fríggjadagur 15. oktober 2004síða 14

26 Nr. 197 - 15. oktober 2004 Nr. 197 - 15. oktober 2004 27 C M Y K 27 26 TÍÐINDASKRIV frá Havnar Bóltfelag Á almennari móttøku, sum verður í Norðurlandahúsin- um sunnudagin 17. oktober frá kl 16-20 í samband við 100 ára føðingardagin hjá HB, verður nýggja HB- bókin løgd fram. Súni Merkisstein hevur skrivað bókina, sum fevnir um árini 1955 fram til í dag. Í bókini, sum er 466 síður og hevur fleiri enn 500 myndir, harav nógvar lit- myndir, skrivar Súni um stóra framburðin, HB hevur verið fyri seinastu 50 árini. Portrett eru av fleiri enn 60 leikarum, og nógv úrslit frá øllum deildum eru sett upp í talvur. Annars er bókin í høvuðsheitum ein krono- logisk gjøgnumgongd býtt á 10 ára skeið, sum viðgerð vøksturin og framburðin hjá HB. Sum vera man er 1. deildarliðið hjá monnum væl umrøtt í bókini. Fyrru HB-bókina, sum fevndi um tey fyrstu 50 árini árini frá 1904-1954, skrivaði Jógvan Arge, tá HB fylti 90 ár. Súni og Jógvan fara á móttøkuni at siga nøkur orð um søguna hjá HB, og spennandi verður at hoyra, um Súna hevur eydnast at fáa tey feskastu úrslitini frá í ár við. Høvi verður at ogna sær bøkurnar á móttøkuni. Eins og við fyrru bókini hevur Marni Mortensen verið høvundunum ein hollur stuðul við at útvega myndir og hagtøl. Team 85 hevur staðið fyri umbróting og repro. Bókin er prentað í Danmark. Høvi at heilsa HB Í Norðurlandahúsinum verður eisini høvi til at ynskja HB tillukku við degnum. Eftir heilsanirnar og møguligar gávuhandanir fer filmsapparatið í gongd við filmsbrotum frá byrjan- ini av 80’árunum og fram til í dag. Handaðar verða eisini heiðursnálir til leikarar, sum í ár hava leikt fleiri enn 100 dystir, og HB-Stuðlar fara at kjósa Ársins leikara. Hesin verður funnin við atkvøðugreiðslu eftir hvønn dyst, har áskoðar- arnir atkvøða. Myndir frá 70’árunum verða at síggja, og kór fer at syngja. Móttøkan í Norðurlanda- húsinum er upphiting til stóru gallaveitsluna, ið verður leygardagin 23. ok- tober í Ítróttarhøllini á Nabb. Roknað verður við fullum húsi. 100 ára tiltøk gjøgnu árið Havnar Bóltfelag hevur gjøgnum árið hátíðarhildið 100 ára føðingardagin við ymiskum tiltøkum. Nevn- ast kunnu nýggja HB-fløg- an, nýggja HB-bókin og nýggja búmerki. Stórur fótbólts- og stuttleikadagur var fyrr í summar fyri yngru limirnar, og mynda- framsýning hevur verið í SMS. Í HB-Rásini, sum hevur verið hvønn fríggja- dag frá kl 17-18 á Rás 2, hevur eisini verið gjørt nógv burtur úr 100-ára degnum. Harumframt hava HB-Stuðlar skipað fyri stórari lutaseðlasølu. Nýggja HB-bókin løgd fram sunnudagin Á almennari móttøku, sum verður í Norðurlandahúsinum sunnudagin 17. oktober frá kl 16-20 í samband við 100 ára føðingardagin hjá HB, verður nýggja HB-bókin løgd fram Savnsmynd TÍÐINDASKRIV Vælumtókti serfrøðingurin Dr. Atle Dyregrov verður aftur á klettunum 4. no- vember, har hann fer at hava eitt kombinera skeið um: 1. Tilbúgvingarætlanir í skúlum og á stovnum 2. At hjálpa børnum í bólk- um, ið hava verið fyri traumatiskari hending Dr. Atle Dyregrov helt skeið í Føroyum í mars mánaða og eftirmetingar- nar góvu honum topp- karakter. Hann verður roknaður sum ein av heim- sins fremstu serfrøðingum innan hetta øki. Skeiðið verður á Hotel Føroyum 4. november frá kl. 08.00 - 15.30. Tilmeldingarfreistin er 21. oktober. Skeiðið er deilt upp í tveir partar: 1. Tilbúgvingarætlanir: • Hvør ger hvat? • Hvat eigur at verða gjørt? • Av hvørjum og nær? • Kreppuleiðsla • Samstarv í kreppustøðu 2. Nýtsla av skipaðum bólkum tíðliga aftaná kreppuuppliving • Hví brúka bólkar? • Hvussu skipa og struk- turera vit sorgbólkar fyri børn • Nýtsla av bólkum fyri børn ið hava verið fyri traumatiskari hending Í sambandi við gerð av sorgtilbúgvingarætlan í skúlum, kann nevnast, at fleiri skúlar í m.a. norðan- londum hava fingið veg- leiðing frá og nýtt bøkur /hefti hjá Atle Dyregrov. Atle Dyregrov hevur skriv- að fleiri bøkur, m.a. "Sorg hos barn" , "Små barns sorg" og "Sorg og omsorg i skolen". Tilmelding og fleiri upp- lýsingar á heimasíðuni www.synergi.fo ella á tlf. 227464/225462 millum kl. 13-16 gerandisdagar. Dr. Atle Dyregrov vitjar aftur TÍÐINDASKRIV Árliga Haldor Holm Cup kappingin verður leikt nú um vikuskift í Klaksvík. Við vera 6 teir bestu leik- arnir frá kappingarárinum í fjør: Henrik B. Pedersen, Kristian Suni Høgnesen, Bjarni Skaalum, Ólavur Kjølbro, Sonhard Johanne- sen og Max Rasmussen. Lagt er upp til sera stóran spenning, tí ongi avboð eru í ár. Í fjør gjørdu klaks- víkingarnir Kristian Suni, Ólavur og Sonhard bart við at fara avstað við øllum heiðursmerkjaplássunum í nevndu røð, men hetta verður neyvan úrslitið í ár. Henrik, sum í 90’unum vann kappingina ikki færri enn 6 ár á rað er nú við aftur fyri fyrstu ferð í 5 ár. Lítið man eisini vera at ivast í, at hann ætlar sær at vinna sær enn eitt pláss á stóra og snotuliga Haldor Holm steypinum. Bjarni Skaalum, sum í vár var sera nær við at koppa Henrik í semifinaluni og Max, sum í 2001 var føroyameistari, kunnu eisini saktans við einum sindri av hepni vinna kappingina. Luftin er tó ikki farin úr dynamisku trio’ini úr Klaksvíkar Billardfelag, sum trý ár á rað hevur vunnið FM í lið- kappingini. Um zmetast skal um nakran favoritt, so man før- oyameistarin fyri einstak- lingar Henrik B. Pedersen nevnast saman við 2’aranum frá í vár, Kristian Suna Høgnesen. Haldor Holm Cup varð fyrstu ferð leikt í 1989. Í ár, sum øll undanfarin ár, verður kappingin leikt í hølunum hjá Klaksvíkar Klubba. Haldor Holm Cup 2004