hósdagur 12. oktober 2017síða 26

FRÍGGJADAGUR 13. OKTOBER 2017 SOSIALURIN 119 26 TRÓNDUR ARGE – GROUPAMA ARENA, BUDAPEST Við met nógvum stigum í eini undankapping, bjóðaði Føroyar Lettlandi og Ungarn av í seinastu dystunum í hesi HM undankappingini. Á Tórsvølli trýsta við Lettland og skuldu havt vunnið, men á vakra Groupama leikvøllinum í Budapest, standa vit eftir við ongum, tá dómarin bríkslar fyri seinastu ferð. Annan dystin á rað í Ungarn, er tað Dániel Böde, sum er bøðilin. Hann skoraði bæði málini, tá vit taptu 2-1 í 2015. Hesa ferð kom hann ikki í hálvleikinum og fekk eitt heppið mál, sum var ein avleiðing av, at føroyska liðið ikki megnaði at halda upp á bóltin í nýggju spælskipanini. Fýra broytingar Lars Olsen gjørdi fýra boytingar frá málleysan javnleikinum móti Lettlandi leygardagin, umframt at skifta spælskipanina. Sonni Ragnar Nattestad og Hallur Hansson blivu spardir, tí teir eru júst komnir aftur frá skaða. Somuleiðis blivu Viljormur Davidsen og Róladur Jakobsen valdir frá. Ári Mohr Jónsson fekk møguleikan, so Lars Olsen kundi síggja hann í dysti, meðan Róaldur Jakobsen ikki hevur orkuna at spæla tveir dystir upp í slag. Rógvi Baldvinsson og Odmar Færø fingu afturval til trý-mansverjuna, sum spældi móti Portugal og Andorra seinast. René Shaki Joensen kom inn á miðjuna, meðan Ári Mohr Jónsson kom inn á vinstra vongbakkin. Ungarn kroystir Undan dystinum hevði Ungarn tíggju stig, meðan føroyska liðið á fjórða plássi í bólkinum hevði níggju stig. Tað er trýst á venjaranum hjá Ungarn, Bernd Storck, sum er ein dýrur maður. Tí verður kravt av honum, at hann kemur við úrslitum. Eygleiðingar hjá Viggo Jensen, sepidara fyri landsliðið, og Tomislav Sivic, fyrrverandi venjara hjá feløgum bæði í Føroyum og Ungarn, so er Ungarn illa fyri í løtuni. Hóast tað, so var Groupama Arena næstan fullsett, tá spælararnir runnu inn á vøllin. Serliga handan annað málið vóru nakir mælskir áskoðarar, sum í løtuni hourdust betri enn teir 153 skrásettu áskooðararnir hjá Føroyum. Verjan stóð sterk Spælskipanin við trimum í miðverjuni ger at tað altíð er ein spælari fleiri í brotsteiginum, tá bóltarnir blíva sendir innfyri. Tí gekk eisini væl at rudda vekk. Odmar Færø stóð serliga sterkur í myndini, tí spælararnir hjá Ungarn kláraðu als ikki at slepa framvið honum. Sum heild spældi verjan ein sterkan dyst, tí Ungarn kom bara til onkran hissini málmøguleika í opnum spæli. Men sterka verjuspælið hevði ein prís, sum endaði við at kosta. Manglar ein spælstatión Tú skal ikki hava klárað teg serliga væl í rokning, fyri at klára at avlesa, at um ein spælari fleiri er í verjuni, so er ein minni longur frammi á vøllinum. Í hesi spælskipanini er tað framrættaði miðvallarin, sum blívur spardur burtur og tað merkir álopsspælið. Í trimum dystum við hesi spælskipanini hevur føroyska landsliðið, at kalla ongar opnar møguleikar megnað at skapt. Tað bleiv eisini støðan í Budapest har okkara fleiri ferðir vóru framvið, men tað eydnaðist ikki at koma til stóra málmøguleikan. Til tað var Jóan Símun Edmundsson ov einsamallur í álopinum, meðan vertirnir í løtum høvdu ov gott pláss í umstillingini, tí Fróði Benjaminsen og René Shaki Joensen blivu í undirtal, um annar fór framvið. Tíbetur dugdu vertirnir ikki at útnytta plássið í umstillingum, men úrslitið bleiv at okkara blivu trýstir langt aftur á vøllin. Tað gav fleiri deyðbóltar, sum er ein styrki hjá Ungarn. Teir otaðu seg nærri og nærri, til tað gav mál níggju minuttir fyri tíð. Talan var um eitt heppið mál, sum helst verður roknað sum at søkja marginalarnar. Óskipað trýst til seinast Tá so málið var komið, so kom tað kanska nakað seint. Føroyska liðið náddi ongantíð at umskipa seg og leggja trýst á. Føroyska liðið kundi helst hava trýst meir seinastu løtuna, men tað órógvaði at Odmar Færø mátti út við krampa. Í hansara stað kom Klæmint A. Olsen, sum síðani bleiv sendur í álopið. Hesa løtuni tóktust okkara spælarar ikki heilt vita hvør spælskipanin var, og hvussu skuldi fara fram seinastu minuttirnar. Eftir sita venjarar, spælarar og áskoðarar við eini kenslu av, at vit enn eina ferð havt tapt tepurt fyri Ungarn, men kundi havt fingið okkurt heim við. TRONDUR@SOSIALURIN.FO FÓTBÓLTUR Eitt mál upp á hornaspark bleiv munurin á máltalvuni, tá Føroyar taptu seinasta HM undankappingardystin á hesum sinni. Avrikið í Budapest var á góðari leið, men spælskipanin BÖDE AFTUR BØÐILIN FLEIRI NÝGGJA MET Føroyska landsliðið hevur sett fleiri nýggj met í hesi HM-undankappingini. Liðið hevur fingið níggju stig, sum er tveir fleiri enn metið seinast. Somuleiðis hevur liðið hildið mál reint í fimm dystum. Tað er ongantíð eydnast fyrr. Tó má havast í huga, at liðið ongantíð hevur verið so sterkt, og bólkurin nokk ongnatíð verið so veikur. Ungarn – Føroyar 1-0: