mánadagur 14. august 2017síða 14

Mánadagur 14. august 2017 · Nr. 93 14 Sosialurin Hugskot og viðmerkingar – send sms til 225000 Tað eru 25 ár síðani, at Premier League sá dagins ljós. Tað hevur verið ein kollvelting fyri fótbóltin í Onglandi og minni eru nógv. Premier League er í heimsins best umtókta landskapping, har sjónvarpsrættindini kosta áleið 50 milliardir krónur. Her er ein ferð gjøgnum tey 25 árini við Premier League Tróndur Arge Enskur fótbóltur hevur tað ikki gott, tá Leeds í 1992 vinnur bestu deildina í Onglandi. Enski áskoð­arin er illa umtótkur og verður útróptur fyri at verða ein hooligan. Bæði Heysel (1985) og Hills­borough (1989) vanlukkurnar hava sett sín dám á. Eftirfylgjandi kem­ ur Taylor-kanningin, sum broyt­ir umhvørvið kring dystar­upp­liv­ingina, tí nú kunnu áskoðarar ikki standa longur. Men tað byrtist ein vón, tá Ongland í 1990 kemur í hálv­finaluna til HM, ensk feløg sleppa aftur at luttaka í Evropa, eftir fimm ára bann orsaka av Heysel van­lukkuni, og Sky Sports kemur við eini ætlan, sum broytir enska fótbóltin. Tað eru stóru feløgini, ið ætlar sær at gera eina deild fyri seg, men blíva skjótt samd um, at tey mugu øll feløgini og fótbóltssambandið við. Eitt argument er, at við eitt nú sjónvarpsavtaluni við Sky Sports, so fáa ensku feløgini fleiri inntøkur og harvið eru í betri støðu til at vinna í Evropa. Cantona og United Sigur tú Premier League, so sigur tú eisini Manchester United. Tað er einki felag, sum verður sett meiri í samband við kommersiellu til­gongdina av Premier League enn Man­chester United. Felagið hevur ikki vunnið enska meistaraheitið síðani 1969, men hevur alíkavæl eitt stórt fólksligt grundarlag, tá fyrsta kappingarárið verður skotið í gongd. Ein ávísur skoti við nanvinum Alex Ferguson verður settur í sum venjari í 1986, men hevur trupult við at vinna álitið á viðhaldsfólkunum. Í 1992 endar Alex Ferguson við at keypa karismatiska Eric Cantona frá Leeds fyri lítið og lætt. Skotin hevur eftirfylgjandi sagt, at hann upp­runaliga skuldi slett ikki keypa Eric Cantona, men tók av tá hann fekk møguleikan. Við tiltikna 7’aranum fær Man­chester United undan­ gongu­mann­in og leiðaran, sum liðið hevur brúk fyri. Felagið leggur nógv fyri at byggja út á Old Trafford og gongur á odda tá tað kemur til branding. Við tíggju stigum fleiri enn Aston Villa vinnur Manchester United endiliga aftur meistaraheitið. Liðið vinnur aftur Premier League árið eftir og byrjar at gera seg galdandi millum tey stóru í Evropa. Fyrsti ríkmanseigarin Áðrenn Roman Abramovich og Chelsea var tað Jack Walker og Black­burn. Í fyrru hálvu av 90 unum keypir hann fyri áleið 250 millión­ ir krónur í spælarum og tað røkkur til eitt meistaraheiti. Vinni­lívsmaðurin setti sær fyri at knúgva Manchester United og í kapp­ingar­árinum 1994/95 eydn­aðist tað. Við Alan Shearer á odda vinnur Black­burn Premier League, men tað var um reppið at tað kiksar, tí Blackburn tapur ís einasta dysti­num, men til alla lukku vinn­ur Man­chester United ikki. Í dag síggja vit teir í fleiri feløgum, men í Premier League søguni, so er Jack Walker fyrsti ríkmansiegarin, ið broytti eitt felag til eitt meistarafelag. 92 flokkurin og Arsenal Manchester United tekur nú yvir aftur og setur seg á alt. Við sokallað 92 flokkinum, David Beckham, Paul Scholes, Ryan Giggs, Nicky Butt og Neville beiggjnum, Gary og Phil, í fagrasta blóma verður Manchester United aftur best og størst. Størsta kappingin kemur frá Arsenal og nýggja franska venjara­num Arsene Wenger. Við sínum al­tjóða innsparki í Premier League megn­ar hann tríggjar ferðir at knúg­va Manchester United, sum hesi árini vinnur seks meistaraheiti upp á níggju ár. Alex Ferguson verður til Sir Alex Fergu­son, meðan Arsenal skrivar søgu, tá liðið vinnur meistaraheitið í 2004 ósigrað. Manchester United og Arsenal hug­na sær í oddinum, men tað er bara til fótbóltsheimurin verður present­er­aður fyri russiska Roman Abramo­vich. Hann keypur Chelsea og Premier League hevur ikki verið tað sama síðani. Ríkmenn og Premier League Í 2003 keypti russiski Roman Abra­mo­vich Chelsea. Felagið royndi at blanda seg millum tey stóru, men hóast ein altjóða dám við italska Gian­franco Zola á odda, so megnar felag­ið ikki at takast við tey heilt stóru. Tað broytist eftir eigara­ skiftið. Chel­sea setur José Mouri­nho sum venjara og vinn­ur Premir League í 2005 og 2006. Árini eftir eru tað Chel­sea og Manchester United sum stríð­ast um meistara­heitini, meðan Man­chest­er City verður keypt av Sheik Mansour úr Abu Dhabi. Í 2012 verður meistara­heitið avgjørt í yvir­tíðini, tá Sergio Aguero tryggj­ar Man­chester City fyrs­ta Premier League meistara­heitið í søguni. Seinastu seks árini hava Chel­sea og Manchester City vunnið hvørs­íni tvey meistaraheiti, með­an Man­ chest­er United vinnur í sein­ asta kappingarárinum hjá Sir Alex Ferguson sum venjara, meðan Claudio Ranieri og Leicester fyrraárið stóðu fyri mest óvæntaða meistara­ heitinum í 2016. Manchester sær best út Til hetta kappingarárið tykist verða tor­ført at meta um hvør vinnur Premier League. Meistararnir úr Chel­sea taptu púra óvæntað fyri Burn­ley í fyrsta umfari, meðan Liver­pool misti tvey stig í evstu løtu í Watford. Arsenal sá heldur ikki betri út enn næstbest, men tryggjaði sær ein 4-3 sigur á Leicester. Best frá byrjan komu Manchester liðini og Totten­ham. Manchester United vann 4-0 á West Ham, meðan Man­chester City og Tottenham vun­nu 2-0 á úti­vølli móti upp­ flytar­um. Triði uppflytarin, Hud­ ders­field, vann heldur óvæntað heili 3-0 á úti­ vølli móti Crystal Palace, meðan Wayne Rooney skoraði avgerandi mál­ið fyri Everton í eini seinnu debut, eftir at hann kom aftur til barn­dómsfelagið. Premier League er byrjað við einum brakið. 31 mál í tíggju dyst­um og fleiri óvæntaði úrslit og nøk­ ur reyð kort fyri millum annað harð­ar taklingar. Júst soleiðis kenna vit Premier League. trondur@sosialurin.fo STUTT SØGD TÍÐINDI Premie League: 25 ÁR VIÐ PREMIER LEAGUE