hósdagur 20. juli 2017síða 28

FRÍGGJADAGUR 21. JULI 2017 SOSIALURIN 84 28 NÓGVIR ÁSKOÐARAR Víkingur hevur spælt somikið nógvar steypafinalur á Tórsvølli, at tað næstan er sum ein heimavøllur fyri teir. Soleiðis kendist tað veruliga eisini til dystin ímóti FH, har tað vóru heili 3.034 áskoðarar. Í 80 minuttir var Víkingur ávegis víðari í Champions League, men eitt óneyðugt brotsspark knústi føroyska dreymin og loyvdi íslendska FH víðari púrasta uttan at bergtaka nakran PÆTUR ALBINUS Venjarin hjá Víkingi, Sámal Erik Hentze, hevði undan seinna dystinum ímóti FH á Tórsvølli boðað frá, at útgangsstøðið fór at vera verjukent og at teir æt­laðu sær at lúra eftir um­stilling­ um. Hetta var tó ikki til at síggja fyrstu løtuna, men tað var kanska FH, sum sjálvt átti skuldina av tí. FH- leikar­arnir komu nevniliga ikki serliga væl frá byrjan, og Víkingur slapp í eini tvey ella trý álop fyrstu fimm minuttir­nar. So við og við byrjaði mynstr­ið tó at vísa seg. Vík­ ing­ur hevði ongan skund og ongan serligan hug at varðveita bóltin. Upp­gávur­ nar hjá øllum leikarunum vóru bundnar og púra greiðar, og sum ein stór og væl skapt eind stóð Víkingur væl á vøllinum. Tað var eyðsæð Davíð Þór Viðarsson mitt á mið­vølli­ num hjá FH, sum skuldi býta spælið hjá gestunum, men hvørki hann ella síðumaður hansara á miðvøllinum, Emil Páls­son, vóru vandamiklir. Báðir eru teir væl vaksnir og ikki serliga kvikir, so vík­ing­ ar­nir komu fleiri ferðir upp ímillum spælið hjá teimum. Lennon, Lennon Tann vandamesti og klárt besti leikarin hjá FH var Steven Lennon. Stuttbeinti skotin við góða fótskiftinum hótti fleiri ferðir og dugdi væl at síggja møguleikarnar, og nakrir ferðir var um repp­ ið, at FH fekk tann heilt stóra málmøguleikan. Einans ein onnur kelda var til vandamiklar støður hjá FH. Tað var úr vinstru síðu, har Böðvar Böðvarsson sendi nøkur sera vandamikil innlegg innfyri. Einu ferðina fekk Erling Jacobsen rudd­ að burt í evstu løtu, og eina aðru­ferð var Elias Ras­mus­ sen í Víkinga-málinum sum ein køttur niður at verja fyri einum annars góðum stútara. Víkingur smæddist ikki burt umvegis um­still­ing­ar­ nar. Góði stríðs­hug­burðurin kastaði nøkur mótálop av sær, har Adeshina Lawal var stinnur og kringur at venda sær at skapa støður. Frægasta møguleikan átti Fróði Benjaminsen, sum royndi at skjóta fyrstuferð upp á eitt innlegg frá inn­ skifta Andreasi Lava Olsen, men skotið fór við síðuna av. Hans Jørgen Djurhuus var smásjúkur og mátti lata seg skifta út miðskeiðis í fyrra hálvleiki. Gunnar Vatn­hamar, sum byrjaði á vonginum, fór mitt á mið­ vøllin at spæla. Víkingur helt fast og væl hjálpt av einari væl­ mannaðari (3.034) og mælskari heimfjøld stríddu teir seg til eina málleysa hálvleiksstøðu, sum var væl uppiborin báðar vegir og passaði Víkingi útmerkað. Óneyðugt Gaman í var FH meiri á bólti­num, men tað var einans tí at tað vóru teir, sum skuldu skora, og Vík­ ing­ur hevði ráð at vera í verju­støðu. Tað var ikki týðiligur munur á føroysku og íslendsku leikarunum, men útlendingarnir hjá FH gjørdu týðiligan mun. Kassin Doumbia (Mali) og Steven Lennon (Skottland) vóru greitt bestu leikararnir hjá FH. Doumbia vann eina ørgrynnu av bóltum í verjuni, meðan nærum hvørt einasta álop hjá FH gekk ígjøgnum tann kvika og lívliga Lennon. Tað var eisini góðska í innleggunum hjá FH. Kanska var tað óskilligt, at teir royndu seg við somikið nógv­um innleggum, nú Vík­ ingur eigur luftsterkar mið­ verjar, men tað vísti seg at rigga og skapa órógv. Tað var eisini á henda hátt, at FH kom fram til lykla­støðuna í dystinum. Inn­leggið úr høgru sigldi aftast í Víkinga-brotsteigin, har Kristján Flóki Finn­boga­son var kom­in sær í góða støðu, men varð feldur av Andreasi Lava Olsen. Eftir eitt sindur av aftur og fram og roki á vølli­ num, valdi dómarin eisini at vísa Andreasi tað reyða kortið. Tað vóru víkingarnir ikki samdir við finska dómara­num í, men Steven Lenn­on setti brotssparkið í málið, og so var 1-0 til FH. Als ikki ein óuppiborin leiðsla, men ein ótrúliga óneyðug­ur og beiskur máti hjá Víkingi at koma aftuúr uppá. Drama Víkingur hevði brúkt tað mesta av krútinum upp á at verja og at stríða seg úr vandastøðum, so við ein­ um manni í undirtali og av­markaðari orku var tað ikki nógv, ið Vík­ingur fekk gjørt fyri at venda støðuni. S e i n a s t a løtan var óskipað og rótut, og tá ið komið var inn í tíð­ina, sum dómarin legði aftur­at, staðfesti FH sigurin. Þórar­ inn Ingi Valdimarsson fekk ein bólt sendan inn um verjuna, og einsamallur við mál­verjanum sendi hann bóltin í netið til endaliga úrs­lit­ið, 2-0 til FH. Hetta var ein knappligur og óheppin endi upp á Champions League-ævin­ týrið hjá Víkingi, sum eftir dystin vísti sína misnøgd við avrikið hjá dómaranum. Atburð­urin var ikki góður hjá leikarunum, sum skilj­andi vóru vón­brot­n­ir, men vóru heldur á­gang­andi ímóti finska dóm­ar­an­um, at hann mátti umringast av vaktum. Helst skal Víkingur vera nøgt við, at einans Sor­in Anghel fekk reyða kortið eftir dystarlok. Ein dramatiskur endi á eitt annars frálíkt ævintýr í Champions League. ALBINUS@SOSIALURIN.FO Fótbóltur Dysturin hesa vikuna... Víkingur reyk úr Champions League ÆVINTÝRIÐ FEKK EIN KEÐILIGAN ENDA