mánadagur 4. september 2017síða 16

Mánadagur 4. september 2017 · Nr. 102 16 Sosialurin Hugskot og viðmerkingar – send sms til 225000 RONALDO YVIRHÁLAÐI PELÉ Við málið nummar 78 fór Ronaldo uppum gomlu stjørnina Pelé í altjóða málum. Pelé skoraði tilsamans 77 mál í 91 dystum fyri sítt heimland Brasil. Tað er tó eitt sindur eftir á mál hjá Ronaldo, um hann hevur ein dreym um at náa hægsta tindin í málum fyri land sítt. Hann er á einum deildum fimta plássi. Tað bleiv aftur til »The Ronaldo show«, men hesaferð meiri á vøllinum enn uttanfyri. Tríggjar ferðir revsaði hann okkum og staðfesti at tað er langt upp til evropameistararnar. Tó vóru glottar at síggja í føroyska spælinum og nýggju spælskipanini TRÓNDUR ARGE – ESTADIO DO BESSA, PORTUGAL Ein tíma undan dystarbyrjan er tómt á Estadio do Bessa, sum er leikvøllurin hjá Boa­ vista, sum hevur heim­stað í portu­gisiska býnum, Porto. Úr hoytalarunum buldrar ein jingla, sum skal avspælast, tá Portugal skorar. Stadionspeakarin brølar »Cristiano Ronaldo!«. Tað gong­ur ein lítil løta, so end­ur­ tekur søgan seg. Oyrini eru um at bresta, men tú situr eisini við eini kenslu av, at hetta er nakað tey vænta í Portugal. Tey vænta at evropa­meistarnir vinna á Før­oyu­m, eftir at hava vunnið 6-0 á Tórsvølli í fjør. Dysturin er bara tveir minuttir gamal, tá Cristiano Ronaldo í leysari luft fluktar bóltin í málið til 1-0. Vælkomin til Portugal til »The Ronaldo Show«. Ronaldo, Ronaldo, Baldvinsson, Ronaldo Í meir enn ein tíma er næst­ an alt Ronaldo á Estadio do Bessa. Hann er nógv á bóltinum, hann skorar upp á brotsspark og hann leggur til 3-1 málið, sum punkterar spenningin og føroyska liðið. Síðani skorar hann líka eitt afturat og fær sítt hattrik, meðan føroyska verj­ an situr á reyvini. Jú, Cristiano Ronaldo livdi upp til heitið sum heimssins besti fótbóltsspælari, og til royndarkoyringina av jingl­ uni undan dystinum – men har kom ein skøva í plátuna. – Tað segði »BUMM!« Ta skøvuna átti Rógvi Bald­ vinsson, tá hann stutt fyri hálvleik fluktaði bóltin í málið og minkaði um munin til 2-1. Skotaði var so hart, at málverjin ongan møguleika hevði bjarga. »BUMM« segði Rógvi Baldvinsson, eftir at hann hevði meddað bóltin í málið. Málið bjargaði í nógvar mátar upp­livingini í Portu­ gal, tí tað var spenningur heilt til Cristiano Ronaldo skoraði til 3-1. Hóast tað bleiv til heili 5-1, so kundu vit eisini havt skoraði eitt til tvey mál aft­urat. Góðkent Samanumtikið var talan um blandaðar kenslur eftir dystin. Okkurt var gott, men okkurt var eisini minni gott. At tað tapa 5-1 skal ongantíð góðtakast, men í ávísum um­støðum mugu vit tola, at Føroyar ikki hevur størstu ávrikanina á úrstilið. Við eini skifting í spæl­ skipanini, fleiri profil­um uttanfyri og einum tendr­ aðum portugisiskum liðið, so er 5-1 til at liva við – um vit vinna á Andorra. Debut til Patrik Millum søguligu hendingar­ nar hendan dag var, at Patrik Johannesen koma á vøllin fyri fyrstu ferð. Hann hevur veruliga fingið sítt gjøgnumbrot í føroyskum fótbólti í ár. Tí kemur tað ikki so óvart á, at hann nú fekk sínar fyrstu minuttir. – Tað var stuttligt og eg haldi eg gjørdi tað gott, tað løtuna eg var inni, sigur Patrik Johannesen. Føroyar hava tapt 11-1 fyri Portugal í hesi undan­kapp­ ingini. Tað er ikki gott nokk og serliga fyrsti dysturin stendur sum eitt ringt minni, men soleiðis er tá tú skal spæla millum tey stóru. – Vit vóru sera væl fyri­ reikaðir upp á at spæla móti tykkum. Føroyar spæla góðan fótbólt og tapa sjáldan stórt. Tí løgdu við nógv fyri, sigur José Fonte, miðverji hjá Portugal. Vit fáa einki ókeypis longur – heldur ikki frá evropameistarunum. Tað mugu vit venja okkum við. Vit eru ikki longur ein pinkutjóð í altjóða fótbólti, men vit eru heldur ikki stórir nokk til at spæla við í “The Ronaldo Show”. trondur@sosialurin.fo RONALDO, RONALDO OG AFTUR RONALDO Fótbóltur Dysturin hesa vikuna... 1: Avrikið er út av lagi vánaligt og kostar dystin 2: Avrikið er vánaligt og dystaravgerandi 3: Avrikið er væl undir miðal og tað sæst aftur á liðavrikinum 4: Avrikið er undir miðal, men ikki avgerandi 5: Avrikið er miðal og spælarin røkir tær uppgávur hann skal 6: Avrikið er beint yvir miðal 7: Avrikið er yvir miðal og tað sæst aftur á liðavrikinum 8: Avrikið er væl yvir miðal og spælarin er avgerandi 9: Avrikið er framúr og spælarin er dystaravgerandi 10: Á landsliðið og seldur í morgin! Nýggjar spælara­metingar: Greitt tapt fyri evropameistarunum: BALDVINSSON