týsdagur 27. juni 2017síða 46

SOSIALURIN JUNI 2017 14 DIY BIRITA BLACK ER ÚR KLAKSVÍK, HAR HON BÝR SAMAN VIÐ SÍNUM LÍVSKÆRLEIKA, ODDURI OG BØRNUNUM, ARCHIA OG VITALIU. BIRITU HEVUR ALTÍÐ DÁMAÐ SERA VÆL AT TAKAST VIÐ TAD KREATIVA, AT LATA HUGFLOGIÐ REIKA OG SKAPA, OG HEVUR FYRR VERIÐ VIÐ Í FLEIRI KREATIVUM VERKÆTLANUM. H esa ferð havi eg valt at gera ein urta­potta­ haldara, eina uppslagstalvu og eina lampu. Alt verður gjørt á sama hátt, sum rammur. Urtapottahaldarin 85 cm x 28,3 cm, og listarnir eru 2,7 cm í tjykd. 1. Fyrst skal træið pussast lættliga og síðani málast, um tú ynskir tad. Eg brúkti akrylmáling, tí tað tornar so dejliga skjótt og er fínt, tá tað er til innibrúk. 2. Síðani verða trælistarnir sagaðir til. Skjúlarin, eg valdi mær, er ø25 cm og kanturin er 1cm. Opið mátti tí verða 23cm. Stykkini eru tí: a) 80 cm x4 b) 28cm x4 c) 22,8cm x4. 3. Listarnir, sum eru 80 cm og 28 cm verða skrúðaðir saman, soleiðis at tað nú eru 2 rammur. (Sí mynd) Koyr eitt lítið sindur av trælími á endarnar, sum skulu skrúðast saman. Skrúða sídani styttri listarnar fastar fyri endarnar á longru listunum. (Sí mynd) 4. Síðani verða millumstykkini (22,8 cm) skrúðað ímillum hesar tvær rammurnar. (Sí mynd) 5. Koyr eitt sindur av trælími ímillum, har stykkini koma saman (Sí mynd) 6. Mála so endarnar, har sagað varð, og set skrúðuhettur á skrúðurnar. (Sí mynd) 7. Lat urtapottahaldaran standa, ímeðan límið tornar. Uppslagstalvan og lampan verða gjørdar á sama hátt sum rammurnar á urtapottahaldaranum. Uppslagstalvan er 166 cm x 40 cm. 16 ringar verða skrúðaðir fastir, 8 á hvørjum enda (Sí mynd) og síðani verður 30 metrar langt elastikk drigið ígjøgnum ringarnar. Týdningarmikið at stramma elastikkið mest møguligt. Lampan er 32 cm x 24 cm. Eitt hol verður borað niður ígjøgnum miðjuna á ovasta listanum, og leidningurin drigin ígjøgnum. Fyri at halda rammuni upp á pláss, verður eitt strips spent um, har ramman skal koma niður á, og endin kliptur av. (Sí mynd) Tilfar: Trælistar, trælím, skrúður (3,5 x 50/35 mm) Skrúðuhettur, pussupappír, máling, málingarullu, skjúlara 25 cm við kanti + plantu, krókar (ringar), elastikk, 30 m fatning vid leidningi + peru, strips. URTAPOTTAHALDARI UPPSLAGSTALVA & LAMPA Henda síðan er fíggjað av