hósdagur 7. september 2017síða 10

FRÍGGJADAGUR 8. SEPTEMBER 2017 SOSIALURIN 104 10 ANNIKA KUNOY IM H óast Aggi Ásgerð Ás­geirsdóttir úr Tórs­havn ongantíð hevur dámað grind nakað serliga væl, so hevur hon, sum aðrir føroyingar, etið grind til døg­urða av og á, tá hon vaks til. Hon hevur eisini, alt tað hon minnist verið ímóti at drepa grind, hóast hon sum smágenta át, tá hon fekk tað borðreitt. – Eg minnist frá barnsbeini av, at eg var ímóti grindadrápi, sigur hon og greiðir frá um hending, tá hon sum smágenta í øðrum ella triðja flokki fekk frí, tí tað var grinda­boð. – Eg fór heim, tí eg ongan­ tíð hevði dámt, at eygleitt tað ógvusliga grindadrápið. Dagin eftir varð eg skeldað av lærar­anum, tí eg ikki var farin í grind, sigur hon eitt sindur skelkað yvir, at skúlin hevði til endamáls, at allir næmingar, skuldu oman at eygleiða grindadrápið. – Eg fekk grind at eta, men mær dámdi ikki spik, tá eg var barn, og eg steðgaði at eta grind, tá eg hoyrdi tilmælingarnar frá Pál Weihe. Avgerðin var ikki torfør, tí mær hevur ongantíð dámt grind nakað serliga væl. Eg tók ávar­ingarnar í álvara fyri 20 árum síðani, tá tað varð sagt, at grind ikki er mannaføði, og hóast eg hendinga ferð fekk mær ein sindur av turrari grind til serlig høvi, so át eg ongantíð grind meðan eg gekk við børnunum, og steðgaði síðani heilt, sigur hon. Børnini fáa ikki grind Aggi Ásgerð Ásgeirsdóttir eigur trý børn, sum øll eru tannáringar, og hon hevur tilvitað valt, ikki at givið teimum grind. – Eg eri sannførd um mína meining, og fari ikki at borðreiða børnum mínum eitraðan mat, staðfestir hon, og samanber tað við at geva børnunum battarí at eta. Hava tey spurt foreldrini um orsøkina til, at tey ikki fáa vanliga føroyska grindabitan, so hevur svarið verið, at tað er tí, at grindin er dálkað. Børn hennara hava tískil ongantíð fingið grind heima, men tey hava smakkað grind í øðrum høpi, men Aggi er fegin um, at eingin teirra dámar tað. – Tey eru nú við at verða vaksin, og eg havi uppælt tey til at verða sjálvbjargin og at hugsa sjálvi. Eg havi upplýst um vandarnar, og nú er valið sjálvsagt teirra, sigur hon. Føroyingar verja grindina Aggi hevur ongantíð dult, at hon er ímóti, at føroyingar drepa hval, og at hon ikki etur grind sjálv. Hon greiðir frá, at hon hevur upp­livað nógvan ágang av tí sama, og fleiri ferðir viðmerkja bæði fremmandafólk og fólk hon kennir avgerð hennara. Tað er ikki óvanligt, at fer hon í býin, so møtir hon fólki, sum vilja siga henni, at tey eta altso grind. – Men hetta haldi eg bara vera stuttligt, tí tað er tó ofta sagt í skemti, so eg leggi ikki meir í tað, enn tað er. Eg havi mína meining og tey teirra, sigur hon. Hon hevur eisini upplivað persónlig álop á sosialu miðlunum og fær viðmerkingar, tá hon varpar sína meining um grind. Hon tekur ikki longur slíkar viðmerkingar persónliga, og greiðir frá, at sum frá líður finna fólk útav, at slíkar við­ merkingar ikki rína við hjá henni. Tað eigur tó at vera rúm fyri øllum, og hon má tí, sum øll – Eg blandi meg ikki upp í, hvat onnur gera, men tað skelkar meg veruliga, at fólk geva børnum sínum grind. Hetta er fyri mær, sum at spæla russiska roulett við heilsu teirra, sigur listakvinna og læraralesandi Aggi Ásgerð Ásgeirsdóttir TEMA: Grind GRINDIN E Aggi Ásgerð Ásgeirsdóttir