hósdagur 28. september 2017síða 54

VINNUBLAÐIÐ HJÁ MIÐLAHÚSINUM 30 September 2017 1 Vit hoyra ofta, at føroyska ferðavinnan verður borin saman við ta íslendsku. Men her er stórur munur. Talið á útlendskum gistingum í Íslandi lá í fjør á 4.571.713 náttum. Sama tal í Føroyum var 114.646 nætur. Tað vil siga umleið 39 ferðir fleiri enn í Føroyum. Fólkatalið í Íslandi er umleið seks ferðir fólkatalið í Føroyum. Neyðugt er at sláa fast, at eksplosivi vøksturin í ferðavinnuni í Íslandi seinastu árini ikki kann samanberast støðuna í Føroyum, sigur Ferðavinnufelagið – Ítøkiliga vísa gistinarhagtølini hjá Hagstovuni eina øking á 9% í ár samanborið við sama tíðarskeið í fjør. Vit hava tískil framvegis ein gyltan møguleika nú at skipa ferðavinnuna, soleiðis at hon kann mennast burðardygt til frama fyri allar føroyingar, heldur Ferðavinnufelagið Ferðavinnufelagið Ferðavinnan kann skapa vøkstur og trivnað í pørtum av landinum, har virksemið annars er minkandi. Ferðavinnan økir um arbeiðsfjøldina, betrar um búskaparliga vøksturin og skapar spennandi nýggjar tænastur, sum føroyingar eisini kunnu njóta gott av, eitt nú eina ríkari matstovumentan. Talan er somuleiðis um eina rættiliga støðuga vinnu, sum ikki verður stórvegis ávirkað av búskaparligu gongdini annars. Soleiðis sigur Ferðavinnufelagið í almennari áheitan nú um dagnar: – Týdningarmikið er tó við skipaðum viður­ skiftum, soleiðis at øll kenna seg trygg. Tørvur er á samskipan og menning. Eingin ivi um tað. Náttúran er okkara tilfeingi, og henni skulu vit fara væl við, annars verður ongin ferðavinna. Greiða má eisini fáast á reglugerðini um gongd í haga. Gjald ella ikki gjald: neyðugt er við greiðum, alment og landsfevnandi reglum at halda seg til. Føroyar hava nakrar gimsteinar, sum flest øll ferðafólk ynskja at uppliva. Neyðugt er at taka serlig atlit til hesi øki og skipa tey í tøttum samstarvi við staðbundnu íbúgvarnar, soleiðis at ferðafólkavitjanir gerast ein fongur heldur enn ein bági fyri hesi støð. Í hesum døgum verður ofta samanborið við Ísland, sum hevur havt ein sera stóran vøkstur í ferðavinnuni seinastu árini, men skulu vit samanbera við Ísland, má samanberingin setast í rætt høpi. Talið á útlendskum gistingum í Íslandi lá í fjør á 4.571.713 náttum. Sama tal í Føroyum var 114.646 nætur. Tað vil siga umleið 39 ferðir fleiri enn í Føroyum. Fólkatalið í Íslandi er umleið seks ferðir fólkatalið í Føroyum. Neyðugt er at sláa fast, at eksplosivi vøksturin í ferðavinnuni í Íslandi seinastu árini ikki kann samanberast støðuna í Føroyum. Tíðliga í summar varð ein heildarætlan fyri ferðavinnuna løgd fram við fleiri góðum til­mælum um, hvussu ferðavinnan skal skip­ ast frameftir. Høvuðstilmælið var menningar­ deild­in, sum skal setast á stovn, ið skal stuðla undir og samskipa ferðavinnutilboð kring landið. Ferðavinnufelagið vónar, at fyri­ reikandi arbeiðið gongur, sum ætlað, og at menningardeildin fer at virka sum skjótast, utt­an at skavað verður av núverandi játtan til verandi virksemið. Politiska skipanin stuðlar ferðavinnuni við tí endamáli at geva før­oyska búskapinum fleiri bein at standa á. Hesar íløgur byrja at síggjast aftur í beinleiðis inntøkum og arbeiðsplássum um allar Føroyar, men før­oyska ferðavinnan er enn í sínum barna­ árunum og hevur framvegis tørv á at vaksa fyri at at gerast ein súla undir føroyska búskap­ in­um. Samstundis er stórur tørvur á nágreiniligum hagtølum fyri, hvussu nógv ferðafólk koma til Føroya, og hvaðani tey koma. Sjøtul skuldi setast á hetta arbeiðið longu í ár, so vónandi kunnu vit gleða okkum til at fáa nágreinilig hagtøl yvir ferðafólkini í Føroyum heilt skjótt. Verandi støða við bert gistingartølum er ikki haldgóð, og um vit skulu vita og ikki gita, eru góð og nágreinilig hagtøl tí av alstórum týdn­ ingi. Ferðavinnufelagið gleðist um jaligu gongd­ ina seinastu árini, har áhugin fyri Føroyum sum ferðamannalandið er vaksin. Ítøkiliga vísa gistinarhagtølini hjá Hagstovuni eina øking á 9% í ár samanborið við sama tíðarskeið í fjør. Vit hava tískil framvegis ein gyltan møguleika nú at skipa ferðavinnuna, soleiðis at hon kann mennast burðardygt til frama fyri allar føroyingar, heldur Ferðavinnufelagið. Tað eru Árni Olsen, formaður, og Henny á Líknargøtu, næstforkvinna í Ferðavinnu­fe­ lagnum, sum hava skrivað undir áheitanina. – FÆR FERÐAVINNAN RØTTU KARMARNAR AT VIRKA UNDIR, KANN HON SKAPA STÓRT VIRÐI FYRI ALLAR FØROYINGAR, HELDUR FERÐAVINNUFELAGIÐ, SUM HEITIR Á MYNDUGLEIKARNAR UM AT SETA HEILDARÆTLANINA FYRI FERÐAVINNU Í FØROYUM Í VERK Ferðavinnufelagið Heildarætlanin setast í verk Tróndargøta 18 FO-512 Norðragøta Tel 47 77 33 etv@etv.fo etv.fo PROJEKTERING OG INSTALLATIÓN EFTIRLIT OG VIÐLÍKAHALD SØLA OG BÍLEGGING ORKUSPARANDI LOYSNIR SKIPANIR OG STÝRINGAR TALVU- FRAMLEIÐSLA EL TALVUR AUTOMATIÓN OPTIMERING