mánadagur 9. oktober 2017síða 14

Mánadagur 9. oktober 2017 · Nr. 117 14 Sosialurin Hugskot og viðmerkingar – send sms til 225000 Jóannes Hansen Tað var gleimur og kæti, tá ið dómarin bríkslaði fyri síðstu ferð í FM finaluni millum kvinnurnar í EBS/Skála og KÍ. Talvan vísti 2-2, og harvið er EBS/Skála føroyameistari í 2017. Hetta er merkisvert, tí síðani 2000 er tað bara KÍ, sum hevur vunnið FM. Pallurin var framúr í góðveðrinum á nýggja vølli­ num í Hólmanum á Eiði. Áskoðarafjøldin var sjáld­ sama stór, tá ið talan var um kvinnudyst, og róm­ur­ in og fagnaðurin mill­um heimafólkið mundi ongan enda tikið, nú tað var greitt, at EBS/Skála á fyrsta sinni hevur vunnið steypa­kapp­ ing­ina og á fyrsta sinni meistara­heitið og harvið greipu­na. Fýrverkið dundi og glitr­ aði, tá ið nýklaktu meistar­ar­ nir við gullkrónum um hálsin sungu Vit eru greipu­vinnar­ ar og We are the champions sum um, at hetta høvdu tær so ofta roynt áður. Liðformaðurin Ansy Sev­ dal, sum hevur verið drív­ meg­in á miðvøllinum, var ógvu­liga fegin, tá ið hon hevði tikið ímóti steypinum, og tað var ikki frítt, at tárini runnu: -Hetta havi eg droymt um, síðani eg fór at spæla fót­bólt fyri nú nógvum ár­ um síðani. Vit hava ikki so nógvar royndir at spæla so týdningarmiklar dystir, og kanska vóru vit fyrstu løtuna darvaðir av nervum. Men tá ið tær høvdu lagt seg framum, var tað ikki annað at gera hjá okkum enn at knýta nevarnar og stríðast og kempa alt tað, sum vit megnaðu, og tí betur eydnaðist tað longu undan steðgi­num at javna. Hóast vit løgdu okkum fram­um, so svaraðu tær aftur stutt undan leikloki, og tá stóð nógv á. Tað ráddi um at sparka bóltin so langt burt­ ur, sum tað bar til, og tað kendist so sera væl, tá ið dóm­arin bríkslaði fyri síðstu ferð, og tað var greitt, at vit høvdu koppað KÍ, sum hevur vunn­ið FM øll árini síðani 2000, sigur Ansy Sevdal. Gongdin Malena Josephsen legði seks minuttir undan steðginum KÍ framum, tá ið hon dygst undir málinum og við handara stólpa stýrdi bóltin í málið, eftir at Rannvá B. Andrea­sen hevði lagt innfyri við frísparki úr høgru. Lítla løtu undan steðgi­ num javnaði Heidi Sevdal. Hon sneiddi úr vinstru og fram­við tveimum, áðrenn hon sendi bóltin í handara síðu­netið. Tá ið tað restaði eitt lítið korter var Heidi Sevdal aftur uppá spæl. Í kapprenning við KÍ málverjan var hon eitt vet fyrri á bóltinum, sum hon prikaði framvið mál­ verjanum og síðani trillaði í tóma málið. Tá sá alt út til at vera av­gjørt, men KÍ vildi ikki geva skarvin yvir. Fýra ferð­ir hevði KÍ havt bóltin á stólpanum aftanfyri mál­ verjan hjá EBS/Skála, áðr­ enn tað eydnaðist at javna. Rannvá B. Andreasen setti úr stuttari fjarstøðu bóltin í málið. So var trýstið stórt á heimamálið, men tað eydn­ aðist EBS/Skála at sleppa undan trýstinum og harvið at vinna FM heitið. Ætla at svara aftur KÍ kvinnurnar vóru vón­ brotnar, nú tær eftir at hava vunnið FM øll árini síðani 2000 – tað er heimsmet at vin­na meistaraheitið seytjan ferð á rað – stóðu eftir við ongum. Men tær ætla ikki at gevast: -Vit vistu, at einaferð fór sigursrøðin hjá okkum at enda. Vit høvdu tó fegnar held­ur viljað, at tað var eftir átjan og ikki eftir seytjan FM. Vit eru so ofta spurdar, um tað er eins stuttligt at vinna FM hvørja ferð. Nú kunnu vit siga, at tað er einki stuttligt at tapa, sigur veteranurin og liðformaðurin Malena Joseph­sen, sum skoraði fyrra KÍ málið, og sum síðstu løtu­na fyri tað mesta var í brots­teiginum hjá mót­støðu­ liðnum, tá ið tað hjá KÍ snúði seg um at skora sigursmálið. -Hvørki vit ella onnur eru greið yvir, hvat tað er fyri avrik, vit hava megnað øll tey undanfarnu árini í hesi øldini. Fleiri av teimum, sum vit spæla saman við, vóru ikki føddar, tá ið vit vun­ nu FM fyri fyrstu ferð. Nú ræður tað um