mánadagur 9. oktober 2017síða 17

17 Mánadagur 6. januar 2014 · Nr. 2 Sosialurin Mánadagur 9. oktober 2017 · Nr. 117 Hugskot og viðmerkingar – send sms til 225000 Lars Olsen fjaldi eftir dystar­ lok leygarkvøldið ikki fyri, at hann ikki helt tað vera sam­ svarandi leikgongdini, at tað endaði málleyst millum Før­ oyar og Lettland. -Vit høvdu greiða yvir­ vág í spæli, og vit høvdu møgu­leikar at avgera okk­ um til fyrimunar. Tá ið tað ikki eydnaðist, so mugu vit fegnast um, at vit enn eina­ferð megnaðu at halda tætt og harvið um, at mót­ støðuliðið ikki skoraði, sigur landsliðsvenjarin, og hann heldur fram: -Vit arbeiddu nógv fyri at søkja møguleikan at skora málið, sum kundi bera sigurin við sær, og vit spældu okkum í góðar støð­ ur. Innskiftingarnar riggaðu væl, men tað endaði kort­ini málleyst. Tá ið vit hittust týsdagin, segði eg við spælar­ arnar, at nú skuldu við miðja eftir triðja plássi í bólkinum. Tí hava vit framvegis møgu­ leika fyri, nú Ungarn tapti 5-2 í Sveis. Treytin hjá okkum er, at vit skulu vinna í Budapest. Tað er stór avbjóðing, men hon er ikki ómøgulig, sigur Lars Olsen, landsliðsvenjari. Tá ið Ungarn var gestur í Føroyum sætta september í fjør, var úrslitið málleysur javn­leikur. Leygarkvøldið vann Portu­gal 2-0 á útivølli ímóti An­dor­ra, og Sveis vann 5-2 á heima­vølli ímóti Ungarn. Sveis er á odda í bólkinum við 27 stigum. Portugal er næst­fremst við 24 stigum, Ungarn hevur tíggju stig, og Føroyar hava níggju stig. Lett­land og Andorra hava fýra stig. Týskvøldið verður tíggj­ un­da og síðsta umfar: Portu­ gal-Sveis, Lettland-Andorra og Ungarn-Føroyar. Portugal hevur við sigri á heimavølli ímóti Sveis møguleika at spæla seg beinleiðis í HM enda­spælið í Russlandi næsta summar. Málmunurin hjá Portugal er +26, og hjá Sveis er hann +18. FÓTBÓLTUR LARS HEVUR IKKI GIVIÐ SKARVIN YVIR At Ungarn leygarkvøldið tapti 5-2 í Sveis ber við sær, at Føroyar framvegis hava møguleika at vinna triðja plássið Leygardagin var føð­ingar­ dagur í landsliðsleguni. Mál­ verjin, Gunnar Nielsen, fylti 31 ár. Hann syrgdi sjálvur fyri føðingardagsgávu á tann hátt, at tað ikki eydn­ að­ist mótstøðuliðnum at fáa bóltin í netið aftanfyri FH mál­verjan, sum var í lands­ liðs­búrinum fyri 42. ferð. Hetta var fimtu ferð í hesi undankappingini, sum er níggju umfør gomul, at føroyska liðið fór av vølli­ num, uttan at mál er farið ígjøgnum. -Tá ið hugsað verður um, hvørji mótstøðuliðini hava verið, so er tað óhoyrt, at før­oyskt landslið megnar fimm ferðir í somu kapping at sleppa av vøllinum, uttan at mál er skorað ímóti. Talan er ikki um hepni, tí tal­an hevur ikki verið um nógv­ar bjargingar. Vit hava hildið teim­um burtur frá møgu­ leik­um, staðfestir Gunnar Niel­sen, sum fegnast um verju­partin. Saman við lið­for­manni­ num Atla Gregersen iðrar Gunn­ar Nielsen seg um, at tað ikki eydnaðist at skora sigurs­málið. -Vit eru vónbrotnir um úrs­litið, men vit eru nøgdir við hugburðin og avrikið. Liðformaðurin, Atli Greger­sen, iðrar seg: -Ímóti Lettlandi vóru tað fleiri smá mistøk í verjuni, enn tað hava verið, men tey kost­aðu einki. Kanska var tað tí, at vit vóru grammari í framrættaða partinum, og vit iðra okkum um, at vit ikki megnaðu at skora sigurs­málið. Stuðulin frá við­halds­fjøldini í Skansa­ num var framúr. Møguliga var orsøkin, at vit so ofta vóru yvirmannaðir í góða saman­spælinum í síðunum, og so var eingin undir máli­ num. Men vit høvdu møgu­ leik­arnar at skora mál, og vit iðra okkum um, at tað ikki eydnaðist, sigur lið­for­ maðurin. Fýra tey seinastu árini hevur Viljormur Davidsen verið fastur maður á landsliðnum. Leygar­kvøldið umboðaði hann føðilandið fyri 22. ferð. Merkis­vert er tað, at hann allar 22 ferðirnar hevur verið á vøllinum alla tíðina. Hann er ongantíð skiftur inn í dystunum, sum hann hev­ur verið við í, og hann er ongan­ tíð