týsdagur 11. juli 2017síða 15

15 Sosialurin Mikudagur 12. juli 2017 · Nr. 80 Barna­tiltakið á G! Aftur í ár eru stórar upplivingar til tey smáu á G! Her fært tú ein stuttan samandrátt. Barnatiltakið verður 15. juli 2017 frá kl. 12.00 til 16.00. Og í ár fara vit at stuttleika okkum við nógvum sangi, undirhaldi, skemti og søgu, har børnini sleppa at verða ein partur av søguni. Framførslur verða á pallinum, ponnyríðing, og sjálvandi fara vit at hugna okkum á sandinum, har nógv fólk eru at taka ímóti børnunum. Vit fara at gera eina sandkapping fyri familjur, og onnur spøl. Ein hevur ikki verið á G! uttan at fáa sand millum bibburnar :-) Ponnyríðingin verður fríggjadagin frá 16.00- 19.00 og leygardagin frá 14.00-18.00. Á SPÆLIPLÁSSINUM verður skráin hendan: kl. 12.30: The Kii to Cosplay fara at framføra SANGIR ÚR FROZEN. kl. 13.00: FAMILJUSHOW við Angelu og Hannibal. Klovnurin Hannibal og Angela skemta. kl. 14.00: SANGLØTA við Guðruni Sólju Jacobsen, har børnini kunnu syngja við. kl. 15.00: Jensina Olsen undirheldur við SKEMTI OG SANGI. Í NEYSTINUM verður CAFÉSJÓNLEIKUR klokkan 15.30 við Vivian Sjóðklett. Vivian fortelur ævintýr og brúkar børnini sum leikarar. Hetta verður fínt høvi hjá øllum børnum, sum elska at royna seg á palli. Á SANDINUM, frá kl. 12.00-16.00, verður sandkapping fyri familjur, andlitsmáling og børnini kunnu skapa sítt egna listaverk úr goggum og øðrum lutum, sum tey finna á sandinum. Eisini verða spøl, spakar, spannir og ymiskt annað. Nógv fólk eru á sandinum, sum gleða seg til at hugna sær saman við børnunum. Samskipari í ár er Angela Petersen.