týsdagur 27. juni 2017síða 45

13 Mánadagur 6. januar 2014 · Nr. 2 SOSIALURIN JUNI 2017 TIPP HOL VIÐ SPARTLI Tú kanst mála ein vegg, men hann verður ongantíð vakrari enn tann flatan, sum er undir. Á sama hátt sum tú/eg/summi/nógv reinsa sær húðina, áðrenn fyrsta lagið av foundation, so skal ein veggur reinsast og skavast reinur, áðrenn tú málar hann – annars verður málingin ójøvn og flykrar av… sum foundation á órøktari húð. Furur í vegginum, hol eftir skrúvum og annað, kann fáast burtur, ella minkast við spartli. Tú kanst velja at spartla allan veggin, ella bara nøkur fá hol. Oftast er bert neyðugt at tippa nøkur hol. 1. Skava alt leyst tilfar av, áðrenn tú byrjar at spartla. Skalt tú tippa hol eftir skrúvum, so kanst tú við spartlinum skava og skera holið til, soleiðis at einki stendur út frá vegginum. Eg plagi eisini at pussa tað leystliga, soleiðis at tað verður javnt við restina av vegginum. 2. Turka eftir vegginum. Er veggurin støvuttur, so heftir spartlið ikki so væl við. 3. Sproyta spartl í holið (Skalt tú tippa stórar furur, smyrt tú spartl á við einum stórum spartli – onkuntíð er neyðugt at spartla allan veggin). Slatta spartlið væl við einum spartli (ein spartil er eitt amboð at spartla við… um tú bert tippur smá hol, kanst tú eisini brúka ein knív… ella bara ein vátan klút at turka restina av spartlinum av við. Men um tú skalt spartla allan veggin, er best at brúka ein breiðan spartil)… Slættari og javnari tú smyrt spartlið nú, lættari verður pussiarbeiðið aftaná. 4. Ger tær ein temunn ímeðan spartlið tornar. Um tú hevur keypt skjótt turkandi spartl, so nært tú ikki at drekka temunnin, áðrenn spartlið er turt… ert tú ordiliga spent til næsta stig, ja, so letur tú temunnin standa… Spartlið tolir annars væl at bíða, ímeðan tú drekkur te, so gev tær bara tíð. 5. Tá ið spartlið er tornað – ella temunnurin er drukkin – pussar tú spartlið heilt javnt (sandpappír er altíð gott at eiga í amboðsskápinum – eitt fínt og eitt grovt, tað er nokk). 6. Eru enn onkur lítil hol, so endurtekur tú aftur frá punkt 2. 7. Turka eftir flatuni, soleiðis at alt støvið fer av, og koyr síðani grundara á. Grundarin ger at spartlið ikki sæst ígjøgnum málingina. 8. Mála veggin. Liðugt. Eg havi ein vinmann, sum kvepptist við, tá ið eg fortaldi um hugskotið til ‘handy-woman’ greinarnar. ‘Altso skulu kvinnur ikki vera kvinnur’?… Jú, kvinnur kunnu saktans vera kvinnur (hvat enn nú tað er?)… ja, eg haldi egentliga, at kvinnur kunnu vera júst tað, tær hava hug til at vera. Eg kann viðmerkja, at eg merki eingi brot á mína elskaðu og elskuligu kvinnuligheit, so hvørt sum eg gerist meira handy. Eg keypi oftast spartl á eini tubu (ok, nú ljóðar tað, sum um eg keypi spartl í heilum… men tú veit, tá ið tú fyrst fert í gongd, ja, so fært tú knapliga eitt ‘spartl-forbrúk’). Tað er lætt at brúka, gott at tippa hol eftir skrúvum og tornar ógvuliga skjótt. Um tú skalt spartla ein størri part av vegginum, er betur at keypa spartl í spann. Spartl, spartl, spartl. Eitt stuttligt orð. Eg elski mína skrúvu­ maskinu, og eg brúki hana fleiri ferðir um vikuna (tá er gott at duga at spartla eftir øll holini eg skrúvi í veggin). Flyta hasa myndina. Seta ein nýggjan knaka upp her. Eina nýggja hyll har. Einki problem. MEN, í kjallaranum eru betongveggir, og tá fari eg heilt í svart… hvussu skrúvi eg í ein betongvegg? Hetta droymi eg um at læra meg. Kanska verður tað til næsta HON? UM AT VERA EIN HANDY-WOMAN AT KEYPA SPARTL MÍNIR HANDY- WOMAN DREYMAR