síggja, hvussu leikur fer. Vónandi eydnast hesar verkætlanir landsstýrismansins í øllum góðum. Fólkaheilsan er eitt hitt mest týð- andi málið í okkara tíð og tað er í tøkum tíma, at landsins myndugleikar fara at taka hetta mál í álvara. DAGSINS MEINING Sosialurin Fólkaheilsa og vallyfti VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jacob Poulsen kommunustýrislimur í Sumba Tá ið landsstýrið hevur ætl- anir um at byggja skúlar í Suðuroynni so sum mið- námsskúla og aðrar skúlar, ja, ein skúladepil, so er tað rætt at byggja hesar skúlar í Hovi. Hov liggur mitt í oynni, og tá ein tunnil er komin millum Øravík og Hov, er ongin trupulleiki hvar ein býr í oynni. Hetta kemur so avgjørt at verða til stórt gagn fyri Suður- oynna. Upprunaliga varð miðnámsskúlin lagdur í Hovi, men síðan bleiv hann fluttur til Vágs. Løgmaður, Jóannes Eid- esgaard, landsstýrismaður- in í almanna/heilsumálum, Hans Pauli Strøm, og landsstýrismaðurin í mentamálum, Jógvan á Lakjuni, vóru á fundi við Vágs kommunu tann 11. september og við sær høvdu teir eitt tilboð til Vágs kommunu at flyta miðnámsskúlan til Hovs, við tað at eitt ellis/røktar- heim verður bygt í Vági á staðnum, har sum grivið er út fyri miðnámsskúlanum. Vágs kommuna tekur ikki av tilboðnum frá lands- stýrinum at byggja ellis/ røktarheim, sum hevði kunnað givið 35 nýggj ar- beiðspláss í oynni. Har gjørdi Vágs kommuna eitt álvarsligt mistak. Tí undrar tað meg, tá ið so nógv fólk eru arbeiðsleys í oynni, tað vita borgarstjórin Jógvan Krosslá og kommunustýr- islimir í Vági av. Men tá nú landsstýrið hevur ætlanir at byggja ellis/røktarheim í Suður- oynni, tá áttu teir at kunna hinar kommunurnar um ætlanina, tí kommunurnar eru jú ein partur av bygg- ingini. Suðuroyggin er ikki bara Tvøroyri og Vágur, og tí skulu aðrar kommunur takast við í tær ætlanir, sum landsstýrið skal fremja í framtíðini, eisini tá hugsað verður um, at Suðuroyggin møguliga verður ein kommuna um ikki so langa tíð. Tá landsstýri og komm- unur ætla at byggja ellis/ røktarheim í Suðuroynni, so er ein rúgva av møgu- leikum, eg fari á komandi fundi í kommununi at hava eitt uppskot um, at Sumbiar kommuna skal útvega eitt grundstykki klárt til at byggja eitt ellis/røktarheim, sum kemur at nøkta tørvin í Suðuroynni langt fram í tíðina. Tá ið okkara ung- dómur er liðugur við sína útbúgving, tað verið seg her á landi ella í øðrum londum, so skal hann hava eitt arbeiði at koma til her í Suðuroynni. Men nú vísir tað seg at onki arbeiði er at finna, tí haldi eg at lands- stýrið skal leggja almennar stovnar út um landið, so- leiðis at Suðuroyggin fær sín part. Kommunurnar/kommun- an her í oynnu mugu virka til at skapa karmarnar so góðar sum møguligt fyri nýggjum arbeiðsplássum/ vinnulívinum, soleiðis at tað kann lata seg gera hjá landsstýrinum at leggja stovnar til Suðuroynna. Hov er vælegnað Hjørleif Hjaltalin Valevni fyri Fólkaflokkin til Tórshavnar býráð Sum flestu kunnugt, blóm- ar tónleikalívið í Tórs- havnar kommunu. Vit hava fleiri ung fólk, ið spæla tónleik í Margarinfabrikk- ini, ung fólk í