hósdagur 21. september 2017síða 24

FRÍGGJADAGUR 22. SEPTEMBER 2017 SOSIALURIN 110 24 TRÓNDUR ARGE – SARPUGERÐI, GØTA T o p p d y s t u r i n mill­um nummar eitt og tvey í landskappingini, Víkingur og KÍ, endaði við málleysum javnleiki. Tað er ein sigur fyri leirvíkingar og gøtufólk, tí liðið er nú fimm stig fremst í landskappingini, nú tað bara resta fýra umfør. Máltalvan og spælið kundi bent á ein fusara av ein­um toppdysti, men talan var um tvey lið, sum løgdu nógv fyri og fleiri ferðir lógu menn eftirá. Ikki tí talan var um ein óndsinnaðan dyst, men tí hetta er helst týdn­ ingarmiklasta upp­gerð­in, ið er eftir av hesum kapp­ingar­ árinum. Víkingur til null Undan dystinum var Víking­ ur fimm stig framman fyri KÍ. Tí kann heimaliðið liva við javnleikinum, tá tá spælararnir renna inn á vøllin. Flestu tippingarnar und­an dystinum eru eis­ ini ein javnleikur. Ein mál­ fátækur javnleikur millum tvey lið, sum hava styrkina í kropsstrykini og skipaða spælinum. Við Sorin Anghel og Gunnar Vatnhamar á vengr­ un­um er talan um “Evropa- uppstillingina” hjá Víkingi, meðan KÍ valdi at halda fast í 4-4-2 við Pálli A. Klettskarð og Albert Adu í álopinum. Í verjustøðu stóð Víkingur sterkt, men tvær ferðir stóð nógv á. Miðskeiðis í fyrra hálv­leiki stútaði Jákup B. Andeasen upp um úr stuttari fjarstøðu, meðan Elias Ras­ mus­sen stórbjargaði, tá Albert Adu stútaði innlegg niður í svørðin stutt fyri tíð. Sámal Erik Hentze, venj­ ari hjá Víkingi, legði stóran dent á, at Víkingur spældi fyri at vinna. Tað sást eisini eina løtu í seinna hálvleiki, tá Víkingur sett skjótt í gongd, tá teir annars kundu havt drálað. Hinvegin, so vístu sein­ astu minuttirnar eisini, at Víkingur hevði tað betri við javnleikinum, tí KÍ trýsti. Víkingur greiddi sína støðu sum oddalið – og helt til null. KÍ spældi sín møguleika Eftir dystin var Sámal Erik Hentze, venjari hjá Víkingi, bersøgin og segði helst ov nógv, tá hann kallaði spælið hjá KÍ fyri “heiladeytt”, tí teir bara sparkaðu langt. KÍ og Mikkjal Thomassen hava í seks royndum í lands­ kappingini ikki tapt fyri Víkingi, so teir kongabláu vistu hvat teir gjørdu, tá teir ikki spældu bóltin runt á mið­vøllinum. Tað er har Víkingur hevur sína stryki, tá teir pilka bóltin og fara í mótálop. Ein líknandi støða, stutt fyri tíð, mundi eisini køvt seinastu vónina um spenn­ing í FM stríðnum, men Gunnar Vatnhamar skjeyt uppum. – Teir hava nakrar snildar spælarar á miðjuni, sum duga væl at vinna bóltin og fara í mótálop. Tí spældu vit meiri beinleiðis fótbólt í dag, viðgongur Jonas Flindt Ras­ mussen, liðskipari hjá KÍ. KÍ kom til tveir stórar møguleikar, umframt nakrar góðar støður í opnum spæli. Í hinum endanum kom Vík­ ing­ur bara til tann eina møgu­leikan hjá Gunnari Vatn­hamar, meðan restin var upp á deyðbóltar. Hevði Albert Adu stútað bóltin í málið stutt fyri tíð, hevði eftirmælið hjá KÍ verið, at liðið spældi sín møguleika og vann. Nú er eftirmælið, at KÍ partvís spældi sín møgu­ leika, men vann ikki. Seks ferðir og ongan sigur Seinastu tvey árini hava Víkingur og KÍ verið topp­ liðini í føroyskum. Seks ferðir hevur Sámal Erik Hentze spælt móti KÍ og Mikkjali Thomassen. Eitt sindur merkisvert er, at Víkingur ongan dyst hevur vunnið, men vann FM í fjør, og er væl á veg at vinna tað aftur í ár. Av teimum seks dystun­ um í landskappingini sein­ astu tvey árini hevur KÍ vunn­ið tríggjar, meðan trígg­ ir eru endaðir við javnleiki. KÍ vann allar í fjør, 2-0, 2-0 og 2-1. Í ár eru teir endaði 2-2, 1-1 og nú 0-0. Víkingur vinnur FM Tað er ilt at síggja hvar Vík­ ingur skal tveita FM vekk. Liðið hevur heimadystir móti TB/FCS/Royn og EB/ Streymi, og útidystir móti ÍF og NSÍ. Av hesum er tað serliga dysturin í Runavík, sum sær torførur út, og tá hevur Víkingur ráð at tapa hann. Umframt tað, so skulu B36 og KÍ eisini vinna allar sínar dystir. Tey møtast millum annað í næst seinasta umfari, so har fellur annar parturin – um ikki teir spenna bein fyri hvørjum øðrum. Víkingar, Atli Gregersen og Sámal Erik Hentze kunnu renna undan sum teir vilja, men alt bendir á, at Víkingur aftur vinnur FM í ár. trondur@sosialurin.fo VÍKINGUR HEVUR LÆTTAR DYSTIR EFTIR Víkingur er fimm stig fremst og hevur eina betri málúrtøku enn KÍ og B36. Tí kann Víkingur helst bæði tapa ein og spæla ein javnan, og framvegis vinna FM. Tað er ilt at síggja hvar Víkingur skal tveita FM vekk. Liðið hevur heimadystir móti TB/FCS/Royn og EB/Streymi, og útidystir móti ÍF og NSÍ. Hinvegin, so mundu klaksvikingar hugsa tað sama í fjør, tá tveir dystir vóru eftir. Elias Rasmussen og Víkingur hava eina hond á FM- steypinum, sum longu stendur í Sarpugerði frá í fjør. Tað skuldi ein stór bjarging til, at halda KÍ vekk frá FM-heitinum í ár. Sámal Erik Hentze hevur ikki vunnið á KÍ í landsdkappingini sum venjari hjá Víkingi, men hann vinnur nokk FM á øðrum sinni Fótbóltur Dysturin hesa vikuna... Spælarametingar 1: Avrikið er út av lagi vánaligt og kostar dystin 2: Avrikið er vánaligt og dystaravgerandi 3: Avrikið er væl undir miðal og tað sæst aftur á liðavrikinum 4: Avrikið er undir miðal, men ikki avgerandi 5: Avrikið er miðal og spælarin røkir tær uppgávur hann skal 6: Avrikið er beint yvir miðal 7: Avrikið er yvir miðal og tað sæst aftur á liðavrikinum 8: Avrikið er væl yvir miðal og spælarin er avgerandi 9: Avrikið er framúr og spælarin er dystaravgerandi 10: Á landsliðið og seldur í morgin! Víkingur vann 0-0: VÍKINGUR EINA HOND Á