hósdagur 7. september 2017síða 9

FRÍGGJADAGUR 8. SEPTEMBER 2017 SOSIALURIN 104 9 TEMA At eta grind Á temasíðunum hesaferð er grind aftur á breddanum. Tað eru nógv fleiri fólk, ið taka lut í grindadrápi í dag, enn tað vóru fyri bert tíggju árum síðani. Formansfrágreiðingin frá grindamannafelagnum hevur í áravís staðfest, at færri ung fólk luttaka í grindadrápi, men útsagnin varð seinni broytt, tá áhugin fyri grindadrápi, eftir vaksandi ágang frá útlendskum mótstøðufólki, vaks. Hetta hóast tilmæli, sum staðfesta, at grind er dálkað og óegnað sum mannaføði, standa óbroytt. Í ár hava 21 grindadráp verið í Føroyum og á leið 1300 hval hava lagt beinini, so staðfestast kann, at nógv grind hevur verið í ár. Vit hava spurt føroyingar, hvussu ofta grind verður borðreidd heima og hvør hugburðurin er til grind sum kost. Úrslitini vísa, at vit næstan øll eta grind av og á, og at mongdirnar eru ymiskar, alt eftir hvar í landinum tú ert. Tvær kvinnur, sum taka ávaringarnar úr tilmælinum í fullum álvara, greiða frá, hví tær hava tikið boðini um, at grind ikki er egnað til mannaføði, til sín og valt ikki at eta grind ella at borðreiða grind heima. Magni Mohr, stjóri í Fólkaheilsuráðnum sigur tó, at tey í Fólkaheilsuráðnum ikki hava ætlanir um, at koma við peikifingri og siga, at fólk ikki skulu eta grind.