mánadagur 31. juli 2017síða 13

13 Mánadagur 6. januar 2014 · Nr. 2 Sosialurin Mánadagur 31. juli 2017 · Nr. 87 Hugskot og viðmerkingar – send sms til 225000 STUTT SØGD TÍÐINDI FÓTBÓLTUR Talan verður um føroyinga­ upp­gerð, tá ið steypafinalan í íslendskum fótbólti verður spæld 12. august. Har hittast nevniliga FH við Gunnari Nielsen í hópinum og ÍBV við Jónasi Tór Næs og Kaj Leo í Bartals­stovu í hópinum. Kaj Leo skeyt sigursmálið hjá ÍBV í 2-1-sigrinunum ímóti Stjarn­an í hálvfinaluni, har Jónas Tór Næs eisini spældi allan dystin. Gunnar Nielsen var tó ikki í málinum, tá ið FH vann 1-0 ímóti Leiknir. Orsøkin var, at tummilin hjá hon­um fór úr lið í Champions League- dystinum ímóti Mari­bor, og at hann fyribils má sita uttanfyri. ÍBV og Stjarnan hittust aftur í gjár, hesaferð í lands­ kappingini, og her gjørdist tað til 2-2-javnleik eftir at ÍBV annars var á odda bæði 1-0 og 2-1. Kaj Leo í Bartalsstovu byrjaði inni og legði upp til fyrsta málið, men hann varð útskiftur í 74. minutti. ÍBV er fram­vegis undir niður­striku­ ni, men er tó bara eitt stig aftanfyri Víking Ólafsfjørð. Viljormur Davidsen og Vejle fingu eina dreyma­ byrjan upp á kappingarárið í næstbestu donsku deild­ini, tá ið fyrsti dystur í nýggja kappingarárinum leygar­ dagin bleiv vunnin 3-1 á útivølli ímóti HB Køge. Vilj­ ormur Davidsen, sum spældi allan dystin á vinstra bakk­ ið, legði upp til tey bæði fyrstu málini hjá Vejle, sum Dominic Vinicius og Imed Louati skoraðu. Triðja málið skeyt Rasmus Lauritsen. Við besta málmuninum eftir fyrsta umfar er Vejle fyribils numm­ar eitt í næstbestu donsku deildini. Vanliga er talan um før­ oy­inga­uppgerð, tá ið OB og AC Horsens hittast, men so­leiðis var ikki hesaferð, nú tey bæði liðini hittust í triðja umfari av Superliguni. AC Horsens hevði undan dysti­num vunnið báðar teir fyrstu dystirnar, meðan OB hevði vunnið ein. OB vann dystin 1-0 við einum máli frá Jens Jakob Thomasen í 86. minutti. Jóan Símun Ed­mundsson er júst vorð­ in klárur aftur eftir ein fót­ skaða, og hann varð skiftur inn í 68. minutti. Hallur Hans­son er framvegis skadd­ ur og var tískil ikki við í hópi­ num hjá AC Horsens. Kvinnulandsliðið hjá Danmark vann í gjár púra óvænt­að EM-fjórðings­ finalu­na ímóti Týsklandi. Týsk­land hevur sitið á EM- trón­ini síðani 1995 og hevur vunn­ið EM seinastu seks ferðir­nar, men hóast tær løgdu seg á odda longu í 2. minut­ti ímóti Danmark, so megnaðu tær donsku at svara aftur og skapa sen­ sa­tión­ina. Tað vóru Nadia Na­dim og Therese Nielsen, sum syrgdu fyri at Danmark vann fjórðingsfinaluna 2-1 og fekk koppað Týsklandi av trónini. Danmark er nú í hálvfinaluni, sum verður spæld ímóti Eysturríki hós­ dagin. Javier Hernandez verður nú aftur at síggja í Premier League. Tað er greitt, nú hann hevur gjørt sáttmála við West Ham. Chicharito, sum hann eisini verður nevndur, hevur áður spælt fýra kapp­ ingarár í Manchester United, har hann legði 37 mál eftir seg í 103 dystum, men sein­astu tvey árini hevur meksikanski framherjin spælt í Bundesliguni, har hann við Leverkusen hevur skot­ið 28 mál í 54 dystum. FORMIL 1 Grand Prix-kappkoyring hev­ur verið í Ungarn um viku­skiftið, og har gjørdi Ferrari kvetti. Sebastian Vettel var á odda allan veg­ in og koyrdi fyrstur um mál­strikuna. Argasti kapp­ ingar­neyti hansara, Lewis Hamiltin (Mercedes), bleiv numm­ar fýra, og harvið økti Sebastian Vettel um leiðsluna í samlaðu kapp­ ing­ini upp í 14 stig. Næstur um málstrikuna var hin Ferrari-koyrarin, finski Kimi Raikkon­en. Kevin Magnus­ sen (Haas) bleiv nummar 11, men hann fekk revsing fyri at hava koyrt ein annan av breyt­ini, og bleiv fluttur aftur til nummar 13 og fekk har­við einki stig. Næsta formil 1-kappkoyring verður 27. august. Tá verður koyrt í Belgia. FR. ÍTRÓTT Árliga ólavsøkurenningin, sum Bragdið skipar fyri, varð runnin hóskvøldið. Tal­an var um ein býartein við Skálatrøð, ið var fimm kilo­metrar hjá teimum vaksnu at renna. Fyrstur um málstrikuna var ungi mað­ urin úr Treystinum, Julian Greger­sen, sum hevði tíðina 16:48. Honum á baki komu Hansen-brøðurnir, Andrias og Eirikur, sum ávikavist høvdu tíðirnar 16:53 og 17:15, meðan veteranurin Henry Olsen var beint í hølunum og fekk fjórða plássið við tíð­ini 17:17. Fremsta kvinnan var Rebekka Fulgø, sum rann tíðina 18:36. HONDBÓLTUR Danska U21-landsliðið hjá monn­um fekk silvur í HM- endaspælinum í Algeria, har føroysku U21-menninir blivu nummar 16. Púra óvænt­að vann Danmark ímóti HM- favorittunum úr Frak­landi í hálvfinaluni, og í finalu­ ni var eisini um reppið, at Danmark vann ímóti Spania. Dysturin endaði við 36-36-javnleiki, men í longdu leik­tíð­ini var tað Spania, sum tryggj­aði sær HM-gullið við 39-38-sigri. Danir fingu tveir mans valdar á All Star-lið­ ið í kappingini. Teir vóru Mag­nus Saugstrup og Lasse Møll­er. STYRKI Bjarni Nielsen kann fram­ haldandi kalla seg Føroya sterkasta mann. Tað kann hann eftir at tiltakið Før­oya Sterkasti Maður varð fyri­ skipað uttandura á Konga­ brún­ni ólavsøkudag. Seks luttakarar vóru við, og tá ið avtornaði var Bjarni fremst­ ur, tó í rættiliga harðari kapping við Árna Neshamar. Saml­aða støðan í stigum bleiv hendan: 1. Bjarni Nielsen 30 2. Árni Neshamar 27.5 3. Hans José Poulsen 20.5 4. Oddur Højgaard 20 5. Óli Andresen 14 6. Helgi Lamhauge 12 SÚKKLING Føroyski súkklarin, Torkil Veyhe, luttók í gjár í týsku súkklukappingini Nürn­berg­ Ring. Torkil, sum júst hevur verið heima og vunnið Volvo Kring Føroyar fyri sættu ferð, gjørdist nummar 31 í hesi kappingini, har liðfelagi hansara hjá ColoQuick- CULT, Jesper Schultz, sat við teimum allarfremstu og bleiv nummar átta. Torkil Veyhe fer mikudagin og fýra dagar fram at luttaka í EM á landavegi í Herning, har hann skal umboða danska lands­liðið saman við navn­ fram­um súkklarum so sum Matti Breschel, Lars Bak og Michael Mørkøv TENNIS Caroline Wozniacki spældi í gjár finalu í WTA-kappingini í Båstad, Svøríki, har danska tennisdrotningin tapti 6-3, 6-4 ímóti Katerina Siniakova úr Kekkia. Tað var týðiligt, at Wozniacki ikki spældi upp til sítt besta í hesari finaluni, sum var hennara fimta WTA- finala í ár. Heldur merkisvert, so hevur Wozniacki tapt allar fimm. Næsta kapping hjá Wozniacki og hinum frems­tu tennisspælarunum verður í Toronto, Kanada. BJARNI ER FRAMVEGIS STERKASTUR Bjarni Nielsen kann framvegis kalla seg Føroya sterkasta mann. Hann fekk tó harða kapping frá einum avbjóðara á ólavsøku, har eisini ólavsøkurenningin var á skránni