týsdagur 27. juni 2017síða 50

SOSIALURIN JUNI 2017 18 Instagram er ein sosialur miðil, har tú kanst deila myndir úr tínum gerandisdegi. Og her kanst tú eisini fylgja spennandi fólkum úr allari verðini. Vit nevna hvønn mánaða nakrar av føroysku Instagram vangunum: @GUDRIDIGONG FYLGJARAR: 545 Tað er okkurt so friðarligt við myndunum hjá Guðrið; okkurt sum fær spenningar at sleppa. Tí samstundis sum myndirnar eru vakrar og ‘perfeltar’ (sum so nógvar instagram myndir eru), so eru tær so lítið krevjandi. Tær krevja ikki av mær at eg skal sita uppi í songini sunnumorgnar og lesa bløð við einum góðum koppi av te í einum perfektum koppi - men myndirnar minna meg á at tað eisini er ein møguleiki. Myndirnar krevja ikki av mær at eg gangi í lekkrum høghalaum skóm ein vanligan týsmorgun, men minna meg á møguleikan. Áh teir møguleikar. Deiligt. @BEINTA FYLGJARAR: 1519 Hóast nógv fólk leggja góðar myndir út á instagram, so slepst ikki uttan um, at eitt gott myndafólk altíð eigur munin. Myndirnar hjá yrkis myndafólki eru áhugaverdar longri enn myndirnar hjá flestu øðrum, og tey duga at spæla við ljósið uttan at tað kennist tilgjørt. Fylg beintu, fylg vakurleikanum. @jollyklub FYLGJARAR: 1413 Dragandi. Óforútsigiligar. Ólekkrar. Gerandisligar. Óveruligar. Og ógvuliga filtreraðar uttan filtur… ella so. Næstan øll onnur leggja bara myndir út sum liva upp til ein áísan vakurleika standard. Alt skal vera pent - uppá tann rætta mátan. Ljósið skal fella uppá júst tann mátan sum tað ger á 99,7 % av øllum øðrum instagram myndum. Jollyklub er øðrsvísi. Eg dugi ikki at seta orð á hvat tað er, men okkurt við myndunum hjá teimum báðum Anný og Emilju er fangandi. Profilurin hjá teimum er stongdur fyri almenninginum, men søk um at sleppa at fylgja - sleppur tú upp í part, so kanst tú gleða teg til eitt meira fjølbroytt instagram-feed. Instagram – tal­gildur heimur í myndum