týsdagur 3. oktober 2017síða 36

SOSIALURIN OKTOBER 2017 12 Hesar síðurnar eru fíggjaðar av MAKARS GOURMET MASH BAR Ein framúr góð matstova, ið hevur fleiri eyðkendar skotskar rættir á matarlepanum. Matstovan í North Bank Street er ikki stór, men hon er serstakliga hugnalig, og prísirnir eru avgjørt kappingarførir í mun til góðskuna á matinum. Mash er enska orðið fyri eplamorl, og júst eplamorl verður borðreitt við flestu rættunum á matstovuni. THE SCOTTISH WHISKEY EXPERIENCE Beint við Edinburgh Castle liggur The Scottish Whiskey Experience, ið er eitt stað, har tú kanst fáa alt at vita um søguna hjá skotskum whiskey, og har tú eisini finnur helst størsta úrvalið av whiskey til keyps í Edinburgh. Talan er um eina ferðafólka-attraktión, har man til dømis kann fáa eina rundferð í whiskey-søguni, meðan man situr í eini hálvari whiskeytunnu, og man kann eisini sleppa at royna alskyns sløg av skotskum whiskey. Ein serlig uppliving, ikki minst fyri ein whiskeyelskara. ARTHURS SEAT Er veðrið til vildar, so er Arthurs Seat eina vitjan vert. Arthurs Seat er hægsta punkt á einum lítilum fjalli mitt í Edinburgh. Staðið liggur í eini 250 metra hædd og er eitt av fyrstu bústøðum í skotska høvuðsstaðnum, og útsýnið av Arthurs Seat út yvir Edinburgh er heilt fantastiskt. Gongutúrurin niðan á Arthurs Seat tekur umleið ein hálvan tíma, og talan er um ein lutfalsliga lættan túr, sum er tað verdur. DEACON BRODIES TAVERN Hevur tú hug at vitja eina klassiska pub, so er Deacon Brodies Tavern á The Royal Mile eitt gott boð. Talan er um eina sera hugnaliga pub við øllum tí, sum har til hoyrir, og hví ikki fara inn á pubbina mitt um dagin og keypa ein fisk og kips, sum valla fæst betur í Edinburgh. Terji Nielsen Tað er skjótt og einfalt at fara ein túr úr Føroyum til Edinburgh á vitjan. Atlantsflog hevur beinleiðis fráferð úr Føroyum til skotska høvuðsstaðin, sum við sínum okkurt um 500.000 íbúgvum er ein stórbýur við øllum tí, sum har til hoyrir, men sum so sanniliga eisini hevur eina rúgvu av søgu og mentan at bjóða fólki. NÓGV SØGA Tey allarflestu hava hoyrt um Edinburgh Castle, sum er ímyndin av sjálvum býnum. Gamla borgin í skotska høvuðsstaðnum liggur á einum fjalli mitt í býnum, og tað er hendan borgin, ið hevur givið býnum sítt navn, tí Edinburgh merkir “borgin á fjallinum”. Stóra borgin er eisini tað staðið í Edinburgh, har flest ferðafólk vitja, og árliga vitja umleið 1,5 milliónir ferðafólk borgina. Edinburgh Castle liggur við ovara enda á helst kendastu gøtuni í Skotlandi, The Royal Mile, sum er eitt míl til longdar, og sum gongur frá Holyroodhouse Palace, ið er almenna slottið hjá bretsku drotningini í Skotlandi, og niðan á Edinburgh Castle. Hendan gøtan liggur í gamla býarpartinum í Edinburgh, sum liggur beint sunnan fyri høvuðsjarnbreytarstøðina, Waverly Station, og tað er serliga í hesum økinum, at tú finnur tær gomlu hugnaligu pubbirnar og ikki minst fleiri av teimum sermerktu bretsku testovunum. GOTT SAMBAND OG NÓGVIR MØGULEIKAR Sum áðurnevnt er gott flogsamband til Edinburgh úr Føroyum, men eisini tá ið man er komin til flogvøllin í Edinburgh, er sambandið gott inn til sjálvan býin. Eitt nú koyra teir eyðkendu “trams”, ið eru eitt slag av sporvognum, hvønn sjeynda minutt inn í miðbýin fyri ein sera sámiligan penga. Umframt alt tað søguliga, sum Edinburgh hevur at bjóða, so hevur býurin eisini nógvar shoppingmøguleikar á kendu handilsgøtuni Princes Street ella í einum av fleiri handilsmiðdeplum í býnum. So alt í alt er eingin orsøk at keða seg, um man leitar sær til skotska høvuðsstaðin eitt langt vikuskifti. Tí Edinburgh hevur okkurt til øll! Edinburgh osar av søgu og hugna SAMBANDIÐ ÚR FØROYUM ÚT Í HEIM GERST BARA BETRI OG BETRI, OG MØGULEIKARNIR ERU FLEIRI OG FLEIRI. EITT AV FERÐAMÁLUNUM ER SKOTSKI HØVUÐSSTAÐURIN EDINBURGH, SUM AVGJØRT ER EIN VITJAN VERDUR Vit viðmæla: