hósdagur 28. september 2017síða 30

VINNUBLAÐIÐ HJÁ MIÐLAHÚSINUM September 2017 6 1 Súsanna Sondum er virkandi stjóri Meðan stjórin, Theresa Turidardóttir Kreutzmann, er í farloyvi, skal Súsanna Sondum stjórna Visit Tórshavn Fríggjadagin 1. september 2017 fór Theresa Turiðardóttir Kreutzmann, stjóri á Visit Tórshavn, í farloyvi fram til 1. februar 2018. Hetta tíðarskeiðið verður Súsanna Sondum virkandi stjóri á Visit Tórshavn. Theresa Turiðardóttir Kreutzmann tók við stjórastarvinum á Visit Tórshavn eftir Ingigerð á Trøðni 1. oktober 2011. Súsanna Sondum hevur starvast á Visit Tórshavn síðani 2003. Arbeiðsuppgávurnar hjá Visit Tórshavn eru m.a. at kunna um Tórshavn bæði innan- og uttanlands, veita upplýsingar og ráð til borgarar og ferðafólk, menna ferðavinnu, hava uppsýn við kampingplássinum í kommununi og at samskipa mentanar- og vinnutiltøk í Tórshavnar kommunu. Í juli 2016 flutti Visit Tórshavn úr H. N. Jacobsens bókhandli niðan í gamla bankabygningin í Steinatúni. Á Visit Tórshavn eru fimm fólk í fulltíðarstarvi. Ferðavinna Skulu menna ferðavinnuna í Suðuroy TÆR HAVA Í STÓRAN MUN MYNDAÐ HAVNINA OG FERÐAVINNUNA Í HAVNINI Í MONG ÁR, MEN KOMANDI ÁRIÐ VERÐUR TAÐ SUÐUROYGGIN, SUM FÆR ÁGÓÐAN AV TEIMUM BÁÐUM Dánjal av Rana Ingibjørg Berg, fyrrverandi kommunustjóri í høvuðsstaðnum, og Theresa Turidardóttir Kreutz­mann, stjóri í Visit Tórshavn, skulu kom­andi 15 mánaðirnar menna ferðavinnuna í Suðuroynni. – Verkætlanin er eitt samstarv millum Tvør­oyrar kommunu, Hvalbiar kommunu og – um áhugi er fyri tí – eisini aðrar kommunur í Suð­ur­oynni og CommIT um at skipa ferða­ vinn­una, sigur Ingibjørg Berg. CommIT er ráð­gevingarfyritøkan hjá Ingibjørg Berg og Theresu Turidardóttir Kreutzmann. CommIT legg­ur serliga dent á ráðgeving innan ferða­ vinnu og økismenning. Sum øll vita, er talið á ferðafólki, sum koma til Føroya vorðið ovurstórt seinastu árini, men misjavnt er, hvussu tað verður býtt um landið. Með­an ein stórur riðil vitjar høvuðsstaðin, Vág­arnar og norðara part av Eysturoynni, eru tey munandi færri, sum leggja leiðina umborð á Smyril og suður um Suðuroyarfjørð. Nógv verður tosað um, hvussu føroyingar og Føroyar skulu fáa sum mest burtur úr ferðafólkunum og hvussu ein ferðafólkavinna kann mennast ymsa staðni í landinum. Hetta er nakað av tí, sum tær báðar skulu hjálpa til við í Suðuroy. – Suðuroyggin hevur nógvar møguleikar í ferða­vinnuhøpi. Summir eru mentir fyri ein part, meðan aðrir møguleikar enn ikki eru ser­ liga sjónligir. Avbjóðingin hjá Suðuroynni er at fáa fatur á sínum parti av stóra ferða­fólka­ vøkstr­inum og gera ferðavinnu til eina virkna vinnu í økinum, sigur Ingibjørg Berg, sum ikki ivast í, at ferðavinnan kann gerast ein virð­ is­mikil framtíðar vinnuvegur í Føroyum, um rætt verður borið at. Skal koma suðringum til góða Tær báðar siga, at tað skal vilja meiri enn van­ liga væl til, um slíkt skal koma av sær sjálv­ um. Og umframt at økja um inntøkurnar er eisini neyðugt at minka um óynskt árin á nátt­úruna av ferðafólkum. – Tí er neyðugt at gera eina yvirskipaða ætl­an, sum í fyrstu atløgu setir nøkur mál fyri, hvussu ferðafólk fáast at vísa økinum størri áhuga, og hvussu til ber at tryggja, at tey sum búgva og virka í økinum fáa sum mesta nyttu og sum minst av óynsktum árinum burturúr hesi í landshøpi nógv vaksandi vinnu, sigur Ingi­bjørg Berg. Tær halda, at kommunurnar hava ein sjálv­sagdan leiklut í hesum høpi, men at tað kort­ini eru einstakir aktørar, sum skulu skapa til­boðini. – Kommunurnar skulu ikki fara inn í ferða­ vinnuna, men tær kunnu kveikja, birta upp­ undir, skapa røttu fortreytirnar, og hjálpa ymsu aktørunum, sum so ella so eru á ferða­ vinnu­økinum, teimum, sum eru á veg, at finna saman, samskipa tilboðini, seta krøv og stuðla undir, at tey menna seg meira miðvíst, sig­ur Ingibjørg Berg. Endamálið við samstarvinum millum komm­unurnar og CommIT er at framleiða ein ferðavinnupolitikk, sum yvirskipað leggur leið­ina, sum kommunurnar ynskja at ganga. – At gera eina framtíðarætlan við ítøki­lig­ um átøkum, sum skal fremja og skipa ferða­ vinnu trygt og skynsamiliga við vinningi og trivn­aði fyri tey, sum búgva og virka í økinum. Og at skapa karmar fyri einum alternativum vinnu­vegi fyri tey, sum ynskja at bjóða seg fram sum veitarar til ferðavinnuna í økinum. Hetta ber bara til, um vit klára at skapa tryggar, dygg­ar og støðugar tænastur til ferðafólkini, sum vitja økið, sigur Ingibjørg Berg. Onkur tilboð til ferðafólk eru longu í oynni, með­an aðrir eyðsæddir møguleikar eru eisini. – Í fyrstu atløgu verður tað ein týðandi part­ur av uppgávuni at lýsa, hvørjar styrkir longu eru, og hvørjir aðrir strategiskir møgu­ leik­ar eru á ferðavinnuøkinum, og gera greitt hvørj­ar leiklutir kommunurnar kunnu hava í hes­um høpi, sigur Ingibjørg Berg. Verkætlanin byrjar í september 2017 og end­ar í desember 2018, men átøk verða sett í verk so hvørt tey eru klár.