týsdagur 4. juli 2017síða 9

9 Sosialurin Hugskot og viðmerkingar – send sms til 225000 Mikudagur 5. juli 2017 · Nr. 77 POLITIKKUR Malan Ludvig í Havn gong­ur við fjórða barni sín­um, og er nú í 24. viku í viðgongutíðini. Eisini hon hevur verið ávirkað av kreppuni á føðideildini. Tá hon skuldi til fyrstu við­taluna hjá ljósmóður, varð hon uppringd ein hálv­an tíma áðrenn við­ talu­na, og fekk tá at vita, at ljósmóðurin var sjúk, men at hon fekk tíð hjá eini aðrari ljósmóður, sum var avloysari. Til ta við­ talu­na fekk Malan Ludvig at vita at næstu ferð fekk sína egnu ljósmóður. Soleiðis var ikki, tí næstu ferð Malan Ludvig hevði tíð hjá ljósmóður síni, sum var á leið hálvan juni, varð Malan aftur upp­ringd, og fekk tá at vita, at ljósmóðurin varð sjúkra­meldað, og tíðin hon hevði avlýst. Hon fekk so eina nýggja tíð 27. juni.  Síðani varð Malan Lud­vig aftur uppringd, tí við­tala hennara við ljós­ móð­ur, sum skuldi vera 27. juni, varð avlýst. Hon hevur tí bert verið til við­ talu hjá ljósmóður eina ferð í viðgongutíðini.  Hon greiðir frá, at umframt viðtalur hjá ljós­móður skulu barna­ kon­ur tríggjar ferðir til kommunulækna at kann­ ast. Hon skal til lækna fyri aðru ferð hesa vikuna. Hon hevur fingið at vita, tá tíðin hjá ljósmóður hennara varð avlýst, at hon kundu biða um eina eyka tíð hjá lækna, av tí at hon ikki hevur verið kannað hjá ljósmóður so ofta, sum hon hevur rætt til.  Malan Ludvig, sum gong­ur við fjórða barni sínum, hevur ongan­ tíð áður roynt at veri í eini støðu, har hon ikki sleppur fram­at til ljós­ móður í við­gongu­tíð­ini. Hon vísur á, at tað er nógv­ur ótryggleiki tengd­ ur at støðuni. - Vit eru fleiri barna­ konur, sum eru nervøs­ar um støðuna og frustr­ er­að­ar yvir, at vit ikki sleppa framat. Tað er ein ótrygg­leiki sum fylgir við, og man hugsar um, hvussu tað fer at verða um okkurt gongur galið. Barnakonurnar merkja ruðuleikan - Vit sleppa ikki framat Kreppan á føðideildini á Landssjúkrahúsinum stend­ ur við og versnar. 71 prosent av ljósmøðrunum, ið eru føst­um starvi ella eru fastir av­loysarar, eru í løtuni lang­ tíð­ar sjúkrameldaðar ella hava sagt seg úr starvi. Tað upplýsir Rannvá Simon­sen, næstforkvinna í Ljós­møðra­ felag Føroya. - Seytjan ljósmøður eru í føstum starvi á deild­ ini, meðan fýra ljós­møð­ur virka sum fastir av­loys­ ar­ar. Av teimum seytj­an ljósmøðrunum í føst­um starvi eru fjúrtan lang­tíð­ ar sjúkrameldaðar, með­an ein hevur sagt seg úr star­ vi. Av teimum fýra føstu avloysarunum eru tvær, ið eru langtíðar sjúkra­ meld­aðar, sigur Rannvá Simonsen. Størvini hjá teimum sjúkra­meldaðu ljósmøðru­ num eru í staðin mannað við útlendskum vikarum, með­an leiðslan á Lands­sjúkra­húsi­ num og ljósmøðurnar royna at finna eina semju. Fríggjadagin var felag­ið á fundi við Johnny í Gróti­ num, stjóra á Lands­sjúkra­ húsinum, fyri at finna eina loysn. - Vit hava eina lítla vón um, at málið verður loyst skjótt, tí leiðslan sigur seg arbeiða við tí, men hædd verður ikki tikið fyri hvussu man skapar besta til­boð­ ið til barnakonur í Før­oy­ um, og vit hava fram­veg­is ikki fingið svar upp á hví barnakonuøkið í Før­oyum ikki kann hava ljós­møðra­ leiðslu, sigur Rannvá Simon­ sen. Í síðstu viku sendi felagið eisini ein fyrispurning til Heilsu­málaráðið um at loysa ósemjuna, men enn hevur felag­ið hvørki fingið svar upp á kæruna, ið bleiv send ráð­num í apríl, ella upp á nýggja fyrispurningin. Lovar batar - Tað hava verið ov fáar ljósmøður til arbeiðis vegna sjúkra­meldingar, og tað hava vit verið noydd at loyst. Vit hava fingið ov fáar vikarar frá danska vikarstovninum, men frá mikudegnum av sær tað betri út. Tá fáa vit vænt­andi nokk vikarar til at dekka bæði viðtalur, føð­ing­ ar og annað, sigur Johnny í Grótinum, ið vísir á, at nakr­ar viðtalur hava verið av­lýstar vegna manglandi starvs­fólk. - Tað hevur verið neyðugt at avlýsa nakrar viðtalur síðs­tu tvær vikurnar, men tað kemur í rættlag nú vit fáa fleiri vikarar. Johnny í Grótinum, sjúkra­hússtjóri, upplýsir eisini, at samband er mill­ um stríðandi partarnar, og at leiðslan seinni í viku­ni væntandi setir seg í sam­ band við ljósmøðurnar um støðuna á deildini. - Vit fara melda út hvørj­ ar tillagingar vit eru klár at gera í skipanini, sigur John­ ny í Grótinum og leggur aftur­at, at leiðslubygnaðurin møgu­liga kann broytast. - Ljósmøðurnar ynsktu at hava ein part av leiðsluni av barsilsøkinum. Tað eru vit sinnað at hyggja upp á, og hava verið í samskifti við sjúkra­røktarfrøðingarnar, ið eisini eru sinnaðar at hyggja at tí. Harumframt verður hugt eftir, um vit kunna veita ljósmøðrunum betri hølis­um­støður. Stríðið á føðideildini heldur fram: - 71% AV LJÓS­ MØÐRU­NUM SJÚKRA­MELDAÐAR ELLA FARNAR FRÁ