Musikk- skúlanum, fleiri kór , horn- og træblásarar, bólkar, ið framføra klassiskan tón- leik, bólkar sum spæla jazz tónleik umframt øll tey ungu, ið hava funnið eitt kjallarahøli at venja í. Eg ivist stórliga, um nak- ar annar býur í heiminum, við sama fólkagrundarlagi, hevur eitt so ríkt tónleikalív sum Tórshavnar kommunu hevur, og hetta sereyðkenni má stuðlast og varveitast! Trupulleikin hjá tón- leikalívinum í Tórshavn er, at tað einans er eitt høli, ið er egnað til framførðslu av tónleiki og er tað í Norður- landahúsinum. Men Norð- urlandahúsið er ætlað til nógv onnur endamál enn tónleik og ikki er altíð lætt at koma framat. Norður- landahúsið er heldur ikki eitt hús burturav til tiltøk hjá borgarum í Tórshavnar kommunu, men fyri allar føroyingar og norðurlend- ingar. Fyri at tónleikalívið í bý- num framvegis kann blóma og fáa virðiligar karmar at virka undir, eigur eitt ment- anarhús at verða bygt. Eitt tílíkt hús kundi verið karm- ur um fleiri mentanartiltøk í býnum, t.d. tónleikafram- førslur, sjónleikir, upp- lestur, framsýningar o.s.fr.. Eru karmarnir í lagi, fer mentanarlívið at blóma enn meira, og hvør veit, kanska kunnu vit við hesum stuðla undir komandi "tónleika- stjørnum", ið kunnu selja teirra tónleik uttanlands ! Eitt mentanarhús í Tórs- havn eigur sjálvandi eisini at innihalda annað enn framførðslur. Har kundi t.d. verið ein føst framsýning, ið lýsti søguna hjá Tórs- havnar kommunu, fastar framsýningar av ognum hjá Tórshavnar kommunu, sum í dag eru spjaddar um allan býin. Stutt sagt, eitt hús, ið verður brúkt, og sum allir borgarar í kommununi kunnu fegnast um! Stutt sagt, ein mentanarmiðdep- il! Mentanarhús í Tórshavnar kommunu VAL04 Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Nøvnini á 8 kvinnum komu á kvinnulistan mikukvøldið eftir fundin "Kvinnur! Takið eisini ábyrgd í politikki!", sum Tofta Kvinnufelag skip- aði fyri. Tað er fimtu ferð, at kvinnulistin stillar á Toftum. At so fáar kvinnur eru við í politikki, er ein fólkasjúka! Soleiðis tók Kristina W. Andreassen til á fundinum, sum Tofta Kvinnufelag skip- aði fyri mikukvøldið. Kristina var fyrsta kvinnan, ið varð vald í bygdarráðið á Toftum í 70’unum. Kristina fortaldi mill- um annað um arbeiðið at fáa fótbóltsvøllin, sum harliga trongdist til tey ungu. Hóast tað eru mong ár síðani Kristina gavst í bygdarráðnum, og væl komin til aldurs, er hon framvegis eld- huga fyri politikki, og eggjar yngru kvinnun- um at halda seg framat. Kristina var ein av trim- um kvinnum sum á fundinum søgdu frá sín- um royndum í lokalpoli- tikki. Vardi ansingina Jancy Olsen, forkvinna í kvinnufelagnum, hevur eisini verið sera virkin í politikki. Hon hevur júst sagt seg frá sum næst- forkvinna í Javnaðar- flokkinum, og sum lokalpolitikari gjørdi hon tænastu í 8 ár. Hon varð vald í bygdarráðið á fyrsta kvinnulistanum, sum stillaði í 1988. Jancy sat í tvey valskeið. Á fundinum greiddi hon millum annað frá um hvussu trupult tað mangan var, at fáa end- arnar at røkka saman, tá grunt var í kommunu- kassanum. - Tá mennirnir vildu skerja