hósdagur 12. oktober 2017síða 28

FRÍGGJADAGUR 13. OKTOBER 2017 SOSIALURIN 119 28 Spælarametingarnar: GUNNAR NIELSEN Er eitt sindur íblandaður í málinum, men tað er ilt at siga akkurát hvat hann skuldi gjørt øðrvísi, tí áleyparin fær fótin á bóltin heilt tætt undir málinum. Spælir annars ein avbera góðan dyst, har hann ger at kalla alt rætt. Fær nevan á, tá hann skal. Kemur út og loftar í øðrum førum og gevur verjuni tryggleika. RÓGVI BALDVINSSON Spælir eisini væl í verjustøðu, har hann bara tí einu ferðina kemur í trupulleikar, men bjargar støðuni við eini glíðandi takling. Er tann stinnast av miðverjunum á bóltinum undir trýsti. Ilt at siga um hann eigur lut í málinum, men hann er sentimetrar frá at fáa høvdið á. ODMAR FÆRØ Aftur dagsins spælari. Tað er tríggjar ferðir út av trimum. Hann er ótrúliga stinnur í tvídystunum og ungarar sloppu at kalla aldrin framvið honum. Leikluturin sum høgri í miðverjuni av trimum passar honum væl. Vann eina rúgvu av bóltum og kemur eisini væl frá tí í avspælinum. JÓNAS TÓR NÆS Hóast hann hevur ávísar trupulleikar í uppspælinum og avspælinum, so má hatturin takast av fyri høgra vongbakkinum, tí hann hevur nú spælt 180 minuttir á tamb. Hann legði eitt høgt trýst á vinstra bakkin, sum upp til fleiri ferðir gav ella mundi givið úrslit. Gevur eisini liðnum nógv við sínum góðu longu innkøstum. ATLI GREGERSEN Er væl vardur sum tann mittasti av trimum, men eitt sindur ólíkt honum, so breyt hann fleiri ferðir úr verjuketuni fyri at takla og tað eydnaðist væl. Setti eisini høvdið á fleiri innlegg. Kemur ikki eins nógv í spæl við bólti í hesi uppstillingini. ÁRI MOHR JÓNSSON Spældi seg í hitan á landsliðnum við einum sannførandi avriki. Vísti sína styrki við skjótleikanum og ágrýtna spælistílinum bæði við og uttan bólt. Plássið sum vongbakkur passar honum væl, tí hann kann sleppa í verjupartinum og drøna avstað. Hevði ávísar trupulleikar í smáspælinum, har ein einfølt innarasíðuna hevði verið betri enn tofør uttarasíða. 7 7 8 7 7 7 Nýggjar spælara­metingar: 1: Avrikið er út av lagi vánaligt og kostar dystin 2: Avrikið er vánaligt og dystaravgerandi 3: Avrikið er væl undir miðal og tað sæst aftur á liðavrikinum 4: Avrikið er undir miðal, men ikki avgerandi 5: Avrikið er miðal og spælarin røkir tær uppgávur hann skal 6: Avrikið er beint yvir miðal 7: Avrikið er yvir miðal og tað sæst aftur á liðavrikinum 8: Avrikið er væl yvir miðal og spælarin er avgerandi 9: Avrikið er framúr og spælarin er dystaravgerandi 10: Á landsliðið og seldur í morgin! FÓTBÓLTUR