hósdagur 24. august 2017síða 10

FRÍGGJADAGUR 25. AUGUST 2017 SOSIALURIN 98 10 Útlendingar í Føroyum MORTAN ØSTERØ Mikudagin varð skipað fyri seminari í Smæruni, har Norðurlendska netverkið fyri vaksnamannalæru og Útlendingastovan varpaðu ljós á avbjóðingar hjá útlendingunum, sum flyta til Føroyar. Endamálið við seminarinum var at savna tilflytarar, myndugleikar, granskarar, undirvísarar, áhugapartar og aðrar ábyrgdarhavarar at kjakast um, hvussu ein inklusjón í føroyska samfelagið og arbeiðsmarknaðin kann skipast á bestan hátt. Sambært fyrireikarunum koma nógv av tilflytarunum higar við nýggjari vitan og royndum, men fáa ikki høvi at royna hesi í verki. Millum fótonglarnar eru føroyska málið, umframt, at føroyska samfelagið bert í heilt fáum førum hevur havt dirvið at seta fólk í hóskandi størv samsvarandi teirra førleikum. Føroyska samfelagið telist helst millum mest einsháttaðu samfeløg í heiminum, tá ið hugt verður at fólkasamansetingini. Sambært uppgerð hjá Hagstovuni hava 97 prosent av fólkinum í Føroyum danskan ríkisborgararætt, og altso bara trý prosent hava annan tjóðskap. Sama søgan ger seg galdandi, um hugt verður eftir føðilondunum hjá fólkinum í Føroyum. Nógv flestu fólkini eru nevniliga fødd í norðurlondum. 43.877 fólk fødd í Føroyum, 3.799 í Danmark, 247 í Íslandi, 187 í Noregi, 160 í Grønlandi, 84 í Svøríki og 11 í Finnlandi. Tilsamans eru tey 48,365 fólk, ið svarar til 97 prosent av teimum, sum búgva í Føroyum. Alsamt fleiri útlendingar Seinastu árini hevur tú verið eitt vaksandi tal av fólki, sum hava fingið játta arbeiðs- og uppihaldsloyvi í Føroyum. Seinastu trý árini hava áleið 300 útlendingar um árið fingið antin arbeiðs- ella uppihaldsloyvi. Høvuðsorsøkin er, at føroyska arbeiðsloysi hevur verið niðanfyri 3,5 prosent, ið merkir at ES borgarar ikki nýtast at vera faklærdir fyri at fáa arbeiðs- og uppihaldsloyvi í Føroyum. Við hesum í huga, er løgið, at tað ikki eru fleiri ítøkilig arbeiðsmarknaðartilboð til útlendingarnir, sum koma higar. Fleiri av útlendingunum hava gjørt vart við, at teir ikki fáa svar á sínar starvsumsóknir, umframt, at teir hava trupult við at fáa síni formligu førleikaprógv viðurkend í Føroyum. Tað liggur í kortunum hjá Útlendingastovuni at orða eitt tilmæli til landsstýri, um at fremja ábøtur á økinum. Í fleiri ár hava ætlanir verið um fáa útlendingamál á føroyskar hendur, tó hevur gingið ógvuliga seint við at fáa neyðugu undirtøkuna fyri málinum. Sitandi samgonga hevur eisini staðfest í samgonguskjalinum, at útlendingamál skulu yvirtakast hetta samgonguskeiði. Føroyar í fólkatølum 49.864 fólk 43.877 fødd í Føroyum 47.836 fødd í ríkisfelagsskapinum 48.430 eru danskir ríkisborgarar Altso eru tað 97 prosent av fólkinum í Føroyum hava danskan ríkisborgararætt, meðan bert 3 prosent hava annan enn danskan tjóðskap. Kelda: Hagstovan Føroyar í fólkatølum NEYÐUGT VI SKIPAÐUM VIÐU RSKIFT