mánadagur 26. juni 2017síða 22

Mánadagur 26. juni 2017 · Nr. 73 22 Sosialurin Hugskot og viðmerkingar – send sms til 225000 OYGGJALEIKIR Terji Nielsen VISBY, GOTLAND Føroyar hava mangan gjørt veru­lig hál innan frælsan ítrótt á Oyggja­ leik­unum, men hesaferð er ikki vænt­andi, at okkara íðkarar fara av­stað við teimum mongu heið­urs­ merkjunum. Men vónir eru tó um nøkur heið­ urs­merkir, og kanska er størsta vón­in Tórur Mortensen, sum skal royna seg í trístøkk, har hann er gull­favorittur. Tann kappingin verð­ur avgreidd fríggjadagin. Eisini er góðar vónir um, at Marna Egholm fer at standa seg á teim­um longru renniteinunum, og fyrsta kappingin av hesum verður runn­in í dag, eftir at blaðið er farið til prent. Føroyski hópurin í frælsum ítr­ ótti er yvirhøvur rættiliga ungur, og fleiri íðkarar eru við á fyrsta sinni. “The Grand Old Man” innan fræls­an ítrótt í Føroyum, Heri Ziska, er ikki við sum íðkari hesa­ ferð, og tað ger sjálvandi eisini sítt til, at miðalaldurin á føroyska lið­ num er tann lægsti í mong ár. Ein av mongu ungu íðkarunum er tann bert 18 ára gamla Marg­it W. Fríðmundsdóttir, sum sunnu­ kvøldið royndi seg í longdarlopi. Har gjørdist hon nummar seks av 14 luttakarum við einum lopi á 4,94 metrar. Føroyska metið er 4,91 metr­ar, og tað eigur Margit sjálv, men lopið í gjár telur ikki sum nýtt før­oyskt met, tí vindurin var ov nógv­ur. Tað, sum eisini er stuttligt sæð við føroyskum eygum, er, at vit hesa­ferð hava fleiri sprintarar við í kapp­ingini, og tað er nakað, sum Før­oyar ikki hava havt í mong ár. So tey, sum eru rundan um frælsan ítr­ótt í Føroyum, eru sera spent, hvussu tað fer at ganga hjá mongu ungu íðkarunum. Kurvabóltur tapti fyrsta dystin Kurvabóltsmenninir taptu greitt í fyrsta dystinum í Gotlandi Terji Nielsen - VISBY, GOTLAND Kurvabólturin, ið fyri næstu ferð nakrantíð eigur umboðan fyri Føroyar á oyggjaleikum, spældi í morgun móti vertslandinum, Gotlandi. Áðrenn dystin visti føroyska liðið, at talan fór at blíva um truplan dyst, og soleiðis gjørdist eisini. Endaliga úrslitið var, at Gotland vann dystin 90-33, eftir at støðan í hálvleikinum var 46-12 til Gotland. Hóast føroyska liðið fekk dyggan stuðul av áskoðaraplássunum, so rakk tað ikki langt. Næsti dystur hjá føroyska liðnum verður leiktur í kvøld, tá ið Saarema tekur ímóti. Kappingarnar í frælsum ítrótti fóru av bakkastokki sunnukvøldið, og størstu føroysku vónirnar eru til Tórur Mortensen í trístøkk og Marnu Egholm á ávikavíst 5.000 og 10.000 metra renning. Men hópurin er sera ungur. STØRSTU VÓNIRNAR ERU TIL TÓRUR OG MARNU 18 ára gamla Margit W. Fríðmundsdóttir gjørdist nummar seks av 14 luttakarum í longdarlopi við einum lopi á 4,94 metrar, sum er tríggjar sentimetrar longri enn føroyska metið, ið Margit sjálv eigur. Men orsaka av nógvum vindi taldi lopið í gjár ikki sum nýtt met. Mynd: Hilmar Jan Hansen Ongir oyggjaleikir til Føroya fyrrenn í 2029 Tað verður ikki fyrrenn í 2029, at vit kunnu gera okkum vónir um at fáa oyggjaleikirnar aftur til Føroya. Áki Bertholdsen Ítróttarsamband Føroya, ÍSF, sig­ ur, at hetta er niðurstøðan eftir fund við oyggjaleikanevndina, IIGA, í gjár, har tey tosaðu um møguleikarnar fyri at fáa oyggja­ leik­ir­nar aftur til Føroya. Annars ætlaðu føroyingar at skipa fyri oyggjaleikunum í 2019, men máttu taka umsóknina aftur, tí vissa kundi ikki veitast fyri, at allir hent­leikar fóru at vera til staðar. Ser­liga varð bólturin tveittur aftur og fram ímill­um Landsstýrið og Tórs­havnar Bý­ráð, um golfvøllin á Glyv­urs­nesi, og nú er tað so greitt, hvussu dýrt tað varð, at ongin fekk tikið avgerð í tí málinum. Umboðini fyri ÍSF greiddu Oyggja­leika­nevndini frá, at Før­oy­ar eru klárar at skipa fyri Oyggja­leik­ un­um, ongantíð ov skjótt, og hevur hetta fullan stuðul frá ítróttini og pol­it­iska myndugleikanum í Før­ oy­um, sigur ÍSF.  – Nevndin í IIGA gjørdi greitt, at tekur einki óvæntað seg upp, verða Oyggjaleikirnir í 2023 verða í Orkney. Á fundinum upplýsti nevnd­in í IIGA eisini, at fundir hava verið við Ynis Mon um Oyggja­leik­ ir­nar í 2025 og Isle of Man um leik­ ir­nar í 2027.  IIGA vísti á, at enn er einki boð uppá Oyggjaleikirnir í 2029, og um­boð­ini hjá ÍSF gjørdu greitt, at vit fegin vilja skipa fyri leikunum í 2029. Og skuldi tað hent, at sam­ ráð­ing­ar­nar við Ynis Mon og Isle of Man ikki bera á mál, eru Føroyar klár­ar at skipa fyri leikunum í 2025 ella 2027, sigur ÍSF.  Á fundinum bjóðaði ÍSF eisini nevnd­ini í IIGA til Føroyar, at halda reglu­liga várfundin. Høvuðsstuðul hjá føroysku ítróttafólkunum í Gotlandi #VINNAFYRIFØROYAR #FLÚGVAFYRIFØROYAR