skiftur út. Eftir dystarlok var kenslan tóm hjá vong­verja­ num, sum umboðar Vejle Voldklub í næstbestu donsku deildini, har Vejle er topplið: -Fyrsta løtan var eitt sindur trilvandi, men sjálvs­ álitið vaks skjótt, og tað bar við sær, at vit tordu at bjóða okkum til, og saman­ spælið riggaði væl. Vit høvdu møguleika at vinna øll stigini, og tað var sera huga­ ligt at spæla fram við síðuni, har áskoðararnir stuðl­aðu og bóru okkum fram. At tað so ikki eydnaðist at skora og harvið at vinna øll stigini ber við sær, at vit standa við tómari kenslu, var við­ merkingin hjá Viljormi Davidsen, og hann heldur fram: -Síðstu løtuna var tað av­ gerandi, at vit ikki lupu fram­ av, tá ið tað bæði snúði seg um at stríðast fyri at vinna og samstundis at ansa eftir, at vit ikki taptu. Aftur og aftur var Jóan Símun Edmundsson í brenni­deplinum. Hann var væl upplagdur í hug­flogs­ rík­um samanspæli. Hann var tryggur og kringur við bólti­num, tá ið hann bjóðaði mót­støðumonnunum av og ofta sneiddi framvið teimum. Og fleiri ferðir var spenn­ingurin kring vøllin stór­ur, tá ið Jóan Símun var í góðum støðum at skora mál og harvið at leggja Før­ oyar á sigurskós. -Vit høvdu fleiri risa­stór­ ar møguleikar, og tí er tað torført at fegnast um javn­ leikin. Vit vóru greiðir yvir, at tað var neyðugt við betri spæli enn ímóti Andorra, tí mótstøðuliðið var betri. Lið­ a­vrikið var væl betri, enn tað var ímóti Andorra, men tí­verri eydnaðist tað ikki at skora mál. Tað var ikki tí, at vit ikki spældu okkum til møguleikarnar. Eg hevði sjálvur fleiri upplagdar møgu­leikar, men í løtuni koppar tað ikki mær til fyri­munar. Soleiðis hevur tað síðani summarsteðgin verið í OB, og soleiðis var tað ímóti Lettlandi, sigur Jóan Símun Edmundsson. Hann hevur spælt 44 lands­dystir og skorað fimm mál. Ímóti Lettlandi vóru fleiri góðir møguleikar at skora sætta málið. -Kenslan var alla tíðina góð, tí vit høvdu yvirskot, og inn­til síðsta bríksl roknaðu vit við møguleikanum at vinna. Men tað vísti seg aftur og aftur at vera stong út. Nú vóni eg, at tað fer at gleppa, og at málini so fara at koma. Tað skerst tó ikki burt­ur, at hetta ávirkar. Eg royndi alla tíðina at hava fokus á næsta bóltinum, men tað tyngir, tá ið tað ikki eydn­ast at vinna úrtøku. Hetta hevur ikki verið árið hjá miðverjanum Sonna Ragnar Nattestad. Hann var skaddur alla fyrru hálvu, og nú hevur hann í nógvar vikur arbeitt fyri at fóta sær aftur í Molde, har hann ikki enn er komin aftur á besta liðið, sum spælir í norsku tippuliguni. Undan avbjóðingini ímóti Lettlandi leygarkvøldið hevði hann bara spælt á eykaliðnum hjá Molde, og hann hevur ikki verið boðsendur til teir fýra undankappingardystirnar, sum í ár hava verið undan hesum, sum var leygarkvøldið. -Hetta er fyrsti dysturin hjá mær á hægsta støði. Tíbetur vísti tað seg, at eg eri nóg væl fyri at spæla alla tíðina. Fyrstu løtuna royndu teir seg ofta við longum sendingum afturum Atla Gregersen og meg, og harvið vóru vit noyddir at renna nógv, sigur Sonni Ragnar Nattestad. -Vit fegnast um, at tað eydnaðist at halda tætt, men sjálvandi iðra vit okkum um, at tað ikki eydnaðist at skora avgerandi málið. Moralurin var góður, og vit rokna avgjørt við, at møguleiki er fyri at vinna øll stigini í Budapest, sigur Sonni Ragnar Nattestad. Jóan Símun var ofta á stongini Sonni Ragnar aftur í miðverjuni Hava stongt fimm ferðir Stórt sjálvsálit og tóm kensla Fremsti álopsspælarin ásannar, at marginalirnir hava ikki verið við honum síðani summarsteðgin Hóast hetta var fyrsta avbjóðingin á hægsta støði í ár, so kendi verjuspælarin seg at hava tak á tí Føðingardagsbarnið og liðformaðurin hava fokus á sannførandi verjuspælinum, og Atli Gregersen iðrar seg um, at tað ikki eydnaðist at geva óføra Skansanum sigurin Vongverjin í vinstru kendi seg bornan fram við síðuni av eldhugaðu áskoðarunum