týsdagur 1. august 2017síða 22

Mikudagur 26. juli 2017 · Nr. 86 22 Sosialurin Tróndur Arge HM endaspælið í Algeria er komið at enda. Spania gjørdist heims­ meistari, meðan Føroyar breyt øll mørk og endaðu á 16. plássi. Spæl­ar­ arnir eru komnir heim og eru heiðr­ aðir við manér á ólavsøku. Flestu av teim­um njóta gott av einum steðgi frá hondbólti í nakrar vikur, áðrenn farið verður í gongd aftur. Nakrir í vandum umstøðum í Før­oyum og eitt nú Flensburg. Aðrir royna nýggjar leiðir. Onkrir í Føroyum, meðan aðrir skulu til feløg í Íslandi og Danmark. Tíð­ in er so smátt eisini komin til at eftirmeta avrikið í Algeria. Venj­ arar, spælarar og leiðslan í Hond­ bólts­sambandinum gera tað á sín hátt, meðan vit á Sosialinum fara at hyggja nærri at nøkrum tølum, sum ídni fjepparin, Ásbjørn Nielsson Natte­stad hevur savnað saman. Alt kann ikki lesast út frá tøl­ unum, men onkur ábending sæst. Mill­um annað tykist Helgi Hoydal hava havt eitt gott endaspæl, har hann bæði er toppskjútti og umsetur flest skot til mál. Her kann tó nevnast at Pætur Mikkjals­son, sum somuleiðis spælir á striku­ni, eisini hevur góð tøl. Helst eru mál­ møguleikarnir størri enn á hin­um plássunum, tá ein striku­spælari kemur í skot støðu. Helgi toppskjútti Tølini vísa millum annað, at Helgi H. Hoydal bleiv toppskjútti við 26 málum, meðan Áki Egilsnes skor­ aði 25 mál og Hilmar Leon Jakob­ sen 24 mál. Helgi Hoydal endar á ein­um samlaðum 58. plássi fyri topp­skjúttar. Helst eitt tekin um, at føroyska liðið ikki hevur eina stjørnu, men styrkin liggur í eind­ ini. Síðani skulu vit eitt lop niður til Róa Berg Hansen og Jónas G. Djur­ huus, sum skoraðu hvør síni 16 mál í HM endaspælinum. Flest mál í allari kappingini fingu Lasse K. Møller úr Danmark og Skander Zaied úr Tunesia. Teir skoraðu 76 mál í part. Tølini vísa millum annað, at Helgi Hoydal skoraði síni 26 mál upp á 33 skot. Tað er næstan fýra mál fyri hvørji fimm skot. Tá hava Áki Egilsnes og Hilmar Leon Jakobsen havt nógv fleiri skot í miðal upp á mál. Hilmar Leon Jakob­sen skorar beint yvir eitt mál fyri hvørji tvey skot, meðan Áki Egils­nes skal brúka beint yvir tvey skot, fyri hvørt máli. Av bakkunum um­setti Kjartan Johansen flest skot til mál. Hann skoraði 14 mál upp á 25 skot. Tað verður eitt skor­ ings­prosent upp á 56 prosent. Allir tríggir vengirnir, Rói Berg Han­sen (16 mál), Sjúrður Olsen (11) og Pætur Thomsen (10) skoraðu meira enn aðru hvørja ferð. Rói Berg Hansen skoraði upp á 60 pro­sent av sínum skotum, meðan Sjúrð­ur Olsen upp á 61 prosent og Pæt­ur Thomsen upp á 50 prosent av skotunum. Her kann nevnast, at Áki Egils­ nes eisini skoraði okkurt av sínum mál­um frá vonginum. Ongin málmansvenjari Í løtum høvdu vit málmenn, sum stóðu ótrúliga væl, men í øðrum løt­um tóktist tað, sum tað manglaði ein málmansvenjari. Tað hevur sjálv­andi verið ein raðfesting og hevði møguleiki verið fyri tí, so var ein málmansvenjari helst eisini ver­ ið við. Her skal eisini nevnast, at før­ oyska liðið í flestu førum spæl­di móti betri