mánadagur 9. oktober 2017síða 16

Mánadagur 9. oktober 2017 · Nr. 117 16 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Budapest Tað var gott lag í flúgvara­ num, tá føroyska landsliðið saman við áskoðarum og leiðslu­num í føroyskum feløg­unum fór til Budapest leygar­kvøldið, eftir dystin móti Lettlandi. Sjey spælar­ ar vóru í vanda fyri at fáa leikbann, men ongin teirra fekk kort. Tí ert tað ein full­mannaður hópurin við millum annað Fróða Benja­ min­sen, sum nú fyrireikar seg til landsdystin móti Ungarn, sum verður týsk­ vøldið. Stríðsmaðurin á lands­lið­ num spælir sín fyrsta lands­ dyst í 1999, tá Føroyar spæla venjingardyst móti Íslandi. Hann takkaði fyri seg eftir EM 2016 undankappingina, tí ein skaði gjørdi um seg. Síðani fóru søgurnar at ganga, at toftamaðurin var sloppin av við skaðan og nú aftur er tøkur. Lars Olsen tók hann við og Fróði Benja­ minsen er enn partur av lands­l­iðnum. -Eg eri glaður fyri, at eg tók avgerðina um at halda fram, tí hetta hevur verið ein stuttlig undankapping, men eg haldi eisini at tíðin skjótt er búgvin til, at onkur ungur sleppur framat, sigur Fróði Benjaminsen. Hann vil tó ikki siga, um hann gevst á landsliðnum eftir dystin í Ungarn í annað­ kvøld. Samrøða við Fróða Benjaminsen Hví byrjaði tú aftur? FB: Tað gekk so mikið væl at koma fyri seg við skaða­ num, at tá boð vóru aftur eftir mær, so helt eg at eg skuldi taka av, tí tann mátin eg gavst upp á var øgi­liga keðiligur fyri mítt við­ komandi. Og tað er ein av­ gerð eg eri glaður fyri. Tað er serliga mátin vit spæla upp á, sjálvt um tað eru úrslitini, sum hava alt at siga. Men í seinastuni hava vit fingið nógv av stigunum í dystum, har vit hava stýrt og tað er uppiborið at vit vinna. Hevur tú nakrantíð kent á tær, at tú ikki klárar at fylgja við meir? Eg hugsi ikki so nógv um eg klári meg væl ella ikki. Eg eri við og geri mítt besta og so er tað upp til landsliðsvenjaran. Higartil hevur tað verið, at eg havi spælt, men eg veit eisini, at fyri hvørt ár sum gongur, so blívur tað truplari. Vit hava eisini fleiri spælarar uttanlands, so kappingin um plássini blívur eisini harðari og harðir. Tað eru nógvir góðir spælarar og teir eru til reiðar at taka yvir eftir mær. Hevði tú tolt ein leikult, har tí partur minkar so hvørt? Tað má eg siga nei til. Eg havi sett mær fyri, at eg sjálv­ur skuldi finna hurðina. Kanska er tann tíðin komin nú, tá alt gongur væl og tú ert partur av hópinum. Tað er altíð brúk fyri royndum á einum liðið, men eg haldi eisini at teir spælararnir eru har í dag. Eg havi ikki hug at sita uttanfyri til síðst. Gevst tú eftir hendan dystin? Tá eg gavst, so gjørdi eg tað eisini uttan stórvegis hóva­ sták og soleiðis verður tað eisini hesaferð. Tú fær meg ikki at siga um tað verður nú ella ikki, men eg havi tikið eina avgerð. 100 – sigur tað tær nakað? Nei, tað er ikki nakað eg hugsi um, men eg haldi at eg veit at tú meinar hundrað dyst­ir. Sjálvandi ljóðar tað spennandi, men tá tú hevur verið so nógv vekk við lands­ liðnum í so nógv ár, so skalt tú hava eitt ótrúliga gott bak­land. Børnini krevja eisini sítt og tú kanst ikki vera til kappingar og annað hjá teimum. So tað er ikki akkurát tann partin eg hugsi so nógv um. trondur@sosialurin.fo Upptakt: ILT AT GITA LIÐIÐ Tað er torført at gita liðið hesa ferð, tí Lars Olsen tykist ikki hava tikið eina avgerð um hvussu hann vil spæla. Hallur Hansson og Sonni Ragnar Nattestad eru eymir, eftir at hava sitið uttanfyri við skaða, men kunnu spæla. Hinvegin, so vil Lars Olsen ikki trýsta teir í støður, sum kann ganga útyvir leiklutin í feløgunum hjá teimum. Lars Olsen sigur eisini, at hann kundi funnið upp á at spælt við trimum í miðverjuni, tí hann væntar at Ungarn spælir við tveimum áleyparum. Tað tykist fyri vist, at Róaldur Jakobsen ikki byrjar, tí hann er nokk tann spælarin, ið tolir ringast at spæla tveir dystir upp í slag. Ein gitin kundi verið, at verja verður broytt og Odmar Færø og Rógvi Baldvinsson koma inn fyri Sonna Ragnar Nattestad og Róald Jakobsen, meðan møguleika René Shaki Joensen kemur inn á miðjuna fyri Hall Hansson. FRÓÐI VIL EINKI SIGA Metmaðurin á føroyska landsliðnum, 39 ára gamli Fróði Benjaminsen, spældi leygardagin sín 93. landsdyst. Hann er fyrr bæði givin á landsliðnum og sum spælari, men fegnast um at hann hóast alt helt fram. Spurningurin er so, um hann spælir sín seinasta landsdyst nú?