mánadagur 3. juli 2017síða 23

23 Mánadagur 6. januar 2014 · Nr. 2 Sosialurin Mánadagur 3. juli 2017 · Nr. 76 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Terji sigur sína hugsan... Tróndur Arge Í fjør legði HB til brots við enda­málinum at byggja upp av nýggjum. Tað rak ikki til Ev­ropa fótbólt og HB byrjaði aftur av nýggjum í ár. Nú skul­du útlendskir profilar fáa HB aftur á toppin, og slóða fyri teimum ungum. Inn komu Daniel “Elly” Peder­sen, Aleksandar Stan­ kov og navnframi Martin Berg­vold, sum hevur eina for­tíð í Livorno í Seriu A í Italia. Daniel “Elly” Pedersen bleiv nakað skaddur og fór heim aftur til Frem BK, uttan at hava víst nakað serligt. Nú ljóðar, at HB eisini vil sleppa av við Martin Berg­ vold. Hann hevur ikki sligið til og er, sum skilst, ein dýrur drong­ur fyri felagið. Hann hevur spælt 760 minuttir av 1260 møguligum, og hev­ur ikki beinleiðis verið vána­lig­ ur, men tað verður væntað meiri av honum enn einum van­ligum spælara. Í mun til hansara yrkis­ leið og CV, so hevur HB als ikki fingið nógv aftur fyri peng­ar­nar. Martin Bergvold er í løtuni í Danmark, og tað er nakað í bendir á, at HB ikki ynskir at fáa hann aftur. Sigfríður vil einki siga Venjarin hjá HB, Sigfríður S. Clementsen, vil ikki bein­ leið­is gera viðmerkingar um støðu­na viðvíkjandi Martin Berg­vold, men vil tó siga, at tað eru profilar, sum ikki hava sligið til. -Vit settu okkum ein mál­ set­ingin í ár. Vit skuldu men­ na spælarar og klára Evropa. Vit skuldu hava tríggjar pro­filar, sum so kundu bera tríggj­ar ungar spælarar. Tveir av útlendignum hava ikki sligið til og úrslitið er, at vit eru eitt stig verri enn í fjør, sigur Sigfríður S. Clementsen, venjari hjá HB. Spurdur um Martin Berg­ vold beinleiðis hevur verið eitt flopp, so hevur venjarin hjá HB ikki hug at fyrihalda seg til sterku orðingina. - Vit hava ikki fingið tað burtur­úr profilunum, sum vit høvdu væntað. Tað er ikki soleiðis at teir ikki hvør sær hava roynt, men tað hev­ur ikki riggað samlað. Martin Bergvold hevur spælt eitt sindur og byrjaði mill­um annað inn við Stórá seinast, sigur Sigfríður S. Clement­ sen, ið heldur ikki vil vátta, at HB vil av við danska mið­ vall­aran. -Tað er ein spurningur til leiðsluna, so eg fái ikki sagt meir, sigur venjarin hjá HB. Hvat so nú? Kappingarárið byrjaði við, at HB hevði tilgongd av trimum pro­filum úr donskum fót­ ból­ti, umframt spælarum sum Heðin Hansen, Símun Samuel­sen, Levi Hanssen og Sebastian Pingel, men á stiga­talvuni er einki broytt, tí liðið lá eisini nummar seks, tá farið var í summarferiu í fjør. Tá við einum stigi fleiri enn í ár. Skal HB koma í Evropa, so skal liðið í minsta lagi blíva nummar fýra, og kanska nummar trý, um steypa­vinn­arin endar á fjórða plássi. - Á pappírinum var hetta ein góð ætlan, men vit hava ikki verið dugnaligir nokk. Vit eru upp í móti sterkum lið­num. Lið, sum hava spælt saman í fleiri ár. Fyrr vóru tað trý lið, sum kundu vinna. So­leiðis er ikki longur, sigur Sig­fríður S. Clementsen. Havnar Bóltfelag hevur fram­vegis eitt mál um røkka Ev­ropa fótbólti, men spurn­ ing­urin er um tað ber til uttan stryk. Felagið hevur eisini latið Heðin Hansen aft­ ur til Víking, meðan Daniel “Elly” Pedersen og nú møgu­ liga Martin Bergvold gevast í felagnum. -Fyri at kunna kappast við hini toppliðini mugu vit eisini hava styrk, men loys­ir tað trupulleikan í longd­ini, spyr Sigfríður S. Clement­sen. - Fyri at kunna keypa skila­gott mugu vit hava eitt skila­gott lið. Ting taka tíð og tað ger hetta eisini. Vit mugu verða realistiskir, tó at vit ikki hava møtt nøkrum liði, sum hevur verið nógv betri vit. HB