týsdagur 5. september 2017síða 10

Mikudagur 6. september 2017 · Nr. 103 10 Sosialurin Hugskot og viðmerkingar – send sms til 225000 Áki Bertholdsen – Um eini 13-18 ár verður koyr­andi til Suðuroyar. Tað varð tað mesta, Henrik Old, landsstýrismaður í sam­ ferðslumálum, og Lands­verk, vildu lova Suður­oy­ing­um á almennum kjak­fundi í gjár­ kvøldið um møgu­leik­arnar fyri at gera ein undirsjóvar­ tunnil til Suðuroyar. Á fundinum varð eyðvit­ að roynt at fáa lands­stýris­ mannin og Landsverk at áseta dagin fyri, nær koyr­ andi verður til Suðuroyar. Men Henrik Old vildi ikki ordiliga bíta á, tí hann held­ur, at tað fer at elva til óneyðugt órógv at fara at seta ein dag á longu nú, so tað vildi hann ikki. Hinvegin vístu Arm­garð Elin Steinhólm og Fríð­rik Heinesen á Lands­verki, á, at tað eru 12 ár síð­ani, at farið varð undir fyri­reik­ andi kanningarnar til Sand­ oyartunnilin, og tað arbeiðið er ikki byrja enn. – Slíkar verkætlanir hava eina drúgva fyrireikingartíð, vístu tey ár. Teirra boð var, at tað verður klárt at fara und­ir Suðuroyartunnilin um eini 10-15 ár og í eini met­ing hjá Landsverki um sam­ferðsl­ una í framtíðini, stendur, at tað verður koyrandi til Suður­oyar í 2035. Ófatiliga leingi Men hóast Henrik Old ikki vildi seta nakran dag á, helt hann í hvussu so er, at tað fara ikki at ganga 15 ár, áðrenn arbeið at gera Suður­ oyartunnilin, byrjar. Hann vísti á, at hóast fyri­ reikingarnar til Sand­oyar­ tunnilin hava verið drúgvar, vóru tær ikki meiri enn hálvhjartaðar alla tað fyrstu tíðina, og tí var fyrireikingin so drúgv. – Ein fyrireikingartíð upp á 15 ár, er ófatiliga leingi, helt hann fyri. Á fundinum varð staðfest, at sum heild eru politikarar á einum máli um, at Suður­ oyartunnilin eigur at verða gjørdur. Tey halda ikki, at nakar spyr longur um hann skal gerast, tí tað verður mest sum bara tosað um, nær hann skal gerast. Og bæði Henrik Old, Jacob Vestergaard, løgtingsmaður fyri Fólkaflokkin, og Sirið Stenberg, landsstýriskvinna fyri Tjóðveldi, sóu Suður­ oyar­tunnilin sum eitt nátúr­ ligt framhald av Sand­oyar­ tunlinum. Men alt veldst sjálvsagt eisini um, hvussu tíðirnar verða. – Tey allarflestu eru samd um, at tá ið Sand­oyar­ tunnilin er liðugur, skal Suð­ ur­oyartunnilin verða tann næsti, og tað skal vera tað politiska málið, sigur Jacob Vestergaard Men hann heldur, at tað hevur týdning, at fara und­ ir fyrireikingarnar beinan­ vegin, heldur hann. Veldst um Sandoyartunnilin verður liðugur í 2023 og fólkini hjá Landsverki siga, at verður farið undir Suður­oyar­tunn­ ilin tá, verður koyrandi til Suður­oyar í 2030. Hvussu langa tíð tað tek­ ur at gera tunnilin, veldst um, hvør loysnin verður vald. Men Fríðrik Heinesen heldur, at arbeiðið eigur at taka eini fýra fimm ár. Ein spurningur í hesum sambandi er eisini, hvørji trygdarkrøv verða sett til tunnilin, og tað verður somuleiðis ein avbjóðing at herberga øllum grótinum. Verður tað eitt nú sett á at bora í Skúgvoy, verður tað ein avbjóðing at sleppa av við grótið, sum kemur úr tunlinum, legði hann afturat. – Øll hesi viðurskifti hava ávirkan á, hvussu leingi tað er at bora tunnilin, sigur hann. Men tey á Landsverki siga, at fyri tey snýr tað seg um at fáa fígging til tær fyrireikandi kanningar, siga tey á Landsverki. Tey halda, at tað er hósk­ andi at játta fýra milliónir til samans hesi næstu trý árini til jarðfrøðiligar kanningar, bæði á landi og á botninum. – Tað eru fimm ár, til Sand­oyartunnilin er liðugur í 2023, og er Løgtingið sinn­ að at játta pening til for­ kann­ingarnar, ber til at fáa ein rættiliga stóran part av teimum frá hondini til tá, heldur Henrik Old. Okkara egnu krøv Henrik Old vísir eisini á, at vit hava lagt okkum eftir at tunlar í Føroyum skulu lúka norsk trygdarkrøv. Men hann heldur, at tað skal ikki vera eitt treytaleyst krav. Ístaðin heldur hann, at vit eiga at seta eitt toymi av føroyskum serfrøðingum saman og gera okkara egnu trygdarkrøv til tunlar. Tað skulu vera trygdarkrøv, sum hóska til føroysk viðurskifti, uttan at fylgja norskum krøv­um treytaleyst, heldur hann. aki@sosialurin.fo UM EINI 13-18 ÁR ER KOYRANDI TIL SUÐUROYAR Á almennum fundi í gjárkvøldið varð roynt at fáa Henrik Old, Landsstýrismann at siga, at nær undirsjóvartunnil verður gjørdur til Suðuroyar SUÐUROYARTUNNIL Henrik Old sær fyri sær, at Suðuroyar­ tunnilin verður fíggjaður eftir sama leisti, sum Eysturoyartunnilin og Sandoyartunnilin eru fíggjaðir LOVA EINKI Tey fingust ikki rættiliga at siga, nær tað ber til at fara undir undirsjóvartunnil til Suðuroyar, frá vinstru, Fríðrik Heinesen og Armgarð Elin Steinhólm frá Landsverki, og Henrik Old, landsstýrismaður í samferðslumálum