týsdagur 20. juni 2017síða 46

Mikudagur 21. juni 2017 · Nr. 71 22 Sosialurin Pætur Albinus G olf hevur fingið nógva reklamu í Føroyum fyri at vera í miðdeplinum viðvíkjandi manglandi góðkendum golfvølli, ið kann vera við til at gera Føroyar egnaðar sum vertur fyri oyggjaleikunum. Tað er ikki politikkur tað heila, tí Føroyar fara í ár eins væl og undan­ farin ár at luttaka í golf á oyggja­ leikunum. Við eru fýra mans og ein kvinna. Glyvursnes Janus Norðberg og Ragnar Isaksen eru royndir golfspælarar her heima, og umframt teir báðar, so vera tveir nýggir yngr spælarar, sum eru búsitandi í Danmark, við. Teir eru Rógvi Mikkelsen og Líggjas Jógvansson. Ein kvinna er við, nevniliga Finngerð Sólbjørg Clark, sum er búsitandi í Cape Town, Suðurafrika. – Fyrireikingarnar ganga væl. Vit venja hvør í sínum lagi, og so hava vit eisini júst verið á venjingarlegu eitt vikuskifti í Keypmannahavn. Vit leggja stóran dent á at vit fáa vant á veruligum golfvøllum, sigur Janus Norðberg vísandi til vøllin á Glyvursnesi, sum ikki er meira enn næstbest. – Vit fáa vant nakað av spæl­ in­um harúti, men tað er rættiliga nógv øðrvísi. Vit spæla eftir ser­ ligum reglum, tí vøllurin er ikki gjørdur til at taka ímóti bóltinum, soleiðis at hann liggur omaná. Hann fer í jørðina, og vit hava loyvi at taka hann uppaftur og leggja hann av nýggjum eftir serligum reglum, sigur Janus víðari. Siðvenja Føroyska landsliðið er úttikið í einari úttøkutilgongd, har fýra teir bestu spælararnir í útvaldum kappingum hava spælt seg á liðið. Um støðið á oyggjaleikunum sigur Janus, at: – Tað er býtt upp í teir ordiliga góðu, teir sum duga hampiliga væl og so tey smáu londini, sum ikki hava so góðar umstøður, eitt nú Frøya og Hitra. Vit hava áður vunn­ ið á teimum og Falk­lands­oyggjum, Rodos og Grøn­landi. Oyggj­arnar við bretskum tilknýti, eitt nú Jersey, Guernsey og Isle of Man, hava eina langa siðvenju í golf, og har eru spælarar við handicap niður ímóti 0, greiðir Janus. Nevnast kann, at ein golfspælari er betri, jú tættari hansara sokallaða handicap er við 0. Aldursforseti Janus Norðberg er elsti luttakarin hjá Føroyum. Hann er 64 ára gamal. – Eg eri errin av at klára at spæla meg við til leikirnar. Eg eri eisini errin av at vísa, at ítróttur ikki ein­ans er fyri ungdóm, sum kann vingla við gulli um hálsin, men eisini til tey eldru, sum av ymiskum orsøkum, eitt nú aldri, ikki kunnu íðka fysiskt krevjandi ítrótt longur, sigur aldursforsetin. – Eg eri eisini takksamur fyri, at Tórshavnar Golffelag er við til at skipa fyri, at vit sleppa til oyggja­ leikir. Vónandi koma vit aftur við einum positivum íkasti til ætl­an­ irnar um at fáa ein altjóða golf­vøll og oyggjaleikir í Føroyum, sigur Janus Norðberg at enda. GOLF Luttakarar Menn Janus Norðberg Ragnar Isaksen Rógvi Mikkelsen Líggjas Jógvansson Kvinnur Finngerð Sólbjørg Clark Tróndur Arge S einastu oyggjaleikir vunnu tvær føroyskar kvinnur silvur í tvímansleiki. Hetta er tað besta, ið føroyskar borðtenniskvinnur nakrantíð hava avrikað á oyggjaleikum. Tær báð­ ar, Henrietta Nielsen og Durita F. Jensen, eru við aftur í ár. Afturat teimum báðum eru fýra mans, og av teimum fýra eru tríggir við fyri fyrstu ferð. Føroyameisarin, Pætur Albinus, hevur verið við tvær ferðir fyrr, men hetta verða fyrstu oyggjaleikirnir hjá Eyðuni F. Ellendersen, Knúti Jóannesarsyni og Sveini M. Nolsøe. Ikki við Tveir av royndu landsliðsleikar­ un­um, Fróði F. Jensen og Hallur Thorsteinsson, hava givið avboð í ár orsakað av lesnaðinum. Í teirra stað eru nakrir yngri leikarar komnir. Teir eru tó allir farnir um tey 20 og hava í longri tíð verið í aðru røð og bíðað eftir at fingið møguleikan. – Fyrireikingarnar hava verið merktar av, at leikarar eru í yms­ um heraðshornum vegna lest­ur og bústað uttanlands. Tó hevur hev­ur hópurin verið sam­an. Júst tað, at leikarar hava yms­ar venj­ ingarfyritreytir, kann eis­ini gerast ein styrki, heldur lands­liðs­venjarin, Peter H. Niclasen, sum hevur verið við til allar leikirnar, har borðtennis hevur verið við, síðan 1989. Fram til 2007 var hann við sum spælari, og síðan hevur hann verið við sum venjari. Kvinnuvón Ein gitin partur av borðtennis á oyggjaleikunum er liðkappingin. Har eru bæði menn og kvinnur í sama parti, og dystast tey í ymisk­ um samansetingum best út av sjey dystum. Seinast blivu Føroyar nummar seks út av 11 londum, og vónin er at liggja um tað sama – ella kanska hægri – í ár. Hesaferð eru 12 lond við. Tað er annars á kvinnusíðuni, at vónin fyri heiðursmerkjum er størst. – Einki er at taka seg aftur í, at heiðursmerkjavónirnar hesaferð eins og teir seinastu leikirnar eru á kvinnusíðuni. Bæði í einmansleiki, har nokk Henrietta Nielsen er besta kortið, men eisini í tvímansleiki, har tær báðar Henrietta Nielsen og Durita Jensen skulu verja silv­ur, sigur Peter H. Niclasen, lands­liðs­ venjari. Henrietta Nielsen hevur sein­ astu árini spælt í Týsklandi, har hon hevur lisið. Hon hevur um­boðað Flensburg TSB í triðbestu deildini. Líkindi fyri einum góðum úrsliti skuldu verið til staðar, nú onkrar av teimum heilt góðu, eitt nú fleirfaldi oyggjaleikameistarin av Guernsey, Alice Loveridge, ikki er við. Ein annar útiseti er eisini við føroyska liðnum. Tað er Eyðun F. Ellendersen, sum spælir við SISU/ MBK í Århus. KVINNURNAR ERU BESTA VÓNIN Seinastu oyggjaleikir vunnu tvær føroyskar kvinnur søguligt silvur, og tær báðar eru aftur hesaferð vónin hjá Føroyum, sum hevur fleiri nýggj andlit í hópinum BORÐTENNIS Luttakarar Menn Pætur Albinus Eyðun F. Ellendersen Knútur Jóannesarson Sveinur M. Nolsøe Kvinnur Henrietta Nielsen Durita F. Jensen Venjari Peter H. Niclasen ALDURSFORSETIN SPÆLIR GOLF – Eg eri errin av at vísa, at ítróttur ikki einans er fyri ungdóm, sum kann vingla við gulli um hálsin, men eisini er fyri tey eldru, sigur 64 ára gamli golfspælarin, Janus Norðberg