barnaansingina, so mammur, ið vóru heima vegna barnaburð, ikki skuldu fáa ansing- artilboð til størri børn- ini, segði eg korta nei! greiddi Jancy frá, sum eitt dømi um hvørji málsøki hon hevði stríst fyri. Til valið í 1996 stillaði Jancy ikki uppaftur, og tá varð Katrin Poulsen vald á kvinnulistanum. Hon hevur sitið í 8 ár, og stillar ikki uppaftur hesaferð. Katrin er leiðari fyri dagrøktina, og hevur eisini eitt festi at taka sær av. Komm- unufundirnir eru um kvøldið, og Katrin dylir ikki fyri, at tað krevur fitt av orku at arbeiða við kommunupolitikki. – Men kommunupoli- tikkur er spennandi og sera áhugavert arbeiði, sum eg havi røkt í 8 ár. Nú vil eg fegin lata aðrar sleppa framat, sigur Katrin. Ein vansi Á Toftum stilla tey ikki eftir flokki. Bert ein al- mennur listi er, og á listanum eru 11 valevnir - av hesum bert ein kvinna. Alfred Olsen, komm- unuskrivari og tingmað- ur hjá Sambandsflokk- inum, segði í sínum inn- leggi, at kvinnulistin hevur skyldina í, at so fáar kvinnur stilla á hin- um listanum. - Kvinnulistin virkar kanska móti síni ætlan. Tí tá kvinnurnar vita at hesin listin kemur, vil eingin á tann almenna listan, og tað er spell, helt Alfred Olsen. Hann strikaði undir, at tað veruliga er tørvur at fáa fleiri kvinnur við - bæði í lokalpolitikki og í landspolitikki. Royndi landspolitik- arin ásannaði tó, sum víst var á, at skulu tey á Toftum hava møguleika at velja fleiri enn eina kvinnu á hesum komm- unuvalinum, má ein listi gerast afturat. Tí al- menni listin er liðugur, og á honum er, sum nevnt, bert ein kvinna. Felags ábyrgd Annika Wardum Joen- sen var eisini gestarøð- ari á fundinum miku- kvøldið. Hon gjørdi eitt tankaeksperiment, og bað fundarfólkið í- mynda sær eina politiska skipan, har einans kvinnur sótu við valdin- um. – Hvørjar raðfestingar høvdu tá verið gjørdar? Hevði tað verið ein nóg góð skipan og hevði rætt verið raðfest? Kanska sæð frá okkara sjónar- horni, men neyvan frá einum samfelagssligum. Í politikki tørvar okkum bæði kvinnur og menn. Okkum tørvar at taka ábyrgdina saman, so vit fáa ein politikk, har áhugamálini hjá øllum pørtum í samfelagnum verða raðfest, segði Annika. Nærum fullteknaður Fyri fundin var ikki gjørt av, um kvinnulistin á Toftum fór at stilla aftur hesaferð. Men eftir fundin vóru longu átta nøvn á listanum, og trý koma helst afturat. Listin verður klárur í hesi vikuni, sigur Jancy Olsen, forkvinna í Tofta Kvinnufelag. Kvinnulisti nærum fullteknaður VIÐMERKINGAR Atli Hansen Dastið av føroysku fjøl- miðlunum tykist at hava tað best við at dyrka tað nega- tiva og tað gølukenda, tá ið tað snýr seg um føroysku vinnuna. Teir leggja lítið í at vera til staðar við tí góða orðinum tá íð tað gongur væl og tá íð framgongd við íløgum verður vekslað um til nýhugsan og frambrot. Lítil og eingin hugur er at bera tær ljósu søgurnar víðari, sum eisini standast av, at tað gongur væl. Pelagiska vinnan er einki undantak. Nú hevur tað gingist væl í nøkur ár og tí hevur dúgliga verið sneytað í roknskapum fyri at vita, hvat yvirskotini hava verið og hvat tey verða