mótstøðu. Tí kann rokn­ ast við, at skotini hjá mót­støðu­lið­ num komu úr betri støðum, enn skot­ini hjá okkara spælarum. Tað kann so aftur umroknast til, at tað skal meiri til hjá einum føroyskum mál­verja at bjarga í miðal, enn tað skal hjá einum málverja á mót­ støðu­liðnum. Niklas Simonsen hevur millum ann­að eitt bjargingarprosent upp á 27,5 prosent, meðan Hørð­ ur Trygvason hevur eitt bjarg­ ing­ar­prosent upp á 21,8 pro­ sent. Í miðal hevði málverjin hjá mótstøðuliðnum eitt bjarg­ingar­ pro­sent upp á 35 prosent. Lutfals­ liga í mun til skot, so høvdu vit tor­ førast við at skora móti Noreg, har mál­verjarnir bjargaðu 41 prosent av skotunum hjá okkum. Ein munur er eisini á brots­ køst­unum, har vit skora upp á 11 av 17, sum gevur 64 prosent, meðan mót­støðuliðini skoraðu upp á 23 av 28 brotskøstum. Tað er eitt skor­ingsprosent, sum er 82 prosent. Vit verða trýstir meir enn hinir Afturgangandi fyri dystirnar í HM endaspælinum í Algeria er, at okk­ ara klára ikki at spæla tveir dystir upp í slag. Okkara bestu dystir eru tá vit hava havt hvíld. Sigarnir móti Kili og Suðurkorea, umframt stór­ dyst­irnir móti Týsklandi og Frak­landi. Dystirnir móti Ungarn, Noreg og Svøríki kunnu allir bólkast sum dystir, har okkara ikki megnaðu at spæla upp til okkara besta. Felags fyri teir tríggjar dystirnar er, at teir vóru seinna dagin, har spælt bleiv dag um dag. Tað er skjótt at koma til eina niðurstøðu, sum sigur at før­oysku spælararnir ikki orka eins nógv og mótstøðan, men so ein­falt er roknistykkið ikki. Tí eitt før­ oyskt lið hevur ongantíð møgu­ leika fyri at hvíla, ella spæla við hálvari ferð. Meðan fleiri av betri mótstøðulondunum hava møgu­ leika at skifta út, og fram­veg­is hava betri spælarar enn mótstøðuliðið, so er hetta ikki ein møguleiki fyri okkum. Tí spæla okkara spælarar nærri øllum teir kunnu í einum dysti, enn fleiri av mótstøðuliðnum. Tað kost­ ar kropsliga. Nakað vit eisini síggja á A-landsliðnum í fótbólti, har vit mangan hava trupult við at spæla seinna dystin, tá tað er lands­liðs­ um­far. Seinast sóu vit tað, tá vit taptu 6-0 fyri Portugal á Tórsvølli, eftir at hava vunnið á Lettlandi í Riga fáar dagar frammanundan. Her eru tølini Tøl eru tøl og her eru nøkur av teim­um. Vit kunnu erpa okkum av, at vit eru millum 16 tey bestu. At vit hava ein liðanda og ein felagsvilja, sum hini liðini ikki altíð hava. Vit hava spælarar, sum toppa høgt, men vit mugu eisini ásanna, at vit kunnu ikki spæla undir okkara besta og vænta sigrar. Tá alt nú er komið at enda, er týdn­ingarmikið at hyggja fram til kom­andi uppgávur. Tað kunnu vit brúka tølini til at eftirmeta, hvat kann gerast betri til eina aðru ferð – og kanska staðfest júst hvussu flott avrikini í Algeria vóru, tá vit ork­aðu. trondur@sosialurin.fo HONDBÓLTUR Her er ein samanumtøka av avrikinum til HM endaspælið í Algeria í tølum. Sum sæst, so hava fleiri føroyskir spælarar staðið seg væl í kappingini. Her eru tølini handan U21 landsliðsavrikið HM í Algeria: HANDAN U21 LANDSLIÐSAVRIKIÐ