hósdagur 12. oktober 2017síða 29

FRÍGGJADAGUR 13. OKTOBER 2017 SOSIALURIN 119 29 FRÓÐI BENJAMINSEN Hevði torførar umstøður á miðjuni, har hann og Shaki vóru í undirtal. Eftir umstøðunum kemur toftamaðurin væl frá uppgávuni, men tað er sjáldan at hann hevur nakran at spæla til. Tað merkir metingina hjá honum, men spurningurin er um ikki tað er spælskipanin, sum hevur skyldina. GILLI RÓLANTSSON Hevur okkara besta málmøguleika, tá hann ger akkurát tað, sum hann dugur best. Rennur afturum verjuna og fangar ein bólt, fyri síðani at dribbla til høgra beini og meddar til. Tað lá ikki væl fyri í smáspælinum og spurningurin er um ikki Gilli skuldi verið spældur í djúptina hvørja ferð, fyri síðani at royna sjálvur. KAJ LEO Í BARTALSSTOVU Kom inn og skapti tveir teir vandamiklastu málmøguleikarnar. Eitt innlegg, har Sølvi Vatnhamar er nær við, og tá hann skjýtur beint omanfyri. Hevur sína heilt stóru styrki á bóltinum og tað mangla vit í álopsstøðu, men hevur samstundis ikki hegni til verja í longri tíð við høvdinum á. RENÉ SHAKI JOENSEN Er eins og Odmar Færø á einum 8-talið. Spældi sannførandi á miðjuni, har hansara skjótleiki og vilji at vinna bóltin var okkum góður. Hevur spælt seg á liðið seinastu dystirnar. Hevur eisini eina renniorku, ið ger at hann kann stuðla álopinum. JÓAN SÍMUN EDMUNDSSON Hevur truplar umstøður í spælskipanini við trimum í miðverjuni, tí ongin framrættaður miðvallari er at hjálpa honum. Tað ger at hann blívur ov einsamallur sum fremsti maður. Kom í onkrar líkinda støður, men ov sjáldan blívur tað vandamikið. Tykist missa mannin, tá málið kemur, men talan er um økisuppdekking og tí kann toftamaðurin illa lastast fyri málið. KLÆMINT A. OLSEN Kom inn seinastu løtuna og gjørdi tað hann kundi. Fekk einki innlegg at arbeiða við, men órógvaði tað hann kundi løtuna hann var inni. SØLVI VATNHAMAR Kemur somuleiðis sera væl frá uppgávuni sum tann høgri av trimum teimum fremstu. Er ágrýtin, tá bólturin skal førast fram. Er við í tí mesta, tá føroyska liðið er í álopsstøðu. Hevur eisini fleiri góðar bóltnertingar í leypi av dystinum. HALLUR HANSSON Kom merkiliga illa inn í dystin. Tað byrjar væl og tankin um, at kunna skifta hann inn í einum landsdystinum er góður, men tað bleiv ongantíð betri enn fyrstu løtuna. Ilt at siga, um hann bara ikki er “innskiftari”, ella um tað er ein avleiðing av nøkrum øðrum. Løgið at síggja hann missa fleiri bóltar móti endanum. LARS OLSEN Partar av taktiska avrikinum eru góð. Vit verja væl og hann tordi at tveita Ára M. Jónsson fyri leyvurnar. Vinstri bakkurin prógvaði, at hann er til reiðar til landsliðsfótbólt. Men stóra avbjóðingin í hesi spælskipanini hevur verið, at liðið ikki skapar málmøguleikar. Tá so Ungarn skoraði royndi hann at satsa í seinastuni, men tað tóktist ráðleyst og illa fyriskipað, tí spælararnir vistu ikki heilt hvat fór fram. 7 6 7 8 8 6 8 6 6