mánadagur 31. juli 2017síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 31. juli 2017 · Nr. 87 EITURKOPPABIT Brandur Mortensen Nolsøe Giftið, ið ein eiturkoppur ber, er bara so sterkt, sum eiturkoppinum tørv­ar til sína veiðu av smádýrum. Av tí at eiturkopparnir í Føroyum eru lutfalsliga smáir, er giftið eisini har­eftir. Jens-Kjeld Jensen, fugla­frøð­ ing­ur, sigur við Sosialin, at eitt nú fugla­eiturkoppurin etur stór dýr, men framvegis er bitið hjá honum ikki lívshættisligt. Verður tú bitin av einum slíkum gerst tú illa fyri, og kroppurin kann hovna upp, men tað snýr seg bara um at reinsa giftið úr kroppinum. Letur tú standa til ov leingi, gerst støðan tó sjálvandi vanda­mikil. Teir flestu av hesum stóru eiturkoppunum halda til í Australia. Ein hin kendasti eiturkoppurin, sum nevnist svarta einkjan, hev­ur sterkari gift enn teir flestu, hó­ast hon er minni í vavi enn fugla­eit­ ur­koppurin. Svarta einkjan er illa git­in, men sigur Jens-Kjeld Jensen, eini 50 ár eru liðin, síðani nakar doyði av henni. Veruligi vandin er, at fólk kunnu vera ovurviðkvæmin, og tá kann kroppurin taka illa ímóti gift­ini, so støðan kann gerast lívs­hættislig. Fingu óynsktan gest Í hesum globaliseraðu døgunum er tó vandi fyri, at fremmand flog­ kykt og onnur dýr av óvart koma til Føroya. Eitt nú munnu mong minnast, tá vespan óboðin kom til Føroya. Í fjør vóru eisini risa­stór átta­beint loyniferðafólk við, tá ein bilur kom heim aftur til Før­ oya, eftir at hava verið í Ungarn. Tal­an var um tveir risastórar eit­ ur­koppar, sum vanliga ikki eru at síggja í Norð­urlondum. Sambært heima­síð­uni hjá Jens-Kjeld Jensen vórðu eit­ur­kopparnir eyðmerktir at vera av slagnum Larinioides ixobulus. Hetta slagið av eiturkoppi finst í Týsk­landi, Eysturevropa og í Asia. – Hesir vóru teir størstu eit­ur­ kopp­arnir, eg nakrantíð havi sæð í Før­oyum. Men tað er ikki óvanligt, at teir enda her í Føroyum, tí vit inn­flyta eitt nú nógva frukt úr øll­um herðashornum í heiminum, sig­ur Jens-Kjeld Jensen. Í Føroyum vita vit um 112 sløg av eiturkoppum. Hóast allir eiturkoppar eru giftigir, er vert at minnast til, at eiturkopparnir í Føroyum eru so smáir, at teir megna ikki at bíta ígjøgnum menniskjahúð. Kelda: www.jenskjeld.info URKOPPI ALLIR EITURKOPPAR ERU GIFTIGIR Eiturkopparnir, sum komu við bili úr Ungarn í fjør, eita Larinioides ixobulus. Kelda: www.jenskjeld.info