skal hyggja inneftir, og so mugu vit rykkja tættari saman, sigur venjarin hjá HB. Hann kann gleðast um, at Aleksandar Stankov helst heldur fram í felagnum. Tað ljóðar, at hann er í holt við at gera nýggjan sáttmála og øll loyvir upp á pláss. -Ætlanin er at Aleksandar Stankov heldur fram, sigur Sigfríður S. Clementsen, men vil ikki siga meir. HB hevur eisini fingið tilgongd av Øssuri Dalbúð, sum var toppskjútti í fjør. HB aftur í skiftistíð Stóri kritikkurin av HB hevur verið, at felagið hevur skifta venjara, sum onnur skifta hosur. Felagið hevur eisini lagt nýggja ætlan javnan, men ongantíð hevur tað eydnast at fáa sett fleiri ungar spælarar við. HB er nú aftur á startlinjuni. Tað er langt upp til hini fýra stóru, meðan suðuroyingar hava yvir­hál­ að á stigatalvuni. HB kann nú vejla at keypa spæl­arar inn og vóna, at liðið klárar Ev­ropa, ella bara geva teim­ um ungu kjansin. trondur@sosialurin.fo Oyggjaleikirnir 2017 eru farnar aftur um bak, og Føroyar stóðu seg sum heild ómetaliga væl. Vit endaðu samanlagt næstovast á heiðursmerkjalistanum, og føroyingar vunnu heiðursmerkir í allarflestu kappingargreinum, sum vit tóku lut í. Men tá ið vit líta aftur um bak, so kunnu vit eisini staðfesta, at tað eru ítróttargreinar, har vit ikki stóðu okkum so væl, og tí kann man eisini hóskandi eftirmeta, hvat kann gerast betri, ella hvussu man skal koma víðari innan hesar ítróttargreinar. Eg havi hug at nevna tvær ítróttargreinar í hesum sambandi, og tað eru tennis og golf. Gamaní var úrslitið í tennis betri, enn tað nakrantíð hevur verið áður, men er tað gott nokk? Vit høvdu tveir tennisleikarar við í Gotlandi – annar ein royndur føroyingur og hin ein hálvur føroyingur, sumer búsitandi í Danmark. Serliga hesin seinni stóð seg væl í Gotlandi. Tað er einki at ivast í, at hesir hava gjørt sítt besta, og tað sama er galdandi fyri íðkararnir í golf. Ein av føroysku golfleikarunum, Ragnar Isaksen, stóð seg væl og endaði á leið mitt á úrslitalistanum, meðan hinir tríggir allir endaðu heilt niðarlaga á listanum. Ein føroysk kvinna, búsitandi í SuðurAfrika, var eisini við, og hon endaði eisini í niðara enda á listanum. Her skal ikki sigast nakað um avrikini hjá ítróttarfólkunum, men spurningurin er, hvat vit vilja við hesum ítróttargreinunum? Hvørki tennis ella golf hava havt líkinda umstøður at venja ella kappast í nakrantíð, men framvegis velja vit at senda fólk til oyggjaleikirnar at kappast í hesum ítróttargreinum. Er tað rætt? Skulu vit ikki seta sum krav, at tær ítróttargreinar, sum føroyingar taka lut í, hava líka umstøður her heima, so at okkara íðkarar eru væl fyri at kappast. Tí eigur tað at vera eitt krav, at bæði tennis og golf fáa hóskandi umstøður her heima, um tær framhaldandi skulu hava føroysk umboð á oyggjaleikunum. Tað nyttar ikki bara at tosa um, at vit skulu gera ein golfvøll til, at vit skulu hava oyggjaleikirnar um kanska eini 10 ár. Skulu okkara golfleikarar so bara venja undir verandi umstøðum fram til tað og so framvegis enda niðri í botni, og skulu okkara tennisleikarar framvegis spæla á gomlu vøllunum við ovara vøll í Gundadali, har ongar ábøtur eru gjørdar í nógv harrans ár. Vit noyðast sum ítróttartjóð og oyggjaleikaluttakari gera av, um vit vilja raðfesta ella niðurleggja hesar ítróttargreinar í oyggjaleikahøpi, tí annars gevur tað ikki meining. Skulu vit raðfesta ella niðurleggja? HB VIL AV VIÐ MARTIN BERGVOLD Hann kom til Føroyar við kanska sterkasta CV’num, sum nakar spælari í føroyskum fótbólti hevur havt, men nógv bendir á, at Martin Bergvold er í holt við at blíva eitt stórt flopp, tí HB ynskir at sleppa av við hann