hjá okkum at halda fram við at menna liðið. Tað verður kanska lætt­ ari, enn tað hevur verið, tá ið tað støðugt hevur snúð seg um at verja FM heitið, sigur Malena Josephsen. Ætlar tú tær at gevast nú? -Tað er eingin orsøk til tað. Hóast eg eri fjøruti ára gomul, so kenni eg meg væl á vøllinum, og eg haldi meg klára meg væl. Vit fara nú at fyri­reika okkum at vera við í kapp­ingini um FM heitið næsta ár. Í KÍ leguni bar ikki til at seta fingur á hugburðin og av­rikið uttan tað, at margi­ nal­irnir vóru ikki við á tann hátt, at bólt­urin fleiri ferðir var á træ­verki­num kring málið hjá mót­støðu­liðnum. Lyklastøðan, sum var orsøk til, at 2-2 ikki bar átjan­ da FM heitið við sær, var, tá ið KÍ næstsíðsta sunnudag tapti 4-0 á heimavølli ímóti HB. Gyltu málini Eftir kappingarlok siga hag­tølini á faroesoccer, at Heidi Sevdal tilsaman hevur skorað 200 mál í lands­kapp­ ingini, síðani hon í 2005 fór at spæla í fremstu deildini. Tá umboðaði hon GÍ. Síðani hevur hon umboðað NSÍ í 2006, B36 í 2007 og 2008, Víking í 2009-2011, HB 2012- 2016, og í ár hevur hon spælt við EBS/Skála, og tað er eingin ivi um, at hon eigur sín stóra lut í, at tað nú eydnaðist at vinna FM heitið. Máltindurin sigur, at Heidi Sevdal í lands­kapp­ing­ ini hevur skorað 33 mál. Hon er sannførandi toppskjútti. Tær báðar næstu á talvuni eru KÍ veteranarnir Rannvá B. Andreasen og Malena Joseph­sen, sum hava skorað ávika­víst 19 og 15 mál. Toppskjúttin og tvífaldi málskjúttin var ovurfegin góð­veðursløtuna í Hólma­ num, tá ið sólin serliga skein á gullið og skreytið hjá greipu­vinnarunum: -Eg havi við fleiri liðum verið við til at jagstra óføru KÍ kvinnurnar. Tað er ongan­ t­íð eydnast fyrr. Nú eru vit bæði steypavinnarar og meistarar og kenslan er fram­úr. Eisini rokni eg við, at tað fer at hava týdning fyri kvinnu­fótbóltin, at vit nú hava vunnið greipuna, tí nú síggja hinar, at tað ber til hjá øðr­um liðum enn KÍ at vinna FM. Tað eigur at bera við sær, at kappingin verður javnari, enn hon hevur verið, heldur Heidi Sevdal. Venjarin mynstrar av Felagsliðið hjá EBS/Skála er mannað við spælarum, sum eru millum 15 og 29 ár. Nítjan ára gamla Durita Humme­ land hevur verið við í átjan av tjúgu lands­kapping­ar­ dyst­um. Hon fegnast um FM heitið, og hevur gott mót um, at EBS/Skála eisini næsta ár fer at vera við í topp­ stríðnum: -Síðani vit løgdu saman í 2013, hevur dreymurin verið at koppa KÍ, og nú eydnaðist tað. Hetta er ikki runnið upp fyri mær enn. Eg veit ikki um nakra, sum ætlar sær at gevast, so vit rokna við fram­vegis at hava nógvar spælarar og gott lið, sigur Durita Hummeland. Næsta summar hevur nýggja meistaraliðið møgu­leika at royna seg í euro­peisku meistara­ kapp­ing­ini. KÍ er einasta liðið yvirhøvur í Europa, sum á hvørjum ári hevur verið við í kappingini. Tað er greitt, at nýggjur venjari verður við róðr­ið næsta ár og harvið eisini, tá ið EBS/Skála fer at spæla í altjóða kappingini. Tvey tey seinastu árini hevur Erik Ernesto Nielsen verið venjari. Á heysti í 2015 varð hann settur í venjara­ starvið í tvey ár. Málið var at arbeiða fram ímóti, at EBS/Skála skuldi vera við í kappingini um FM og at vera partur av steypafinaluni. Nú bæði málini eru rokk­ in, er tað greitt, at venjar­in fer ikki at halda fram: -Saman við familjuni flyti eg av landinum nú. Tí er tað greitt, at tað verður onkur annar, sum næsta ár verður venjari hjá EBS/Skála, sigur Erik Ernesto Nielsen. -Avbjóðingin hjá mær hev­ ur verið at fáa spælar­ar­nar at trúgva uppá, at tað bar til. Í vikuni uppundir av­gerandi FÓTBÓLTUR GREIPAN HONGUR NÚ Í SUNDALAGNUM Mál nummar tvey hundrað var gullmálið hjá Heidi Sevdal, ið er suverenur toppskjútti hjá greipuvinnarunum, sum næsta summar fara at royna seg í europeisku kappingini - við nýggjum venjara