hósdagur 29. juni 2017síða 24

FRÍGGJADAGUR 30. JUNI 2017 SOSIALURIN 75 24 ÍTRÓTTUR KAPPRÓÐUR Eftir at hava arbeitt upp á tað í næstan trý ár, hava tær á Sølmundi rokkið støðuna, sum tær ætla at halda tørn um BÁTSFORMAÐURIN MISTI VITIÐ Í ENDASPURTINUM JÓANNES HANSEN T að vóru framúr líkindi og umstøður at kappast í søguliga kappróðrinum í Hósvík mikukvøldið. Veðr­ið var av tí fagrasta, umstøður og fyri­reikingar vóru til ug, og fleiri av róðrunum vóru sera tættir og spenn­andi. Eftir nógvar royndir, har tað ikki eydnaðist, so megnaðu kvinn­ urnar á 6-mannafarinum Sølmundi leygar­dagin á jóansøku at vinna á Rádna úr Fuglafirði. Kappróðrarfelagið NSÍ hevur verið í tungum sjógvi. Tí var fagn­ að­urin stórur í gulu leguni miku­ kvøldið. Sølmundur vann gull, í barnaróðrinum vann Tjaldrið silvur í kappingini fyri dreingir, og í barnakappingini fyri gentur vann Spógvin bronsumerkini. At tað leygardagin og aftur miku­kvøldið eydnaðist Sølmundi at basa Rádna úr Fuglafirði er úrslit av miðvísari ætlan og stórari íløgu. Ingibjørg Thomsen er báts­for­ maður á Sølmundi, og hon greiðir soleiðis frá: -Vit hava kappast ímóti teimum í Fuglafirði síðani 2015. Tað árið róðu vit við 5-mannafarinum Ritu­ni í Norðdepli-Hvannasundi, og tær í Fuglafirði vunnu FM við Erlu Kongsdóttir. Í fjør vóru vit við Sølmundi, og tá vann Rádni allar róðrarnar og harvið FM í kapp­ingini millum 6-mannaførini. Hóast mótstøðan var stór, so góvu vit ikki skarvin yvir. Tað vóru sjey ímóti sjey, vit hava vant miðvíst fram móti hesum kappingarárinum, og nú eru vit sjálv­andi ovurfegnar um, at tað er eydnast at vinna tveir róðrar. Vit fara at gera okkara ítasta í Fuglafirði leygardagin, og vit ætla at vinna, men tað ætla tær á Rádna sjálv­andi eisini í heimasjógvi, sigur Ingi­bjørg Thomsen. Manningin á Sølmundi ferðast úr ymsum herashornum á Glyvrar at venja. Tvær koyra úr Havnini, tvær úr Klaksvík og ein av Viðar­ eiði, ein býr í Lamba og ein í Runa­ vík. -Í fjør vóru vit rættiliga trilvandi. Vit hava fingið framúr nógva hjálp og vegleiðing í felagnum, har umstøðurnar eru sera góðar at venja og fyrireika, og ikki minst sinniligi stuðulin hevur verið kær­ komin, sigur bátsformaðurin. Ingibjørg Thomsen er ættað úr Sand­vík. Í 2003 og 2004 róði hon við Huldu og Firvaldi. Undir lestri í Aberdeen róði hon tvey ár, og nú er hon bátsformaður á Sølmundi. Onkrar hava róð vit Bliki, umframt at tær í fyrraárið róðu við Rituni. -Felags fyri okkum er, at vit hava ikki vunnið nakað serligt. Tá ið vit leygardagin vunnu á jóansøku, søgdu tvær, at hetta var fyrstu ferð yvirhøvur, at tær høvdu verið við til at vinna, greiðir bátsformaðurin frá. Bátsformaðurin endaði á landssjúkrahúsinum Tað var stórur spenningur undir róðri­num og øgiligur dramatikkur, tá ið 10-mannaførini vóru komin á mál.