mánadagur 28. august 2017síða 23

23 Mánadagur 6. januar 2014 · Nr. 2 Sosialurin Mánadagur 28. august 2017 · Nr. 99 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... André Olsen Tað elvdi til stórt rumbul, tá ein 1.deildardystur millum B36 og ÍF fyri tveimum vik­ um síðani endaði við 32-0 sigri til B36. ÍF, ið bert møtti upp við átta leikarum til dyst­ in, søgdu seg at hava fingið skeiv boð til dystin. Har hildu tey at dysturin skuldi byrja sunnudag klokk­an 18:00, sum hann byrj­aði sunnumorgun klokkan 12:00. Ikki fyrrenn tíðliga sunnumorgun, hevði venjarin hjá ÍF fingið boð um at dysturin skuldi leikast klokkan 12:00, og stutta skoð­bráðið var orsøkin til at ÍF møtti upp við so fáum leikarum. ÍF fekk boðini í nóg góðari tíð Eftir dystin kærdi ÍF til FSF, har teir hildu seg hava grundarlag til at fáa nýggj­ an dyst. Men ÍF hevur ikki fingið viðhald í kæruni. Tað váttar aðalskrivarin hjá FSF, Virgar Hvidbro, fyri Sosial­ inum. – Tað er rætt at ein kæra frá ÍF hevur verið viðgjørd í kappingarnevndini um at teir høvdu fingið skeiv boð til dystin móti B36, men kapp­ingarnevndin hevur ikki givið ÍF viðhald í kæruni. Virgar Hvidbro sigur at orsøkin til at ÍF ikki hevur fingið viðhald í kæruni er, at dystarboðini vóru komin á Comet skipanina, sum er skipanin sum feløgini brúka til at geva dystarboð, í nóg góð­ari tíð. – Fríggjakvøld klokkan 18:00 var dystarásetingin sett at vera sunnudag klokkan 12:00 á Comet skipanini, og tað er skipanin sum feløgini brúka fyri at fáa dystarboð. Harafturat fer ein mailur eisini út til feløgini, tá tíðs­ punkt er lagt á Comet skip­ anina, og tí hevur ÍF havt møguleika til at fáa tíðina at vita í nóg góðari tíð. Tí hevur kappingarnevndin ikki givið ÍF viðhald í kæruni, sigur Virg­ar Hvidbro. Eingin kæra komin inn um Przybylski Fyri viku síðani ljóðaði eisini um eina aðra kæru í føroyskum fótbólti, sum var viðvíkjandi Skála leik­ aranum, Michal Przy­bylski, ið fyrst í seinnu hálvu sat uttanfyri hjá Skála, av tí at hann ikki hevði arbeiðsloyvi. Men Virgar Hvidbro vísir aftur, at Fótbóltssambandið hevur fingið nakra kæru um unga Skála leikaran. – Viðvíkjandi Michal Przy­bylski er eingin kæra kom­in inn frá nøkrum fe­ lagið. Har er heldur einki at koma eftir, tí at hann hevur havt loyvir fram til 1. juli, tá hann síðani skuldi endur­ nýggja tey. Hann sat eisini uttanfyri av tí sama fyrstu dystirnar í seinnu hálvu, og hevur nú fingið nýggj loyvi uppá pláss, sigur Virgar Hvid­bro, aðalskrivari í Fót­ bólts­sambandinum. Um vikuskiftið vann NSÍ Løgmans­ steypið. Tað er fyrstu ferð síðani 2002, tá NSÍ vann Løgmanssteypið á fyrsta sinni. Felagið hevur ikki vunnið gull síðani FM-gullið í 2007, sum eisini er tað einasta í søguni hjá felagnum. Sigurin hesa ferð hevur eina serliga søgu, tí hann er eitt slag av eini krúnu á einum skjótt fimm ára verki. Í 2012 stóð NSÍ við stórari skuld, eftir at FM roykurin í 2007 og eftirfylgjandi árini høvdu lagt seg. Tað tykist løgið í dag at hugsa sær, at fyri bara fimm árum síðani var málið hjá NSÍ at yvirliva. Ikki bara í bestu deildini, men eisini sum felag. Í einum kjallara í Runavík verður av álvara tosað um, um tað ikki er best at avtaka felagið og byrja av nýggjum – men leiðslan velur aðra loysn. Leitað varð aftur til røturnar. Ungu spælararnir fingu møguleikan, meðan viðmerkjarin á Rás2 – Helgi L. Petersen - tók um endan í verjuni. Við Kára Reynheim við róðrið bjargaði NSÍ sær, og nøvn sum Árni Frederiksberg, Klæmint A. Olsen og Jens Joensen eru millum stuðulsspælararnir. Hasir tríggir hava síðani tá verið drúgvir tænarar fyri NSÍ, saman við eitt nú Einari Tróndagjógv, Per Langgaard og Pól Jóhannusi Justinussen, sum hava verið við tað mesta av tíðini. NSÍ hevur lagt nógv fyri øll hesi árini við at menna spælarar, men tað hevur eisini verið arbeitt seriøst og skilagott í leiðsluni. Felagið er komið upp á turt fíggjarliga, menningin av spælarum gevur avkast á besta liðnum og felagið tykist sum heild hava tað sunt og gott. Ákæran hevur allatíð verið, at felagið manglar ein vinnara ella eina vinnaramentan. Við sigrinum í Løgmanssteypinum ber til at siga, at NSÍ nú eisini hevur eina vinnaramentan. Til lukku við Løgmanssteypinum, NSÍ trondur@sosialurin.fo NSÍ er søgan um gott arbeiði ÍF FEKK IKKI VIÐHALD Í KÆRUNI Tað eydnaðist ikki ÍF at fáa viðhald í kæruni um at fáa spældan dystin móti B36 umaftur, sum ÍF tapti 32-0 í Gundadali. Tað váttar aðalskrivarin í Fótbóltssambandinum, Virgar Hvidbro