mánadagur 17. juli 2017síða 23

23 Mánadagur 6. januar 2014 · Nr. 2 Sosialurin Mánadagur 17. juli 2017 · Nr. 82 Hugskot og viðmerkingar – send sms til 225000 Súkklukappingin Volvo Kring Føroyar byrjar komandi hósdag, og ein av luttakarunum, Torquil Clyde, kemur til Føroya í egnum flogfari Hevur egið flogfar: Pætur Albinus Ferðafólkini koma við skipi ella flog­fari – aloftast ferðafólkaskipum og ferðafólkaflogførum, men so eru tað tey heilt fáu, sum koma í egn­ um fari. Seinni í vikuni kemur ein súkklari til Føroya, sum frá hós­ degn­um av skal luttaka í Volvo Kring Føroyar. Hann kemur av Ork­ ney, og leiðina hendanvegin leggur hann heldur merkisvert í egnum flogfari. Føroyavinur Hann er ein sannur Føroyavinur, súkklarin Torquil Clyde av Ork­ney, sum hevur knýtt vinarbond við føroyingar umvegis súkklu­kapp­ing­ ar á oyggjaleikum og mang­an hevur verið í Føroyum. Tað merkisverda við honum er, at hann sjálvur flýgur hagar hann fer – tað hevur hann gjørt í egnum flog­fari hvørjaferð hann hevur ver­ið í Føroyum, og tað gjørdi hann eisini til oyggjaleikirnar í Gotlandi í summar, har hann í práti við før­oy­ingar gjørdi avtalu um, at hann kemur til Føroya at luttaka í Volvo Kring Føroyar, sum byrjar hós­dag­in. Hann kemur sjálvsagt í egnum flog­fari. Á leiðini lendir hann eisini í Hetlandi, har hann tekur tríggjar hetlendskar súkklarar við sær, sum eisini koma at luttaka í føroysku súkklu­kappingini. Apotekari Torquil Clyde er 50 ára gamal og úr Kirkwall á Orkney, har hann starvast sum apotekari, men sum frí­tíðarítriv hevur hann keypt sær eitt lítið flogfar og tikið neyðugu út­búgvingina til at vera førur fyri at flúgva eitt slíkt. Umframt tað, so er Torquil eisini ein sera góður súkklari. Eisini hev­ ur hann luttikið í triathlon. Honum dám­ar væl at ferðast, og tað ger hann í egnum flogfari. Fyri útivið trimum árum síðani var hann í Føroyum í egnum flog­ fari eftir einari bátsmanning, sum hevði róð úr Skotlandi til Føroya til frama fyri at savna pening til børn rakt av krabbameini. Nú kemur hann higar einaferð enn. Hesaferð hevur hann súkkluna við sær og trý hetlendsk ferðafólk, sum øll fýra fara at luttaka í Volvo Kring Føroyar. Kappingin Volvo Kring Føroyar hevur verið nærum á hvørjum ári síðani kapp­ ingin varð sjósett í 1997. Í ár verður tað 19. ferð, at kappingin verður fyri­skipað. Hon er í ár nakað stytt – úr fimm teinum niður í tríggjar. Pro­logur og einkultstartur eru tikin av skránni, og súkklaðir verða heldur tríggir teinar á landa­vegi. Allir teinarnir byrja og enda uttanfyri hjá P/F Wenzel, og teinarnir, sum eru góðar 350 kilo­ metrar tilsamans, leggja leið­ina framvið eitt nú Eiðisskarð, Vest­ manna og Oyggjarvegin. Tískil kunnu súkklararnir vænta sær nógv­ar brekkur og hæddarmetrar. Ein av fyriskiparunum, Gunnar Dahl-Olsen, sigur, at tey hava eina vón um at 25 súkklarar vera við í ár, men at talið helst endar á umleið 20. Tað var ikki víst, at kappingin fór at verða fyriskipað í ár, men eftir góð úrslit á oyggjaleikunum í Gotlandi fingu tey aftur upp í lag, og nú er kappingin so aftur fyri­ skipað. Fimmfaldaði vinnarin av kapp­ ingini, Torkil Veyhe, er við í ár, og hann er stórfavorittur at vinna. Dávur Magnussen, sum eins og Torkil súkklar í Danmark, verður møgu­liga eisini við, og verður hann í so fall besti avbjóðarin. Eisini eru veteranar sum Guðmundur Joen­ sen og Gunnar Dahl-Olsen við um­framt nýlingurin Jan Hjaltalin Ol­sen. Á kvinnusíðuni verður Birita Poulsen, sum eisini luttók á oyggja­ leik­unum, við. Systirin, Svanna, hevur júst brotið hondina, og verð­ ur hon tískil neyvan við, men hin­ vegin liggur í kortunum at Karina Ottosen, Annlisa Jútsdóttir Møss, Elsa Berg og Súsanna Skylv vera við. Fyrireikararnir bíða í løtuni eftir endaligari góðkenning frá løg­ regluni, so enn eru teinarnir ikki al­ manna­kunngjørdir. Fyrsti teinur byrjar hóskvøldið kl.18.00, og tilber at fylgja gongdini í kappingini á in.fo. albinus@sosialurin.fo FLÝGUR TIL FØROYA AT SÚKKLA Torquil Clyde við flogfari sínum á Jersey í 2015