nýtt til við tí undirtóna, at hetta helst rennur niður í nakrar reiðara- ella partaeigara- lummar. Rækjuflotin við sínum undirskotum fekk toyggið í undanfarnu viku. Ókvalifiseraðar illgitingar um støddina av eginpen- inginum sum ein fylgja av uppskrúvaðum virðum á skipum hava avdúkað eina ófatuliga lítla vitan hjá blaðmanninnum um rokn- skaparliga eftirliti á hesum øki. Serliga hava blaðmenn á Dimmalætting roynt at íðk- að hesa grein og við jøvn- um millumbilum verið teir ídnastu at finna sær eina rók at skapa sær livibreyð á í hesum samanhangi. Í seinastuni hevur tað so verið Georg L. Petersen, sum er komin aftur á vøllin sum umboð fyri henda bólkin í blaðhúsinum. Fyrst royndu teir at finna út av, hví útlendskur kapi- talur hevði so lætt spæl í føroysku fiskivinnuni. Teir funnu ikki út av nøkrum og máttu sleppa endanum. Seinni hevur Georg roynt at mistonkiliggera ein ávísan kapitalvøkstur í pelagiska flotanum og lýst tað sum nakað ivasamt. Hann hevur helst ikki funnið út av, at fleiri nðggj skip eru komin til landið. Man roknar helst við á blaðnum at hava eitt størri undirhaldsvirði við at illtonkja og skapa mystik enn bert at frøast saman við teimum, sum hava verið við til hesa framgongd. Hvað- ani skulu íløgur í fram- tíðina koma, um tað ikki er frá vøkstri? Í síni framhaldandi nega- tivu herferð skal Georg nú royna at finna út av, hví íðnaðarbátar ikki kunnu fáa fiskiloyvi á sama hátt sum pelagisku skipini. Hví íðn- aðarbátar ikki kunnu fiska sum nótaskip. Og tá ið hetta fyri honum er ein trupul spurningur, hevur hann fingið sær advokat- hjálp frá einum, íð av royndum eigur at vita nakað um málið. Svarið er so einfalt sum tað, at hetta eru tveir ym- iskir skipabólkar, sum hava fingið veiðu- og fiskiloyvir út frá ymiskum fortreytum. Frá byrjanini av hevur verið tosað um ídnaðarbátar við botntroli mótvegis trol- og nótaskipum, sum við nót síðani fyrst í 60-unum og flótitroli síðani 1976 hava roynt eftir uppsjóvarfiski. Í øllum okkara grannalond- um er hetta eisini atskildir bólkar. Og tað slepst ikki ímillum teir. Lógin um vinnuligan fiskiskap kann fáa skyldina fyri nógv og er helst ikki nakað meistaraverk innan lógarsmíð. Men á onkrum økjum er hon nóg greið m.a. í § 8. Har er tað blað- maðurin villist í síni tulk- ing, tá í hann sigur, at sama slag skip fáa ymiska við- gerð. Tað er ikki slagið av skipum, men hvønn fiski- skap, tey reka ella hvønn bólk, tey hoyra til, sum er avgerandi fyri hvørji loyvir tey fáa. Tá ið blaðmaðurin enntá kan fáa tað til, at " nú er eingin møguleiki at keypa nýggjari og betri skip", so er hann farin heilt av kós og hevur valla skilt nakað sum helst av tí, hann roynir at fáa eina grein burtur úr. Tað er veiðuorka og ikki aldur og góðska, sum lógin um vinnuligan fiskiskap leggur til grund. Einhvør fær inn- flutningsloyvi til nýggjari og betri skip, men ikki við størri veiðu orku. Í grein í Dimmalætting 12.10.04 við heitinum "Grundgevingar í leysari luft" nevnir Georg L. Peter- sen bæði Havørnina og Atlantsfarið sum dømir. Eitt sindur ógreitt um tey eru dømir