týsdagur 4. juli 2017síða 10

Mikudagur 5. juli 2017 · Nr. 77 10 Sosialurin Hugskot og viðmerkingar – send sms til 225000 Nú mangt bendir á, at ein nýggj fiskivinnuskipan verður samtykt, ávarar Føroya Fiskimannafelag enn einaferð staðiliga ímóti sølu av arbeiðsplássum og at strika skipanina við veiðiloyvum POLITIKKUR Vilmund Jacobsen Í Føroya Fiskimannafelag er stórt órógv, nú alt bendir á, at fiskivinnuskipanin, sum lands­stýrið hevur arbeitt við, fer at verða samtykt á Før­oya løgtingi ein av kom­ andi døgunum. Umframt at felagið al­ ment hevur lagt fram sítt boð upp á eina nýggja fiski­ vinnu­skipan, hevur felagið eisini staðiliga ávarað ímóti at samtykkja fyriliggjandi upp­skot landsstýrisins. - Vit meta, at okkara upp­ skot leggur grundarlag fyri fleksibl­um og støðugum karm­um, og uppskotið legg­ ur eisini upp til, at fiski­ skap­urin verður bæði lív­ frøði­liga, búskaparliga og sam­felagsliga burðardyggur. Fiskiríki­dømið skal verða á før­oyskum hondum, og tað skal vera ogn hjá landinum. Vit leggja upp til, at eingin kapitali­sering verður av fiski­loyvum, fiskiloyvini skulu verða marknaðarstýrd – og tey skulu ikki savnast á ov fáum hondum. Felagið vísir á, at landið skal fáa sín hóskandi part av tilfeingisrentuni – og at fiskiloyvini skulu latast teim­um, sum kunnu skapa størst møguliga virðisøking. - Vit hava eisini gjørt eitt modell um, hvussu til­feingi­s­ rentan skal verða roknað út og goldin. Í tilgongdini við nýggjari fiski­vinnuskipan, hevur Før­oya Fiskimannafelag ser­ stak­liga ávarað ímóti upp­ boðs­sølu av fiski­rætt­indum, og felagið hevur ávar­að ímóti at strika skipanina við veiði­loyvum. - Vit hava víst á, at bert trý pro­sent av fiskirættindunum kring heimin verða út­lut­aði við uppboðssølu, og í onkr­ um londum eru tey farin burtur aftur frá upp­boðs­ sølu­háttinum, har hesin hevur verið royndur. Selja arbeiðsplássini Felagið vísir á, at meira enn 90 prosent av fiski­rætt­ indunum kring heimin verða út­lutaði, sum ein lutfalsligur part­ur av TAC, grundað á søgu­lig tøl. - Í okkara fiskivinnu er tað gald­andi, at manningin eigur í miðal nakað oman fyri ein trið­ing av søluvirðinum og hev­ur við frábýtisrætti ræðið yvir, hvussu hesin parturin av veiðini skal seljast. Tað eru tí í veruleikanum arbeiðs­ pláss­ini hjá føroyskum fiski­ monnum, sum fara á upp­ boðs­sølu, tá fiskirættindi verða kravd á uppboðssølu. Í Føroya Fiskimannafelag eru tey sannførd um, at tað eru støðugir karmar, for­út­ sigilig­heit – tað væntaða – og sterkur brúksrættur, sum elva til eina gróðrarríka fiski­ vinnu, sum kann skapa stóra virðis­øking og menning. - Hetta er eisini tað, sum búskaparligar teoriir og hundraðtals ára royndir hava víst. Uppboðssøla av fiski­rættindum mótvirkar hes­um, meðan sterkur brúks­rættur eftir okkara tykki stuðlar uppundir eina slíka gongd – uttan at fiski­rættindi gerast ogn hjá privat­um. Strámannavirksemi Stjórnin í fiski­manna­ felagnum vísir á, at upp­ boðs­søla og strikað krav um veiðiloyvi fara at hava við sær strámannavirksemi – og at ræðið á føroyskum fiski­ rættindum reelt enda á út­ lendskum hondum. - Hetta fer eftir okkara tykki at elva til stutt­tíðar­ hugs­an, sum ikki elvir til virðis­øking, menning og at leggja seg eftir burðardygd og uppbyggjan av føroyskari mat­vøruframleiðslu. Hetta fer at føra til leigan av skip­ um heldur enn bygging – við verri umstøðum fyri mann­ ing­ina. Trýst verður lagt á hýr­urnar, og væntandi er, at vit fara at síggja fleiri skip við útlendskari manning. Føroya Fiski­manna­felag heldur, at sterk­ur brúks­rætt­ ur av fiski­rætt­indum stuðlar upp undir eina fiskivinnu, sum reelt er á føroyskum hond­um. - Ein slík skipan gevur møgu­leikar fyri støðugum og vælløntum størvum á sjón­um – og einari fiski­skipa­ vinnu, sum skapar stóra virðis­øking og menning í øll­um liðum og gevur stórt av­kast til samfelagið. Ein slík skipan stuðlar upp und­ ir víðari menning av Føroy­ um sum fiskivinnutjóð og gevur størst møguligt skatta­ grundarlag. Hví kollvelting? Í Føroya Fiskimannafelag seta tey sær spurningin, hvat tað í veruleikanum er, sum ger, at vit nú partú skulu hava eina kollvelting og niðurbróting av eini fiski­ vinnumentan og fiski­vinnu­ skip­an, sum hevur roynst væl, og sum hevur skapt so stór­an virðisvøkstur, høgar inn­tøkur til manningarnar, nógv arbeiðspláss og góðar møgu­leikar hjá ungum fólki á koma á arbeiðsmarknaðin. - Hvat er tað, sum ger, at politiski meirilutin held­ur vil, at ótryggleiki skal valda og lata upp fyri strá­manna­ virk­semi? Í fiskimannafelagnum siga tey tó ikki, at verandi fiski­vinnuskipan ikki treing­ ir til ábøtur. Hetta er eisini or­søkin til, at felagið al­ment hevur lagt fram upp­skot til eina nýggja fiski­vinnu­skip­ an. - Men, vegurin fram er av­gjørt ikki uppboðssøla av fiskirættindum og at strika veiðiloyvi hjá verandi aktør­ um, eru tey í Føroya Fiski­ mannafelag samd um. SANNLEIKANS STUND FYRI FØROYSKA FISKIMANNIN - Skipanin, sum landsstýrið leggur upp til, fer at føra til leigan av skipum heldur enn bygging – við verri umstøðum fyri manningina. Trýst verður eisini lagt á hýrurnar, og væntandi er, at vit fara at síggja fleiri skip við útlendskari manning, sigur Føroya Fiskimannafelag