mánadagur 4. september 2017síða 18

Mánadagur 4. september 2017 · Nr. 102 18 Sosialurin Hugskot og viðmerkingar – send sms til 225000 Brúsið mundið farið úr sjampanjunið áðrenn dystarenda, tá Føroyar í gjár vunnu 1-0 á Andorra í HM 2018 undankappingini. Við sigrinum setti føroyska landsliðið met fyri flest stig í eini undankapping. Avrikið var búgvið, men heldur ikki meir enn tað Tróndur Arge – Tórsvøllur Føroyska landsliðið megnaði sjáldan at spæla sjampanjufótbólt, men tað var eitt úrslit av at okkara heldur ongantíð blivu fangaðir við buksunum niðri. Talan er um eitt búgvið avrik frá okkara spælum, sum nú hava skrivað føroyska fótbóltssøgu. Miðverjan stóð seg væl, men miðvøllurin stríddist væl. Álopið stóð sterkari í fyrra hálvleiki, men var lítið samanhangandi í seinna hálvleiki. Sum heild var hetta ein betri dystur fyri miðverjuna enn restina av liðnum. Tað tekur tó einki frá sigrinum, sum er søguligur og søtur. Gunnar Nielsen 5 Hevði sum so einki serligt at gera, men tók sær av tí, sum hann skuldi. Okkurt innlegg og okkurt hiss­ini skot. Hetta er fjórðu ferð, at landsliðið heldur málið reint í hesi undankappingini og tað telur upp, men tað telur niður at Gunn­ ar Nielsen í seinna hálvleiki sendi fleiri málspørk út til innkast. Somu­leiðis fekk hann øði í venjara­ parið, tá hann ikki skundi sær at seta spælið í gongd í fyrra hálv­leiki. Kanska lættasti dysturin hjá Gunn­ ari Nielsen. Odmar Færø 8 Spældi aftur sum ein brandur í miðverjuni, har hann at kalla vann allar tvídystirnar. Hevur funn­ið sítt pláss á landsliðnum í trí­mans­ verjuni, har hann fær loyvi at elta bóltin og tvídystirnar, uttan at skula hugsa um tað, sum hendir aftanfyri. Hevur spælt seg á landsliðið við avrikinum í hesum báðum seinastu dystunum. Hansara kropsstryki og ferð ger, at hann er ein marra at spæla ímóti hjá hinum. Atli Gregersen 6 Er lykilin til samansetingina í nýggju miðverjuni, men bleiv sjáld­ an pressaður í leiklutinum sum skipandi og spældi miðverjin. Oft­ ast var leikluturin at flyta bóltin til annan av hinum miðverjunum, meðan hann í verjustøðu ikki bleiv trýstur á saman hátt sum í eitt nú Portugal. Er á í nógvum støðum, millum annað tá René Shaki Joensen er á markinum at fáa reytt kort, tá tyk­ist tað sum at tað er brølið frá lið­skiparanum, sum fær fram­skund­að útskiftingina. Rógvi Baldvinsson 6 Spældi eisini væl aftur hesaferð. Trívist eins og Odmar Færø sum ein av ytru m i ð v e r j u n u m í nýggju t r ý m a n s v e r j u n i . Vann nógvar av sínum tvídystum og var djarvur tá á stóð. Var líka við at skora og prógvaði aftur, at hann er málsøkin í sínum spæli. Kemur onkuntíð í trupulleikar við bóltinum og kann missa plaser­ ingina á vøllinum, men tveir góðir landsdystir frá Rógva Baldvinsson, sum eisini prógvaði, at hann er klárur til landsliðsfótbólt. Jónas Tór Næs 5 Greiddi sína uppgávu sum vong­ bakkur í høgru. Kom fleiri ferðir fram­við í fyrra hálvleiki, meðan hann tók fleiri tvídystir í seinna hálv­leiki, tó hann kom minni f ra m ­v i ð . Tóktist tora betri at koma framvið og tað loysti upp fyri føroyska spælinum. Hann og Sølvi Vatnhamar arbeiða hart og tí kemur eisini lítið ígjøgnum teirra síðu. Er eisini íblandaður upp­spæl­inum til málið. Viljormur Davidsen 6 Tykist trívast væl við meiri fram­ rættaða leiklutinum sum vong­ bakkur. Umframt at røkja sína uppgávuna í verjustøðu, so koma hann til fleiri innlegg í fyrra hálv­ leiki, har hann fekk gott pláss í vinstru. Venjarin hjá Andorra royndi fleiri ferðir at fáa dekka Viljorm Davidsen av, men tað riggaði ikki, tí hann helt fram at finna sær pláss. Beint yvir miðal avrik. Fróði Benjaminsen 6 Fekk plássið aftur á miðvøllinum og vísti sítt virðið, tá hann hegnis­ liga legði upp til føroyska málið. Eftir innlegg er hann fyrstur á og stútar bóltin fyri føturnar hjá Gilla Róalntssyni. Stríddist eisini væl á miðjuni í tí verjukenda og valdi tryggu loysnina í avspælinum. Er ikki eins sterkur á bóltinum sum onkir av hinum, men leggur uppfyri við hørður arbeiði. Er ein leiðari á vøllinum og tað høvdu vit EITT BÚGVIÐ AVRIK Spælarametingar: FÓTBÓLTUR