um tað sama ella tað øvugta. § 7 í lógini um vinnu- ligan fiskiskap sigur greitt, at í minsta lagi 2/3 av ognarpeninginum, sum somuleiðis eiga í minsta lagi 2/3 av atkvøðurættin- um skulu hava fast tilknðti til Føroyar. Allir (partaeig- arnir) skulu vera skrásettir í fólkayvirlitinum seinastu 2 árini og allir skulu vera fult skattskyldugir í Føroyum. Eisini her her er lógin greið. Hvørt mansbarn í Føroy- um veit, at bæðið hesi nevndu skipini eru 100 % norsk ogn. At tann advokat- urin, sum hevur verið ráð- gevi í minsta lagi við keypi av øðrum av teimum nevndu skipum, eisini argumenterar fyri at tey skulu hava kvotur, er ikki so undarligt. Keypið skal rættvísgerast. Endamálið halgar gerðina. Fáa tey ikki kvotur frá pelagiska flotan- um, herja tey væl á rækju- skipini ella barentshavstrol- arnar, hóast tey út frá tí veruliga eigaraskaranum at døma ikki hava rætt til ein stert. Leitar man upp rokn- skapartøl fyri hesi skip, kann man undrast yvir, at tílík projektir fáa loyvi til at akkumulera 10-tals milli- ónir í undirskot og tilsvar- andi negativa eginogn í smápartafeløgum, uttan at nakar ger nakað við tað. Hetta var ein trupulleiki í 80-unum, sum nýggjar lóg- ir vórðu gjørdar sum verja ímóti. Galda tær ikki fyri øll og serliga øll smáparta- feløg? Ella hevur norski kreditorurin ("fyrrverandi" eigarin) kautionerað fyri partapeningin? At landsstýrismaðurin í fiskivinnumálum og hans- ara umsiting tekur sínar avgerðir m.a. út frá lógini um vinnuligan fiskiskap, er einki at siga til. Hetta skulu teir gera eftir bestu sann- føring uttan mun til góðsk- una av lógarsmíðinum. Men landsstýrismaðurin hevur aðrar uppgávur enn at umsita. Hann kann (og skal) eisini reka politikk. Hann hevur til uppgávu at geva aktørunum á sínum málsøki bests møgulig kor, soleiðis at samfelagið sum heild fær sum mest burtur úr sínum tilfeingi. Og hetta kann hann gera við at hjálpa teimum, sum hava tað trupult eina tíð ella at ansa eftir har, sum tað gongur væl og at rudda upp í tí, sum onga meining hevur. Tað verður í dag í Fiskimálaráðnum nýtt alt ov nógv orka at viðgera mál umaftur og umaftur og harvið útseta seg sjálvan fyri eitt vaksandi trýst, sum er darvandi fyri alt virki á stovninum. Lat okkum fáa hesa orku umsetta til visiónir og arbeiði fyri at gagnnýta okkara tilfeingi best møguligt. Fiskimálaráharrin eigur at hugsa stórt og breitt og ikki at lata sína tíð fara við smámálum. Og tá íð lands- stýrismaðurin er úti í sínum politisku ørindum er tað hvørki blaðmanninum á Dimmalætting ella hansara advokathjálp, hann skal standa til svars yvirfyri, men bert sínum politiska baklandi – samgongu og flokki. Tá íð um fiskivinnuøki ræður og fyri at læra seg at hugsa positivt fari eg at mæla føroysku fjølmiðlun- um til at lesa tey bløð, sum koma út á hesum økinum í okkara grannalondum sum t.d.. Fiskifrettir, Fiskaren, Fiskeribladet, Fiskeritid- ende og Fishing News. Við hvørt kann ein gerast í góðum lag av at lesa tann positiva tíðindaflutningin í hesum bløðunum. Við vón um betring. Føroysku fjølmiðlarnir og vinnan C M Y K 11 10