týsdagur 26. september 2017síða 63

SEPTEMBER 2017 Lýsingablað frá Miðlahúsinum 31 HONDBÓLTUR 2017-2018 SOSIALURIN Stjørnan bjarta framtíð Síðani kvinnukappingin bleiv skipa í 1943, hevur Stjørnar ogna sær næstflest føroyameistaraheiti. Serliga síðani aldarskifti hava tær reyðu úr Klaksvík verið partur av oddinum í føroyskum kvinnuhondbólti Heili 13 ferð hevur Stjørnan ver­ið í steypafinaluni, harav nýggju fer á rað frá 2004 til 2012. Sjey steypa­finalu­ sigrar og átta føroya­meistaraheiti eiga Klaksvíks­kvinnurnar, men síðani 2012 hevur Stjørnan ikki megna at gjørt seg galdandi í toppstríðnum. Ættarliðsskifti Una Váðklett leikti sín fyrsta dyst fyri Stjørnuna í 1998 sum 15 ára gomul, og hevur síðani tá verði ein av berandi kreftunum, bæði í góðum og hørðum tíðum. Hon hevur síðani í fjør siti í nevnd­ini hjá Stjørnuni. – Tey árini tað hevur eydnast so væl hjá okkum, hava vit haft eina góða lokala stammu á liðinum, umframt ein ella tveir góðar útlendskar leikarar. Eftir mong ár í oddinum høvdu vit eitt heldur ullint ár í 2013. Tað kom eitt ættarliðsskifti har nógvar av ber­ andi kreftunum góvust, umframt at vit mistu nógvar leikarar, eitt nú til barnsburð, lestrarørindi og skaðar. Fyri at gera ilt verri, vóru vit eitt sindur óheppin við teimum nýggju útlendsku leikarunum, og onkur bleiv sendur heim aftur. Tað eru altíð leikarar sum fara niður at lesa, gerast við barn ella okkurt triðja, men vanligt er at tað eru nokk av leikarum at seta við, men so var ikki hetta árið, sigur 35 ára gamla Una Váðklett. Ungdómsarbeiði – Vit hava kanska ikki haft nóg gott ungdómsarbeiði hesi árini, tá tað koyrdi so væl í fremstu kvinnudeildini. Tað vóru ikki nokk av ungum at seta við hesi seinnu árini, og ofta stóð illa til við at finna fólk, bæði vegna góðsku og til dømis lestrarørindi. Tað sæst aftur við at vit í dag nærum ongan spælara hava ímillum meg á 35 og Judit á 25, og í fleiri umførum hevur verið neyðugt at biðið um eyka­ loyvi til ungar leikarar, heldur royndi striku­spælarin. Nýggjan venjara Fyrsta oktober í fjør byrjaði Per Klarup sum nýggjur venjari hjá Stjørnuni. 55 ára gamli danin hevur drúgvar royndir sum venjari í Danmørk. Hann er bjartskygdur og málið fyri komandi kappingarár er greitt. Betri enn í fjør. Stóra framgongd – Eg haldi, at bara síðani í fjør tá eg sá tær fyrstu fer, hava genturnar flutt seg ótrúliga nógv. Bæði tekniskt og taktiskt, men eisini fysiskt. Genturnar hava víst undranarverdan eldhug at spæla hondbólt og læra, og hetta hevur verið avgerandi fyri okkara fram­gongd. Frá at ikki reiðuliga at hava nakað endamál við spælinum, sær man nú eitt klárt spælisnið. Bjarta framtíð Hóast eitt heldur dapurt tíðarskeið seinastu fimm árini, tá hugsa verður um heiðursmerkið, er við at koma vend í hjá Klaksvíkingum. Fleiri góð úrslit vóru at hóma undanfarna ár, men sólskinssøgurnar vóru ivaleyst føroyameistaraheitið hjá gentum 17, og landsliðsúttøkan hjá 19 ára gomlu Tóru Eliasen. – Tað var fantastiskt síggja Tóru (Eliasen, red.) á landsliðinum. Eitt var at hon bleiv úttikin, men eg meini heilt avgjørt at hon gjørdi ein góðan figur tá hon kom inn á vøllin hóast sín unga aldur. Hon var serliga stinn í verjuni, men megnaði eisini væl at fylgja við í álopinum. Tá tað er sagt, haldi eg ikki, at vit skulu dúva uppá hennara evnir eina. Vit hava ein breiðan hóp við eini rúgvu av góðum leikarum, bæði av reimum meira royndu og nakrar sum koma upp úr ungdómsdeildini, heldur Per Klarup sum stendur á odda fyri Stjørnuni annað árið á rað. Væl eydna venjingarlega – Vit vóru í venjingarlegu í Danmørk í eina viku har vit spældu ímóti trimum donskum liðum. Fyrst spældu vit javnt 23-23 ímóti Lammefjorden, taptu 24- 21 ímóti Ajax og taptu til endans 25- 22 ímóti Rødovre. Vit nýttu allar 19 leikararnar í øllum trimum dystunum, og rukku tí endamálinum við venj­ ingar­leguni, sum var at fáa allar í dysta­rvenjing. Hetta tí at eg haldi at tað er týðandi at allir leikarar eru væl fyri, um enn tær spæla í 1. deild, hvonn deildini ella í ungdómsdeildini. Tí fóru vit ikki inn til dystirnar fyri at vinna óansæð hvat, men fyri at menna allan hópin, sigur royndi danski venj­ arin. Málið hjá Stjørnuni í ár er púra greitt, tær skulu vera betur enn í fjør, og tí ivast Per Klarup ikki eina løtu í at tær kunnu megna. – Vit skulu ogna okkum fleiri stig enn tey seks vit fingu í fjør, og tað haldi eg avgjørt at vit kunnu. Eftir teir fyrstu fimm dystirnar ímóti Neistanum, Víf, VB, StÍF og H71 skulu vit hava 5 stig á kontuni og tað haldi eg at eg kann siga uttan at dvølja, endar Per Klarup. VENJARAR Per Klarup og Carsten Andersen MÁLVERJAR Raluk Ungureanu, Annika Magnusdóttir Arge, Lone Høeg Bejer og Jetta Svøðstein ÚTILEIKARAR Anna Jakobsen, Edit Johnson, Ella Samson, Hanna Brandal, Hervør Olsen, Ingrid Jógvansdóttir, Jansy Jacobsen, Jórun Bech Nielsen, Judith Dam-Jacobsen, Katrin Bertelsen, Kristina Poulsen, Marið Heimustovu, Mina Naomi Sirdal, Miriam Berhuelsdottir, Monika P. Jacobsen, Paula Leivsgarð Joensen, Sonja Lava Sirdal, Tóra Eliasen og Una Váðklett